عبايتها وشماغي

عهدي بهـا قـدام تلبـس عبايـه
وانا بعد قبل ألبس شمـاغ وعقـال


طفلين نتهجّـى حـروف الهجايـه
الله يامـجمـل سواليـف الاطـفـال


كانت لنا فـي كـل شـارع حكايـه
وكنا نقـول علـوم ماهيـب تنقـال


وكنـت اتقاسـم ما معاهـا معـايـه
من اسكريم التوت للعلك بوريـال


وكانت بعكسي شاطره فـي القرايـه
تقرأ جـزء عـمّ وطـه والانفـال


وأنا لك الله مـن مـواري غبايـه
مدري ابو النقطه هو الـدال او ذال


وكانت لاابوي تشتكي مـن شقايـه
وتعلّمه كيف اربـط البـاب بحبـال


ياما على ظهري كسر من عصايـه
يقول لي : خلّك وأنا ابـوك رجّـال


وامي تقول : ادع لولـدك الهدايـه
خوفي يصيبه كثرة الضرب بهبـال


لاشفتهـا مـع اول الـدرب جايـه
مدري أنا اللي ملت ولاّ الوطا مـال


احسّ قلبي يرتجـف فـي حشايـه
ماكنّـه الاّ الضيـف لاهـزّ فنجـال


ياما عن "ام السعف" تخبّت ورايـه
لاخوفوها فيـه ثـم شافـت ظـلال


تقول : خلّـك يـآ ( خالد ) معايـه
واسّتأنس العب عندها دور الابطـال


وآغار حتّى من عيـون اصدقايـه
لا طالعوها قلت : ( تكفون ياعيال )

لكل عمر ذكريآت
وآجملها ذكريات الطفوله
قصيده رائعه عفويه
سلمت
كون بخير

وااااااااااو
ابياااااااات من جد رووووعهـ مأأأرا
تسلم خييييو لايحرمنا من مواضيعك.........~~}}

قصيدة رائعة وتحمل من روح الفكاهة الكثير
الف شكر لك على القصيده الرائعه
ودمت بخير

مسلفه ,,دلوعه

نورتو صفحتى

يعطيك العافيه
على الابيات

الراقيه ,,السويدي منورين يالغلا

يسلمووووووووووووووووووو

حياااكى

وآغار حتّى من عيـون اصدقايـه
لا طالعوها قلت : ( تكفون ياعيال )
:
رائعه جدا قصيدتك خيو
تشكرات على ذوقك
ودي واحترامي لكـ