البارحه في منامي

البارحه في منامي شفت خلي .. فزيت كني قريص عضه الداب
فرحان مرتاع وارحب واهلي .. والدمع مني على الأوجان سكاب
احسب وليفي عنالي في محلي .. هداه ربي وعود عقب ماغاب
لاشك خاب الامل في الصاحب اللي.. طاع العواذل وعاداني بلا اسباب
اول الى غاب عني يعتذر لي .. واليوم اوافيه ماكني من الأصحاب
عسى النمايم وراعيها يولي ..اما القبر او سجين وسط سرداب
اللي تسبب ونكر صاحب لي .. عليه دمعي سوات السيل صباب
الله حسيبه دهاني وقرب اجلي .. وشيب براسي وانا توي بعد شاب
خلى هدومي من عضامي تملي .. واسقاني المر في كيسان واشراب
والختم هذا اللي الله رايد لي .. ما لي جدى كود اراعي النجم لاغاب

كلمات جميله يعطيك الف عافيييه

الله ياعافيك وياهلا ويامرحبا

موفق بإذن الله ... لك مني أجمل تحية .

الله حسيبه دهاني وقرب اجلي .. وشيب براسي وانا توي بعد شاب
خلى هدومي من عضامي تملي .. واسقاني المر في كيسان واشراب


قصيده رائعه سلمت يداك

الله يسلمك ويبقيك

مشكور يا الغالي بشير على القصيدة الجميلة

مــــاشاء الله كلامات روووعــــــــــه

الله يوفقكـ يـــــــــــاارب

وياكم يارب وشاكر لكم مروركم العطر

يعطيك العافيه على الكلمات الجميله ...