عذبات القصايد

	اخواني واخواتي اعضاء منتدى تمير قصيده موجهه للعابر من قلبه اود ان تنال اعجابكم

كان يالعابر نويت تقـول عذبـات القصايـد=قدم المعنى على المضمون يالشاعـر بنظمّـه
واخذ مني ماجمعته لك مـن ارزاق الفوايـد=كل شين في طريق الحب انـا شايـل لهمّـه
وانت يالعابر تقول الشعـر وابياتـك تزايـد=والهواء ضاغط على قلبك ولاحظ ضخ دمـه
ما اعتبرت ولا استفاد القلب من شعرك جدايد=حاسبن نفسك تقول ان الهواء عندك مجمّـه
الهواء ياشيـخ مايوجـد بطيـات الجرايـد=الهواء سرن خفي يصعب عليك ان جيت لمّه
كم عشيقٍ راح من معشوقته ماهـوب فايـد=واصبح بحالة نكد والجسـم فرقاهـا تسمّـه
مايعرف النوم والسهـر لعيونـه دوم عايـد=فكره مشتت وبالـه حاضـر بهمـه وغمـه
ولو تمنى يطلب اللي عند كل النـاس كايـد=من قبيله وكم تمنـى حـاصلله ولـد عمّـه
وانت يالعابر خذ اللي قالـه القلـب بندايـد=واعتبر لاتخلي القلب بكثيـر الحـزن جمّـه
ارفق بقلبك تـرى الايـام مافيهـا شرايـد=لو يموت القلـب يحصلـك بهالدنيـا مطمّـه
والعرب تحزن عليـك ايـام مافيهـا زوايـد=ثم تناسى ذكركـم يالعابـر بصبـرٍ وهمّـه

اخوي العابر

هلابك

وصح لسانك

قصيده ولااحلى

العااااااابر

يكتب فننساق خلف قصيدته

ونتلمس أبياته لنهتدي لجروحنا التي لا نعرف كيف خبأها بين حروفه

شاعر راااائع بكل المقاييس

قصائدة الجامحة أكبر من طعونه

وروعته يشكلها بهذا النص الأخاذ

نقلب أوجاعه فنقرأ

وانت يالعابر تقول الشعـر وابياتـك تزايـد
والهواء ضاغط على قلبك ولاحظ ضخ دمـه
ما اعتبرت ولا استفاد القلب من شعرك جدايد
حاسبن نفسك تقول ان الهواء عندك مجمّـه

صح الله لسانك يالغالي

ولاحرمنا الله روعة تواصلك

تسلم ولك كل الود

مو غريبة على شاعر مثلك ..

ان يسرد اجمل الحروف..

ليعطينا اجمل معني في الشعر

فعلا ابيات تستحق الوقوف عندها

تأمل معانيها...

صح لسانك ...

والله يعطيك العافية

اخي الغالي
نقا هشال
اشكرك وصح بدنك
ولاهنت ياغالي
اخوك
العابر

اخي الغالي
أمير الحروف
اشكرك على الاطراء الجميل
ولاهنت مرورك بصفحتى كرماً يجعلنى اقف حائر لا اعرف مااجمع مابخاطري من معاني تليق بشخص مثلك
تقبل اعذب تحيه
اخوك
العابر

اخي الغالي
ولد عنبر
اشكرك على حسن الاطراء الجميل
فلك عندي اجمل تقدير ولاهنت ياغالي
اخوك
العابر

العابر


كلمات جميلة


وقلب أجمل يستحق الجميل

اخوك

اخي الغاااالي
المدرس
كل عاااااام وانت بصحه وعاااااافيه
اشكرك على الاطرااااء الجميل والمعذره على تاخري بالرد لسفري خااارج البلاد الاياااااام الماااااضيه

اعذب تحيه
العااااابر

العابر

صح لسانك ..أجدّت و أبدعت .

قصيدة رائعه

لاتحرمنا من عطائك وبحر قوافيك المميزة ..