خساره ضاع ـت آحلامي وطـآرت ][ بالعقول ][ آزمــان . ~

أبي وردة.. بغصن اخضر تنسيني مدى الأحزان
أبي اجلس أنا وياك وأنسى حظي الجاني



تقول اشتقت لعيونك واقول بشوفتك هيمان
بقى ضحكه من شفاتك واصير بعالم ٍ ثاني



خسارة ضاعت أحلامي وطارت بالعقول أزمان
جحدني وقتي الظالـم ونسوني اكثر أخواني



غريبة عيد ميلادي بدا مع مولد الأحزان
ألا يا ليتني داله عن الـتاريخ وأزماني



لقيت إثباتي الشخصي قريت بأول العـنوان
(بقايا الحزن) هو اسمـي صراحه حيل بكّاني



ألا يا ليتني كاهن واقول إن الزمن غلطـان
ألا يا ليتني كاهـن وأكّذب كل من جانـي



خسارة عشت في دنيا دنيـئه كلها أحزان
تفرحني وتجرحني وأنا ساكت على أحزانـي



أبي أصرخ أبي اجرح أبي اشكي من الحرمـان
وأبي أبكي على عمر ٍ قضيتـه بس ..وحداني



ظروف الوقت هي ضدي وزّود ظلمها الهجران
ألا ياوقـت أبي اعرف .. وين الحزن ودّانـي



تخاوينا انا والحزن ..أنا المركب وهو القبطـان
أبي اطلع من المينـاء .. صعبه دون قبطانـي



أنا أصبحت مثل اللي ترك حاجه وهو ندمان
رجع نادم بيأخذها .. وخذها واحد ثانـي



تخّيل كسرة الخاطر .. ألا عيشة الحرمـان
كذا حالـي عقب فرقاك... ألا ياكيف تنساني؟



أنا حظي مثل حالـي .. مريض ودايم تعبان
وحيد ((بديرة الغربه)) ألا ياوين خلانـي



أنا توي صغير السن ولكن شفت لي خـلان
أموت من القهر والضيم ومابـه شخص واساني



غريبه عيد ميلادي نسى إن اسمي بقايا احزان
تركني بعالم ٍ مجهول ارّدد : ][ ليتني فـاني ][
.
..
...


اتمنى تنال اعجابكم

شكرا لميس على الاختيار

العفو خيو على تواجدك
احترامي لكـ

لقيت إثباتي الشخصي قريت بأول العـنوان
(بقايا الحزن) هو اسمـي صراحه حيل بكّاني
ابيات رائعه يعطيك العافيه ع القصيده
اختيارك موفق لي هذي الابيات
ما ننحرم من جديدك

أنا حظي مثل حالـي .. مريض ودايم تعبان
وحيد ((بديرة الغربه)) ألا ياوين خلانـي



أنا توي صغير السن ولكن شفت لي خـلان
أموت من القهر والضيم ومابـه شخص واساني


مشكووره على اختيارك المميز خيتوو من جد تميز ومن قصيده لقصيده لك تحياتي

تشكرات على المرور

ودي واحترامي للجميع