قصيده مدح اهل تمير يوم حرب الخليج

قصيدة مدح قالها الشاعر سليمان صالح الهويدي وهو شاعر كويتي سكن عند أهالي تمير وأكرموه وعاملوه كواحد من أهلهم أثناء حرب الخليج الأولى فقال هذه القصيدة وقد ذكرها في ديوانه رسم الكلام وأترككم مع القصيدة:

الراية البيضاء لكم ياهل تمير------- الطـيـب والنومـاس تستـاهلـونـه

تستاهلون المدح في كل تعبير------ ونـشيـد بالـطـيـب اـلذي تفعـلونـه

صفوة ارجال مهذبين مناعير------- اخـتـاروا مـنـزال العـلا يـنـزلـونه

خويــهم يلــقا مــعزة و تـقدير------- واليـا تـقـاعس بيـنهـم يعـرفـونـه

ابيوتهم مــفتوحة لـلخطاطـير------- والـبــاب مـالـه عــادة يـقـفـلـونـه

شيبـانـهم متـحملة للمـخاسـير------ والـمـال لاجـا واجـبـه يرخصـونـه

شبابهم على المراجل مغاوير------ طـموحـهم حتى الـقـمـر ياصـلونـه

لي حضروا عندك وجيههم مسافير---- آمـر ومـاتـامـر بــه يـنـفـذونـه

يوم الجناح مبلل الريش مايطير----- صاروا لنا فزعة ونخوة وعونة

يوم الليالي لاقحات معاشير------ قــامــوا لـنـا فـي كـل مـا يـمـلـكـونـه

عايشتهم مدة ولا شفت تقصير---- رجـالهـم يـعـطـيـك حـتـى عـيـونـه

ماهم من اللي يصنعون المعاذير---- والضيف ذا من طبعهم يكرمونه

ادعى لهم مع كل الابواب تيسير------ واللي زرعوا ياعلهم يحصـدونه

عسى مراويح السحاب المباكير------ لاصار فوق تـميـر تمـطر مـزونـه

تمـطر على دار ذكرنـاه بالـخير------- عـشنا بها ماقـط شـفـنا المهـونـة

يكسي اراضيها النفل والنواوير----- والفـقـع قـدام بيوتـهـم يلـقطـونـه

يضفي القصيم وكل قرية من سدير---- واللي ورا ذيك الاراضي ودونه

وانهى الكلام بذكر من يرزق الطير----- وصلوا على اللي امته يتبعونه.

هذا الحشم باهل تمير
يعطيك العافيه
قاهر الصحراء
على النقل