اسعاف بدون مسعفين !!

السلام عليكم ورحم الله وبركاته
الجميع يعلم ان هدف جميع ابناء المدينه هو النقد البناء لأنه هو الطريق للتطوير وتلافي الأخطاء والسلبيات
مستشفى تمير العام مستشفى يضم نخبه من الأطباء والممرضات الجنسية المصريه وكذلك مجموعة ممرضين من ابناء المدينه
هل لك ان تتصور أخي الكريم / أختي الكريمه وجود اسعاف من دون مسعفين خالي تماما لا يوجد سوى طبيب واحد وكأنه خارج نطاق التغطيه لأنه لا يقدم أي خدمه لك ولا حتى كلمه !!
أين الباقي لا أعلم هل هو هروب من استقبال المرضى خوفا من فايروس H1N1 أو استهتار بالمهنه ولا حسيب ولا رقيب !!
ساعات انتظار في الاستراحه المخصصه للانتظار ولا تسمع ولا حتى همس ممرضه تستدعي أحد بالاسم !!
الدكتور وين ؟!
يقولون لك ما ندري !! << طبعا بعد معاناة تلقى أحد يعطيك وجه !!
طيب بيتأخر تقول جاي جاي << ولا تشوفه أبدا
بعد مده تجي وحده من الممرضات المصريات ( وكأنها تكد عليك ) وتقفل المكاتب !!
طيب ياعالم ابغى احد دكتور شي
تقول خلص الدوام !!
اي دوام 3 ساعات وانا من بداية الدوام حاضر ولا أحد فيه
مدري متى جاء هالدكتور حتى يخلص الدوام !!
ناهيكم عن وقت انتظار اخصائي الاشعه لا يقل عن نص ساعه طبعا << نفسي أعرف وين يروحون!!
كم يوم دخلت المستشفى سوا مريض أو مع أحد أقولها بالحرف الواحد صادفت كم مصريه تقول تكد علينا اقول لها فهمي العامله عن التحليل تقول عايزني أعمل لك ايه !!
بالله وش شغلتك أنتي !!
والدكتوره الباكستانيه تشوف المريضه من وراء المكتب بالله هذا كشف !!
هي وحده من الثنين يا هم موظفين رواتب وبس أو رقابه مافيه
من هنا أناشد المدير وأنا والله لو أعرفه رحت له براسه يتابع اللي تحت ولايته ولا ينسى كلكم راع وكلكم مسؤول عن رعيته !!

اقتباس: المشاركة الأصلية كتبت بواسطة غروب الشمس    السلام عليكم ورحم الله وبركاته الجميع يعلم ان هدف جميع ابناء المدينه هو النقد البناء لأنه هو الطريق للتطوير وتلافي الأخطاء والسلبيات مستشفى تمير العام مستشفى يضم نخبه من الأطباء والممرضات الجنسية المصريه وكذلك مجموعة ممرضين من ابناء المدينه هل لك ان تتصور أخي الكريم / أختي الكريمه وجود اسعاف من دون مسعفين خالي تماما لا يوجد سوى طبيب واحد وكأنه خارج نطاق التغطيه لأنه لا يقدم أي خدمه لك ولا حتى كلمه !! أين الباقي لا أعلم هل هو هروب من استقبال المرضى خوفا من فايروس H1N1 أو استهتار بالمهنه ولا حسيب ولا رقيب !! ساعات انتظار في الاستراحه المخصصه للانتظار ولا تسمع ولا حتى همس ممرضه تستدعي أحد بالاسم !! الدكتور وين ؟! يقولون لك ما ندري !! << طبعا بعد معاناة تلقى أحد يعطيك وجه !! طيب بيتأخر تقول جاي جاي << ولا تشوفه أبدا بعد مده تجي وحده من الممرضات المصريات ( وكأنها تكد عليك ) وتقفل المكاتب !! طيب ياعالم ابغى احد دكتور شي تقول خلص الدوام !! اي دوام 3 ساعات وانا من بداية الدوام حاضر ولا أحد فيه مدري متى جاء هالدكتور حتى يخلص الدوام !! ناهيكم عن وقت انتظار اخصائي الاشعه لا يقل عن نص ساعه طبعا << نفسي أعرف وين يروحون!! كم يوم دخلت المستشفى سوا مريض أو مع أحد أقولها بالحرف الواحد صادفت كم مصريه تقول تكد علينا اقول لها فهمي العامله عن التحليل تقول عايزني أعمل لك ايه !! بالله وش شغلتك أنتي !! والدكتوره الباكستانيه تشوف المريضه من وراء المكتب بالله هذا كشف !! هي وحده من الثنين يا هم موظفين رواتب وبس أو رقابه مافيه من هنا أناشد المدير وأنا والله لو أعرفه رحت له براسه يتابع اللي تحت ولايته ولا ينسى كلكم راع وكلكم مسؤول عن رعيته !!

لا تكبر الموضوع المستشفى في تطور رهيب
بس إصبر عليه كم من سنة وتشوف

والله انك صادق قبل اسبوع وديت زوجتي للمستشفى وتخيل بعد طول
انتظار لمدة حوالي ساعه لما زهقت رحت ادور عليهم قالوا زوجتك ملها
ملف !! ظيعوه طيب قلت لدكتور اكشف عليها قال خلاص انتهى الدوام
كان الوقت في الليل كان ذهبت للمدير يحل لي هاالتسيب.
او اصبر كم سنه حتى يتطورون ويلقون الملف؟

انا مادري هل الدوام الساعه 11 يخلص الصراحه مادري.

عليكم مستشفياااات مع احترامي الشديد ..

هاذي مشكلة اهل المنتدى طايحين سبايب في الدوائر وفي خلق لله
وليته ماكان اسمه منتدى تمير حتى لا يشره علينا البراني
وكل من صارعنده حاجه في نفس يعقوب دخل بمسمى غير معروف وقام يسب ويشتم 0
الله يكون في عون الجميع
0
0
وسيم تمير

آمل منك أخوي عاشق الديرة عدم التعرض لأي شخص ...
وإبداء وجهة نظرك فقط ..

المهند

معليش ياأخواني ماكان ودي اقول هالشي أنشاءالله ان ألأمور تتعدل وكل أبن اَدم خطاء
أهم شي مابي يكون في نفس أحد شي علي ابي الناس تذكرني وأذكرها بالخير
وأسأل الله أن يتقبل صيامنا وقيامنا وصالح أعمالنا انه سميع مجيب

واَسف أن كنت غلطان في حق أحد الواحد مايدري هو يعيش أو لا

الله يهديك انت يالي أثرت الموضوع

هذا مشكلت المستشفيات الي مافيها رقابه زي الناس ولا اهتمام

لكن ما نقول الي الله يكون في العوان

اقتباس: المشاركة الأصلية كتبت بواسطة عالمي تمير    لا تكبر الموضوع المستشفى في تطور رهيب بس إصبر عليه كم من سنة وتشوف

ياخونا من عرفناك وانت تقول المستشفى في تطور. تلعب على نفسك
المستشفى ايام الشركة افضل بكثير.
الناس تعبت من تعامل الطاقم من فني وطبيب.
المفروض يحطونة مركز صحي. ويتفقون مع مستشفى الحوطة تكون المراجعة بدون تحويل

اقتباس: المشاركة الأصلية كتبت بواسطة عالمي تمير    لا تكبر الموضوع المستشفى في تطور رهيب بس إصبر عليه كم من سنة وتشوف

لا والله وانا اخوك ما كبرت الموضوع ولا شي هو واقع نعيشه في مدينتنا مدري وين هالتطور اللي انت شايفه ياليت والله يصير وإذا على الصبر يا خوك مو كل مره تسلم الجره وفي بعض الحالات ما تبي صبر تبي انسان عملي وواقعي مو جالس يسولف على الكرسي
شاكر لك مداخلتك