جــوهــره يــاجــوهـره

20 / 11 / 2004, 05 : 01 AM

يـاوديع الـسر خـل السر خافي=أكبر من الظن ، أقل من الجريمه
الـمباراه إنـتهت والستر ظافي=يـاحبيبي كـل غـلطه بـتعليمه
لاتـلاعبني على الشوط الإضافي=إلا والـلـعبه قـواعدها سـليمه
قـبل تـدخل في نظام الإحترافي=طيع شوري عدّل اخطاك الجسيمه
عـلق أمـالك على قلب السنافي=يعتني بك حب وإخلاص وعزيمه
لاتـعلقها عـلى رقـاب الزرافي=أعـتقد مافي زراف الغاب شيمه!
مـن عذاب الغدر يسلم كل وافي=والـوفا مـنهاج الأفكار الحكيمه
غـلطة الجاهل لها سبعين رافي=وغـلطة الـعاقل عواقبها وخيمه
والـقلوب الـلي نـواياها نظافي=مـاتلاقا مـع قـلوبٍ مـستهيمه
نـجم سـاطع ماينور نجم طافي=لـو يـعود النور للعين الكريمه!
ومـن يريد المقبلات من المقافي=مثل طلاب العداله من خصيمه !
والـسمان الـلي تـلفت للعجافي=بـينها تفرق وسيمه عن وسيمه!
دورة الـدنيا دلـيل الإخـتلافي=مـامع الأيـام حـاله مـستديمه
كــل مـاقلنا يـلحفها الـلحافي=تـرفع الـجلسه ويقفا السيل ديمه
لـوعقدنا مـؤتمر فض الخلافي=مـؤتمرات الـعرب دايـم عقيمه
إتـرك إسلوب التنازع والتجافي=وإلـتحق بـالركب يامال الغنيمه
الـهوى راعـيه لـو قيل متعافي=الـوله يـقلاه والـفرقا تـضيمه
يـاحبيبي خـل جـو الحب دافي=وأرسـل الـقلب يتمتع في نعيمه
مـاعليك مـن العذول ولاتخافي=إتـركه يـعزف على دقه قديمه!
مثّل الأخـلاق والـبعد الثقافي=تـنتصر فـي عـالمٍ كله هزيمه
يـاهواي الـعذب يازين الملافي=يـالحنان الـلي عسى ربي يديمه
جوهره ياجوهره والوصف كافي=أنـت قـيمه مـايعادلها أي قيمه
يـاذهب يـالول يامرجان صافي=يـاخلاصة كل الأحجار الكريمه

مختارات عهود