منطقة "أشير" والسهل .. اليوم الخامس من أيام صلالة الساحرة 14/8/2009

بسم الله الرحمن الرحيم
السلام عليكم ورحمة الله وبركاته

حياااكم الله إخواني في اليوم الخامس والرسالة الخامسة من رسائل يومية من صلالة الساحرة ...

اليوم يوم جمعة ... وقد أديناها جماعة في أحد الجوامع ... حيث صلى بنا شيخ مصري له مايقارب 26 سنة في صلالة المباركة ..

وقد كانت عنوان خطبته عن عودة المعلمين للدراسة .. وتطرق الخطيب إلى كلمات وتوجيهات ونصائح أخرى ... فقد أجاد في الأسلوب بحيث يجبر المستمع إلى الاستماع له ...
وقد حث الخطيب أهل صلالة المباركة بالكرم ومبادئه بعدم استغلال السواح برفع الأسعار الغذائية والسكنية ...

المهم خرجنا إلى منطقة يقال لها منطقة أشير وتقع في الجبل وهي قريبة إلى صلالة فهي تبعد قرابة 30 كلم استمتعنا فيها بأجواء جميلة حيث لم نرى الشمس هذا اليوم لافي المدينة ولافي الجبل وع بعض الهتف والرذاذ اللي مايربص الواحد ...

أترككم مع التقرير المصور ...

** التوجه إلى منطقة أشير ...





** مع زخات الرذاذ ... وهبات الضباب .. يبدو الجو منعشاً ...



** الأشجار ... فاقع لونها من الخضار ...


** وهذه الشجرة قد سلمت من أكل الجمال ... قتساقطت أوراقها إلى الأسفل ...




** شجرة كساها الخضار من أسفل ... والبياض من أعلى ...



** موارد المياه متوفرة في كل مكان ...



** غداء اليوم كبسة دجاج ...



** ما تبقى على رؤسنا .... من آثار صلاة الجمعة .. الله يتقبلها ... وينك بالنجدي عن هالطواقي ...!!!



** بهارات مشكلة ومنوعة ... بطعمات مختلفة ...



** إضرام النار ... بصعوبة .. لتحمير الدجاج ...!!



** ما ألومك يا أبوصابر ... والله ما ألومك ...!!!



** أجواء ... لا توصف بالصور ... ولا بالكلام ... إنما بالحس والمشاهدة ...



** الرمان ... مقبلات للغداء ...



** وتم تحمير الدجاج ... على جميرات هادئة ...



** لقوة الرذاذ ... تم الغداء داخل هذه الناموسية ...



** بسم الله ...



** تفجأنا في الشبل ... بوجود شلة شباب يمارسون التفحيط ...



** ولكنهم مازالوا على حالنا القديم ... التخميس فقط....!!!



** عاش مهجول ... جمهور غفير ... مكون من ثمانية أشخاص ... ويشخصون عندنا "لوحة سعودية" ..!!



** الرذاذ كان قد طاول عليهم من عصر أمس ... فكون بعض المستنقعات المائية الصغيرة ...


** ثم نزلنا إلى السهل ... وإلى نقطه ما بين الضباب والصحو ...



** وشاي العصر على ضفاف إحدى الرفاعات الموجودة في السهل ...



** كي نشرف على منطقة أوسع وأشمل ...



** وإن كانت منطقة مزدحمة بالسواح ...



** برينلجز البلجيكي ... يحييكم في صلالة ...



** وحلاوى القطن ... يودعكم في هذا التقرير ...



في أمان الله ...

تقرير رائع وجميل جدا .
الله يوفقكم ويرجعكم سالمين.
تحياتي لكم نسيم

اقتباس: المشاركة الأصلية كتبت بواسطة نسيم    تقرير رائع وجميل جدا . الله يوفقكم ويرجعكم سالمين. تحياتي لكم نسيم

اللهم آمين ...

نسيم حلالاة من يجرك بكراع يد ورجل ... ولا يحط إلا في صلالة ...

يا أخي مامليت كل يوم خراف وكل يوم دخل وطيور وشموس ... يا أخي ارحم نفسك وغيير ...!!!

تصدق يالمهند اني اناظر فيكم وقول وشلون صابرين ،لو اطلع يوم من تمير جاني ميت شيطان .

اقتباس: المشاركة الأصلية كتبت بواسطة نسيم    تصدق يالمهند اني اناظر فيكم وقول وشلون صابرين ،لو اطلع يوم من تمير جاني ميت شيطان .

طيب وش ألينه ...
برنامج يومي متكرر في تمير ...
الضحى نوم ..
الظهر حر ... ومقابل المكيف ..
العصر ... تحتري الشمس تبرد ثم تأخذ لك بيالة في الفيضة ...
المغرب .. تدور أحد يتقهوى عندك أو تتقهوى عنده ...
العشاء .. عشاء وإن كان فيه مباراة أو جلسة في هالثيل ...
ألين كذا ...

الله ماوجدك على العصل .مارقاطع قلبك المشوار تبي تحلله .
بقر رذاذ،سوق اللحم ،سوق السمك ،العين الفلانية وادي مدري وشو .شجرة كبيرة ثم ماذا؟
انا من شفتك حاط صورة البطاطس وحلاو القطن وانا حاس انكم مالين وودكم بالجية .
والله يالرطب انه يتفضخ والقهوة الزينة .والشارع العام والى اقبلت على العزيزية مع الشلال يالعنبو من لاماني فيها.والغداء دخل وفلة حجاج .

والله ما أدري يانسيم ...

أحس أنكم تجاملون أهلكم وربعكم وجالسين ...

ولا والله ما أدري وش أنتم لاقين في ذا الديرة ...

على العموم يبي لنا هجرة جماعية لوحدة من هالديار الزينة ... أهم شيء كلنا ننقل ... !!

تدري متى تحس اني صادق؟اذا جيت للديرة على خير واقبلت على خزه ثم شفت ضلع تمريه ثم ضاق الضلع شوي ثم اقبلت على الشارع العام ،تدري انك مخطي وان لك وطن .وين صلاله عن العمانية يومهم يكنسون عندنا .

ما شاء الله عليكم الله يحرسكم من كل عين .

لا يهمك نسيم وحتسيه ما عندنا لا ضيقة الصدر وأمس واليوم ما فيه صيد ما فيه إلا الجوع

عمرك شفت عماني تارك صلالة وجاي لتمير غير اللي يدورون العيشة ؟!!!

والله إذا شفت هالصور قمت أبالع ريقي وأتمنى لو عزمي مثل عزم بعض الناس اللي أنت خابر ما يعوقه شي وأطير وأجي لكم .




أما هالحمار فلتة ضحكت ألين قلت بس !!! . الله يلوم اللي يلومه مقيولة غدير وثيل




أعجبتني التشكيلة الجديدة .. طقم طواقي معهم قواطي >> أتحداك تقولها خمس مرات

بس أبو عدنان اليوم مسوي فيها لا تصورني

الله يونسكم بطاعته وترجعون بالسلامة


س ) فيه حاجة مهمة اليوم منسية وش شي ؟!!!!!!!!!!

ماشاء الله
تقرير رائع والجو اليوم شكله احسن من قبل
مااقول الا رحم الله والديك عن النار
وجزاك الله خير فعلآ جهد تشكر عليه
والله يوفقك دنيا وآخره
وترجعون بالسلامه يارب وانتم في اتم صحه وعافيه