دخلت النت مدري من الوله ولاعلى شانك....

دخلت النت مدري من الوله ولاّ على شانك
................دخلته والمشاعر كلها توصفلك احزاني


دخلته يا بعد عمري دخلته جيت لعيونك
................دخلته عاشق ضايع وجاء من غربته عاني


دخلته والمشاعر صادقه والقلب ما خانك
................دخلته والقصايد كنهاااا فكره تحداااني


دخلت احيا مع طاري نواويرك ووجدانك
................دخلت اقرا كتاباتك وابي تقرا وش اضماني


عطيت ولا خذيت الإّ الحزن خذني على احضانك
................وانا عارف خفوقي لا عشق صعبه اذا اعماني



ابي تاخذ بقايا فرحتي ترقص على الحانك
................وابي تاخذ بقايا العمر وترسم باقي الحاني


وابي غيمك يغطيني وابي شمس وجفن زانك
................وابي كفٍ يدفيني وشوق وشخص ينهاني


وابي قلبي انا بيدك تصونه وهو بعد صانك
................وابي تنسى البشر كلها وابنسى كل من جاني


مدام اني دخلت النت وشفت النت سجّانك
................عشقت النت لعيونك من اقصى النت لداني


اشوف النت بستانٍ جميل يعبر الوانك
................غدير انته يعكس الورد يجذب كل الالواني


اغار من الجهاز اللي عكس في شاشته اجفانك
................واغار من الحروف اللي لمسها كف ناداني


غريب وديرتي عيونك ابي اوصل يمها اوطانك
................ابيك اتشيلني وسط الخفوق ولا تناساني


انا اللي جيت واعلنت الغلى لك وينه اعلانك
................اجي اخذ واجي اعطي ولا غير انت بعيوني


انا الصاحب انا الغالي انا اللي بيوم ما هانك
................انااللي كلمه صمته عتاب وصمتي الهاني



انا اللي عاند جروحه يخاف ابيوم حرمانك
................انا اللي جفت اقلامه وطوى اوراقه وغدى فاني


انا معاند انا الاحساس انا الواقع انا اركانك
................انا اللي ابغيبتك لا جابو اسمك مت واحياني


قصيده وقالها شاعر نوى يفرح بها احزانك
................نوى يشعل بها شمعه تنور كل الاوطاني

دخلته يا بعد عمري دخلته جيت لعيونك
................دخلته عاشق ضايع وجاء من غربته عاني

من جد في هالبيت صادق مشكووره صراحه على ذوقك ولك تحياتي وودي

تسلم خيو عالمرور النايس...........}}

سلمتِ يالغلا
قصيده روعه
ودي لك

يسلمموو خيتوو عالابيااات الرووعـــــــــــــــــــــــــــــــه تحيااتي لك يالغلا

يعطيك العافيه على الطرح الرائع
للقصيده والكلمات الرائعه

الله يعطيك العافية و اتمنى نقرى كل جديد

مشكورين عالمرور الناايس نورتو........

مره حلوه تسلم يدينكـ يالغاليه[[SIZE="5"][/SIZE]

سلمت يداك عالمرور الروعه...