هامش سطورك...

انت القمر ..لا والله ان عادك احلا
===== ويش القمر!! يا صاحبي جنب نورك
نوره!! ترى والله مهما تجلا
===== في ناضري .. ما هو بطلة حضورك
ياللي على مفرق جبينك تدلا
======= ليل الشعر وامسى يعانق شعورك
والرمش ناعس ظلل اعيون كحلا
====== فيها حَوَر ما ضمّه إلاّ فتورك
والورد لك عن كل حُسنه تخلا
======= واصبح بروضة وجنتينك زهورك
والثلج في بيض الثنايا تولا
======= خلف الشفاه اللي عسلها خمورك
والذوق كله قال حاشا وكلا
========= يسبقك في لطفك وخفة مرورك
ما كنه إلاّ قال.. أهلا وسهلا
========= يا سيدي والامر والشور شورك
هذا انت ياللي جيت تسأل .. تغلا
========= دام الحلا اقسم يهيّض غرورك
زينك على كل الصبايا تعلاّ
======== وكل نسمة زين.. تعني عطورك
ليتك لقلبي يا اهيف العود خلا
======== او ليت لي ذكراً بهامش سطورك
لاقلت يا قلبي رويدا ومهلا
========== لكن اخاف طيفنا ما يزورك

مشكور اهلاوي على روعة القصيدة

ودي لكـ

الاروع مرورك منوره مواضيعي ولله

تحيايتي