قصيده مدح للنجم ياسر القحطاني

بسم الله الرحمن الرحيم

هذي قصيده كتبت للاعب ياسر القحطاني
على سالفة الاستراحه
وهي ضد مايقال عن اللاعب ياسر
من اشاعات
اترككم مع القصيده.........




ياللي / سالتم ياسر اليوم وينه ؟
....................... اجيبكم / واقول : وين البطل/ وين؟
ياسر هنا / عند العقول الرزينه
................................ولا يحسّب/ للخبول المجانين
ياسر مع الامجاد يقضي سنينه
......................... ياسر هناك / يطوف كل الميادين
ياسر / يثمن /بالكنوز الثمينه
...........................معدن ذهب عيار واحد وعشرين
عند الذي هم بالوفا منصفينه
........................ ياسر مكانه / داخل القلب والعين
ابن الوطن / وان صار للجد حينه
........................ يهدي البشاير للوطن / والملايين
موجود ياسر فوق ظهر السفينه
............................ربان يحكمها / من يسار ويمين
في الكاس كاس العالم / وخابرينه
.............................. وفي اسيا حيّر جميع العناوين
هذا الفتى المغوار / تسلم يمينه
.................................لبس لباس الفخر : حٌله وتاجين
لو ترفعون الصوت ياظالمينه
............................ وتتوحدوا في صف /ماهو بصفين
لكم هدف لكن / ماتوصلونه
....................................مادام حجتكم / بليا براهين
غنوا / وحنا كل شي حاسبينه
................................ونعم بياسر ثم ونعم / ونعمين
وشبا ككم صارت لرجله رهينه
........................... يعتادها / في كل / شهرً وشهرين
احلامكم من بعد ياسر سجينه
............................ وافراحكم / ابعد من الهند والصين
من جهلكم / واحقادكم / والضغينه
............................ قامت / تلاعبكم / قرون الشياطين
كلامكم / ياكم لنا سامعينه
............................. لكن صعبه / توصل العرض والدين
والكذب / صورتوه / ومصدقيه
.................................مابه ضحيّه / لاتحدوا السكاكين
انتم ضحيه للفقر الغبينه
................................ والله يستر حالكم / يامساكين
واللي يوجهكم / عسى الله يعينه
.................................. لابد ياتي يوم/ يقضي به الدين
لو الامانه / في ايادي امينه
................................ ماحلت البومه / بوكر الشياهين
والخاتمه / ياهل العقول الذهينه
................................لاتظلمون الصقر راعي الجناحين
خلونظركم / في مدى لمح عينه
............................. وخلو/ الشتايم / في حلوق البزارين
والا الكلام / يمر / شينه / وزينه
.............................. ويبقى الكلام الزين / ويغادر الشين
ويبقى على مر الزمان وسنينه
............................ياسر : قصيده في قلوب المحبين

صح لسان من قالها وابدع فيها ويستاهل النجم الخلوق المدح والثناء
وان يدافع عن حقه محبينه وعشاقه ومن يميلون له
كبير ياولد سعيد
ومايضر الأسود نبح الكلاب
ولايهمك التجريح وانت جبل مايهزك ريح
ومايحركون فيك شعره ومايهزون من ثقتك في نفسك ولايمسون في أخلاقك
فاأنت النجم الأول وبلا منافس وم غير منازع
والقناص يسير والكلاب تنبح

واشكرك جزيل الشكر على القصيده الأكثر من الرائعه
ولكن جبيت أقولك انه من الأدب ومنطق انك ماتكتب كلمة أستراحه
لأننا فاهمين الوضع!!!
يعني لو كتبت قصيدة دفاع عن ياسر وأخلاقه وعرضه
تكون وصلت المعنى صحيح

والله يعطيك ألف عافيه
ويسلمو