عطيتك

عطيتك عشقي النادر .. عطيتك قلبي المجروح’’
عطيتك حب من قلبي ولا تلقى أبد مثله

توكل يا خفي القلب .. توكل من متى لك روح’’
تحس بلوعة المغرم تصد وتحسبك ظله

تحسبك تآمر وتنهي على كيفك تجي وتروح’’
على كيفك تجي وتروح.. وقلبك ما عرف خله

تأكد من جرح قلبي أشيله من خلايا الروح’’
وأشيله من حبل فكري وعقبه عيشتي فله

انا ما العب على خلي.. ولا يطري علي مصلوح’’
ولا طبعي مثل طبعك فلا مذهب ولا مله

توكل عشرتك مره.. توكل والغلا مذبوح’’
ذبحته يا سبب جرحي غرامك منتهي حله

عزيز النفس انا طبعي ولا هز الفكر مملوح’’
اصيل وطبعي الوافي.. جميع الناس تشهد له

عطيتك قلبي الوافي عطيتك قلبي المجروح’’
عطيتك عشقي النادر .. ولا تلقى ابد مثله



منقول

صح لسان قايلها

وسلمت يمينك الغالي فهد

كلمات جميلة

تحياتي واحترامي

استمتعت كثيرآ بما قرأته هنآ
كم رآقت لي
سلمت على الذوق الذي تمتاز به
ودي واحترآمي

العفو نورتو الصفحه ياهلا ويامرحبا

الغالي فهد مازلت اشجعك ومتاكد ان لديك الكثير يعطيك العافيه ماقصرت

الله العافيه وشاكر لك مرورك للصفحتي