ليلة رااائعة في عمو حمزة مع مخاوي تمير والمتحد!!

بسم الله الرحمن الرحيم
السلام عليكم ورحمة الله وبركاته

كانت نيتي أنا والمتحد إلى سد بوضا لشرب شاي العصر ومحاولة صيد بعض الضفادع والأسماك لمحاولة شويها ومن ثم تجربة طعمها .. بعد دعوة قدمها لنا أخوي أبوحمد 2011 للصيد على مرفأ تلك البحيرة ...

وفي الطريق اتصل بي مخاوي تمير وقال وينك ... قلت يالحبيب : متوجه لبوضا أنا والمتحد نبي نصيد سمك ونشرب الشاي .. فقال ارجعوا وأبشروا بالسمك والربيان ..!! فقلنا السد لاحقين عليه ..

تم كنسلة دعوة أبوحمد وإجابة دعوة مخاوي تمير لأداء وجبة العشاء في عمو حمزة المطل على شارع الوشم ...

** الشباب بانتظار تجهيز الطلب ...



** بصراحة فشلت... العالم في هالمطعم مشخصة وأنا ناسي شماغي وعقالي ..!!



** سمك كنعد .. وربيان مقلي .. وسلطة .. وحمص .. وكوكا .. يالله لك الحمد ..!!


** الأكل بالشوكة ... بينما مخاوي تمير .. متفلت على السلطة ..!!



** مالك إلا يدك ... وأترك عنك الشوكة ..



** مخاوي تمير ما أمداه يأكل إلا وشبع .. ماشاء الله عليه .. نظام غذائي .. مهوب مثل غيره كل اللي قدامه كله ..!!!



** المتحد ... يقول آه بس لو أننا في الخبيراء ودابغينها مكرونة ... اللي يشوفه يقول ماخلص الصحون ..!!



وفي الختام ... أكرمك الله يا أبوعبدالعزيز .. وإن شاء الله نردها لك مع محشي الضفادع ..!!!

والله ما لقاها غيركم يا لرجاجيل
مابين غمضة عين وانتباهتها تطمرون للي تبون
ماشاء الله عليكم فله
موفقين دائما اينما ذهبتوا بإذن الله

ماشاء الله عليكم

اقوووووووول كلو بيديكم لا تطعنكم الشوكه هههههههههههههه



تسسسسسسلم على التقرير

	بالهناء والعافيه

اقتباس: المشاركة الأصلية كتبت بواسطة احلام وردية    والله ما لقاها غيركم يا لرجاجيل مابين غمضة عين وانتباهتها تطمرون للي تبون ماشاء الله عليكم فله موفقين دائما اينما ذهبتوا بإذن الله

يابنت الحلال ... أحمدوا ربكم .. سالمين من الغثاء والتغاريز والشموس ...
جالسين تحت هالمكيف وبها الريموت .. تفرفرون قناة المجد ..!!!

اقتباس: المشاركة الأصلية كتبت بواسطة المستشــــار    ماشاء الله عليكم اقوووووووول كلو بيديكم لا تطعنكم الشوكه هههههههههههههه تسسسسسسلم على التقرير

المتحد ... مادرس أو توظف في الرياض .. يعني ماعنده أي هلفية عن الأكل بالشوكة ... الظاهر أنه يبي له دورة "كيف تأكل بالشوكة " باكر تلقاه يقطع شوك الطلح يأكل به ..
سلمت على المرور أخوي المستشار ...

اقتباس: المشاركة الأصلية كتبت بواسطة ابن المملكة    بالهناء والعافيه

الله يعافيك أخوي ابن المملكة ...

شاكر لك مرورك ..

تصدق توني اشوف موضوعك يالمهند لو ني داري كان اجلت موضوعي

الى الغد لكن مهيب مشكله خيرها بغيرها...

تبي الصحيح والله سوا فيكم خير مخاوي تمير وصدقني انه رحمكم انت والمتحد

رايحين لم الضفادع قال هذولاء ميتين جوع خلني اوديهم للرياض ابعد بهم شوي

على الاقل حتى ما ترجعون بعد العشاء ما تنظمنون انتم

وبعدين مالكم حق ما علمتوني انا اقدر المأكولات البحريه

وبعدين يالمهند لازم تشخص انت في الرياض

ما تدري من يقابلك او وين تروح

ما انت في الغراميل او الابرق...

ماشاء الله تقرير ولا اروع
بس مااصدق المتحد والمهند في مطعم ....معقوله ؟؟
وين الضبان وين الديكه من البر الى المعده ماشاء الله تبارك الله ...الله لايضركم
بس صوره رائعه جمعت الثلاثي الرائع مع بعض ....
الله يعطيكم الصحه والعافيه
و تسلم اخوي المهند على التقرير الرائع والممتع

ما شاء الله عليكم فعلا ما لقاها الا انتم يا الرجاجيل متى ما صنفت عليكم طمرتوا الله لا يضركم 0بالتوفيق وبانتظار الرحلات القادمه ونحن واياكم بصحه وعافيه