رساله الى مسؤلي جامع العزيزية

الى المسولين عن جامع العزيزية المكيفات الامامية ذبحتنا منزله في وجيه اللي قدام كلن ينحاش عنها شوفو لها حل وارفعوها تراه زكمتنا

سوف يوصل خبر الى المسوالين عن الجامع
جزاك الله خير.

لا تكفون لا ترفعونها نبي البراد ياخوي اللي عليه ضرر لا يجلس قدام يقعد وراء العالم ذابحها الحر

مكيفات المساجد مشكلة المشاكل !! اللي يقول ذبحنا الحر زودوا عليها واللي يقول ذبحنا البرد طفوها ، واللي يقول نزلوها واللي يقول ارفعوها !!

أنا أقترح تكون جهة المسجد الشمالية أكثر برودة ( تشغل جميع المكيفات أو تنزل أو يزاد على برودتها ) وجهته اليسرى أقل برودة ( تشغل بعض المكيفات أو ترفع أو ينقص من برودتها ) ويوضع أمام مداخل المسجد لافته بذلك ليكون الإنسان بالخيار .

أما مسألة شخص واحد ما يبي البراد ويقوم ويطفي المكيف مهيب منطقية !! غيرك كثير يبون البراد ، أو العكس ..

وأخيرا رضا الناس غاية لا ولن تدرك

والسماحة زينة ..

ملينا من هالسالفه في مساجدنا كل فرض وحنا على هالموال والجامع كله مره في ألأسبوع مايسوى
ان تطوله نفس المشكله اما مسألة لافته ماأضن الناس بتشوف المكتوب لأن الي الي بيقول طفوا المكيفات
او ارفعوها معليه لأن بيكون في نظره والله اعلم ان صاحب الافته بيفرض عليه جلوس في مكان محدد

بيقول ( مابقى الا يعلمونا وين نجلس فيه )

يا سبحان الله اهل تمير ماعندهم اي شغل
قبل في البلدية ثم الشباب والسكن وماالسكن والحين المسجد يا أخي كانك ماتبي البراد لاتجلس قدام اللى يشوف جونا في تمير يقول الثلج مغطي ديرتهم يا ابو ترى الحر من قوووة يصلخ الظهر اقول لاتجلس قدام وتشغلنا احس ان ماعندك اي شغل قلت خل اكتب مشااااركة واحرك المنتدى ولا انا غلطان

والله الفراغ؟؟؟

يعض الناس يبي البارد بس مهوب بشكل مباشر على وجهه مهوبالكل يتحمل ضرب المكيف في الوجه

جزاك الله خير
مشكلة المكيف في المسجد غريبه نرفعه ويجي بعض الناس ينزله ويروح عنه ويشغل المصلين
الله يشفيهم

غريب امركم !!!

انت جايين تصلون ولا تتهاوشون ....


ما اقول الا الحمد الله على كل حال والصبر زين ياجماعه الخير ..
واخشوشنواا فان النعمه لاتدوم

الله يعيين بعضهم يقول حرانبي مكيف وبعضهم يقول برد الميكيف مانبي المكيف

عاد حلوها