انفلونزا الخنازير

تدور عني هذه الايام إشاعة الاصابة بأنفلونزا الخنازير الله يكفينا شرها مما دعى الجميع ينفر مني فا بعد دعاية الشارع اصبحت امشي بالشارع وحدي..

يعني الشارع سعة ولله الحمد.!!!.

وش هالــدعايه عندكم يأهل تمير&&&&الله يســـــــــامحكم على هالـــدعايــه

قلتم مصاب(ن) بفلونزا الخنازير&&&&بدال نشــــــــــر التـــوعية والوقايـه

هذا لو اني من كبار المشـــاهير&&&&يمـــــكن لــــقيتوا فايـــــده من ورايــه

مافيه شــــــك انه لديّا جــماهير&&&&وزود(ن)على اصحابي يجون ازملايه

احضى في اعجاب ومحبه وتقدير&&&&ولا لــي على ذريــــة أدم ولايــــــه

وكثر الكلام اللي على غير تبرير&&&&احط من بينـــي وبينــــه حــــمايــــــه

وكان (الخطايا فوق كل المعاذير)&&&&الله يرشــــــدهم طريق الهــــدايـــــه

كلــــه دعايـــة افلونزا الخنــازير&&&&هذي هي الكذبه واســـاس الحكايـــه

وسلامتكم

تسلم على الابيات اللي تحمل مشاريه محب ،وانت من اهل تمير ياليلان .
تحياتي لك نسيم

هلا وغلا اخوي الغالي ليلان قبل انفلونزا الخنازير وبعد ؟؟؟؟؟؟؟؟؟

وانا ماسمعت الدعاية الا منك علمنا الحقيقة

انت سالم احمد ربك

سامي يقولون جته ومباراة النصر اجلوها علشانه تراه مهم ويروع ::::::::::::::::::::::::::::: ؟؟؟؟؟

الحمدلله أنها شاعة ...

الله يرفع هذا البلاء عن أمة محمد ... ويكفينا شره ...

وهالأيام الاشاعات تطلع هنا وهناك ...

صح لسانك

والحمد لله على السلامه بعد الاشاعه

كلــــه دعايـــة افلونزا الخنــازير&&&هذي هي الكذبه واســـاس الحكايـــه

الله يحمينا وياكم من كل مكرووووه

صح السانك وأعتلى شانك
ومهنا احد ماسلم من الأشاعات
وقصيده وافيه من وافي الله يطول بعمرك

تسلم يمناك

صح لسانك على القصيده
والله يحمينا ويحميك من الاشاعه

صح لسانك شاعرنا ليلان

وها الوقت ما احد يسلم من الاشاعات

الله يكفينا شر هالإشاعات والأمراض

والناس صاروا يدورن على اقرب سالفة لهم ولو على حساب الأخرين

خطاك السوء أخي الشاعر
وكفانا واياكِ الشر وكل مسلم

الكل معرض للأشاعات ..

كون بخير