طريقة مندي لحم بسيطة

السلام عليكم اخواني
المندي شي محبب لكل واحد ودايما نهتم بالمواضيع اللي عن المندي ونحب نعرف كيف يسوونه بس نخاف التجربه ويخرب لحمنا وانا اقول جرب بدجاج بالاول وبعدين اللحم بس الدجاااااج لازم لازم لازم يكون ذبح اليوم ماهو المجمد والا راح يخرب ومايضبط

عندي ملاحظة قبل لاتبدي بالمندي وهي

نبدأ وبسم الله اليوم لحم تويس

اول شي كرسي ضو ومتوفر عند كل واحد

1- لاتحط اللحم وانت توك مغسله خل اللحم ينشف بالهواء ساعة 2- لاتخلي اللحم يلمس النار ولا تخلي الدهن يقطر علي النار داخل البرميل والا راح يصير طعم الدخان كثيف باللحم ويطغي علي نكهة اللحم بالكامل ( لاتستغرب راح تشوف بالشرح ) 3_لاتحط بهارات بس ملح وزعفران ( الدجاج ..ضيف عود دارسين داخل الدجاجه)


صندوق حديد (يمكن الاستعانه بقدر كبير )طبعا انا مفصله من الحديد اللي يستخدم لتوانكي المياه علشان مايصدي (وماانصح بالحديد العادي لانه ان غسلته صدي ) واغسله عقب ماتخلص ونشفه وانتبه ماتشطفه عدل ويجلس ريح الصابون باللحم




شب لك فحم او حطب بس الفحم اسرع ولاتشبه بمنقل وبعدين حطه علي الارض لازم لازم تشبه بنفس المكان اللي بتطبخ فيهوخله يستوي جدا ومايكون بعض الجمر فيه سواد وماتخليه لين يخمد حييييل بس حسيت انه استوي بالكامل ابدأ الشغل وهاذي العدة كاملة




جب اللحم وقطعه ولاتخلي القطع كبار احسب مساحة الصندوق(يمكن تقطعه اصغر بعد)






جب كاس مويه وحط ملعقة صبغ زعفران وملعقتين ملح وحركها مع المويه وامسح علي اللحم (لاتحط بهارات)
وخل اللحم ينشف شوي ومايقعد متبلل من المويه والزعفران





امسك كرسي الضو ولبسه قصدير لازم تلبسه بالكامل




ابدأ تصف اللحم علي الكرسي ولاتخلي لحم فوق لحم حاول تبعد كل لحمه لو سانتي عن الثانيه
ولاتخلي مجال للدهن يقطر علي النار لاتخلي قطع اللحم تتعدي اطراف كرسي الضو
(طبعا هاذي طريقتي لان كثرة الدهن وماينتج عنها من دخان تعطي نكهة قوية للحم وفي ناس يقولون مضرة)
طبعا راح تجي نكهة بطريقتي نفس المندي لاتحاتي (واحسن بعد)



بعدين شل الكرسي وحطه علي الضو ومايكون لاصق بالجمر طبعا واطبق عليه بالصندوق وانتبه يلامس جوانب الصندوق اللحم ويطلع طعم حرق لحم ثم ادفن الجوانب بالرمل وحط جمر فوق الصندوق ( طبعا انا زدته وحطيت فحم شوي زيادة لانه قصر علينا الجمر



عط عمرك الراحة لمدة 45 دقيقة ثم نظف الصندوق من الجمر ووخر التراب عن الجوانب
وافتحه شوي شوي علشان ماتغبر علي اللحم



طبعا خلال 45 دقيقة اللي مريح فيها خل واحد من الشباب اللي يتداوجون عندك وخاصة اللي جالسين عند الشاهي ومتبطحين يضبط الرز لحاله (بصل مع زيت ثم ضيف ملح+هيل+دارسين+مسمار+ليمون اسود غير مثقوب+مكعبين ماجي)خلها تغلي ربع ساعه ثم كب الرز( المنقوع ربع ساعه ) علية وخله يسكر

وبالهنا وبالعافيه


طبعا فيه كم واحد بيقول فيه حرق شوي
انا راح اقول السبب لان الجمر نقص علينا فأضطرينا نولع الفحم فوق الصندوق والمفروض ان الفحم اللي فوق الصندوق يكون مستوي وخالص لما نحطه

يمممممم يمممممم

شكله ولا ازين منه

يبيلنا يوم نسويهايا لامبراطور في مكانا عند الحصني االي انت خابر


قل تم بس

يممممممم شكله يشهووووي
يعطيك العافيه
تحياتي

يعطيك العافية
شكله مره لذيذ ومشهي
تسلم يمينك
وبالهناء والعافية على قلبك

ماشاءالله عليك
تعرف تطبخ اجل..
تسلم ع المندي
ويعطيك العافيه

والله شكله لذيذ ..

اممممممممممممممممم مندي باين عليه محكور حكر

اقتباس: المشاركة الأصلية كتبت بواسطة طير شلوى    يمممممم يمممممم شكله ولا ازين منه يبيلنا يوم نسويهايا لامبراطور في مكانا عند الحصني االي انت خابر قل تم بس

هههههههههههههه
ابشر ياطير شلوى بالي يسرك الاسبوع الجاي

اقتباس: المشاركة الأصلية كتبت بواسطة ملاك الروح    يممممممم شكله يشهووووي يعطيك العافيه تحياتي

الله يعافيك ان شاء الله تاكلينه با العافيه

اقتباس: المشاركة الأصلية كتبت بواسطة احلام وردية    يعطيك العافية شكله مره لذيذ ومشهي تسلم يمينك وبالهناء والعافية على قلبك

الله يعافيك مشكووووره على المرووووور الي نور صفحتي