لحق ومسك وذبح وسلخ وتقطيع وطبخ وأكل الضبان 11/6/1430هـ

بسم الله الرحمن الرحيم
السلام عليكم ورحمة الله وبركاته

في الاسبوع الماضي وبعد تقرير مطاردة الضبان على جال البحر ... طلب مني بعض الأعضاء التفصيل أكثر وأكثر عن طرق صيدها وأكلها ...
ومن عادتي ما أحب أرد طلب لأحد ... خصوصاً إذا صار الطالب غالي مثل أخوي قائد الأسود ..!!!
ولهذا قمت هذا اليوم بجولة خطافية لصيد بعض الضبان ومن ثم الرجوع إلى المزرعة وأكلها على جال المسبح ..!!

أترككم مع التقرير المصور ... ذاكراً الله ومتوكلاً عليه ..

** بسم الله ... بداية الانطلاق ..



** مالك إلا ترجفه برجلك مع العكرة علشان ينقلب رأسه ولاعاد يدري وينه فيه...!!!



** وش رأيكم في هالمكون ... لها قصة مفصلة في التقرير ..!!!



** فر .. فره ... يمين ويسار ... أهم شيء حاول أنك تشوف بيته قبل مايوصله ..!!



** من فوائد شوفة البيت قبل وصول راعيه .. وش رأيكم في هالحركة ..!!!



** حط الحذوة " تكرمون" وصك بها البيت علشان تضمنه 100% ...!!



** ضب دخل في بيته وللأسف صار مداه قصير ... قلنا مالك إلا ترمي على الحصاة حصاة كبيرة نوعاً ما ... فطلع علينا كذا ...يحسبنا ماشفناه !!!



** ياحلاتها ... مضمونه إن شاء الله ...!!!



** العدو الثاني للضبان ... طبعاً بعد الانسان ..!!



** انتقلنا في العاشرة صباحاً إلى المزرعة ... ووصلنا إلى جال المسبح ... بعد ماكنا الاسبوع الماضي على جال البحر ...!!



** حصيلة كافية لغداء اليوم ... لأن العالم كثرت علينا .. يوم صرنا في الديرة وحول المكيفات..!!



** بسم الله والله أكبر ....



** من السنة ... سن السكين ...!!



** ثم تقطيع الأطراف من أرجل وأيدي ..!!



** ثم قطع العكرة ... !!!



** ويبدأ العمل النظيف ... بسلخ الجلد ...!!



** عملية السلخ ... بعد ادخال السكين مع الظهر ..!!



** عملية نظيفة جداً ... لمصع الجلد من اليدين ..!!



** ما تم جمعه من "الذرة" عفواً العكر ...!!



** وما تم سلخه من اللحم ...!!



** من يشوف المكون اللي قبل شوي من بين ذا المجموعة ...!!



** ما شاء الله لاإله إلا الله ...!! شوي وتنفضخ ..!!



** البيض وصل إلى مرحلة البياض ... يعني كلها كم يوم وتبيض ...!!



** ثم بدأنا في الشروع في تقطيع اللحم ..!!!



** وفي نفس الوقت تطبخ العكر فوحة وحدة ... ثم يتم تنظيفها ...!!



** صحن .... يغري الواحد يأكله ني قبل الاستواء...!!



** بعد استواء اللحم ...يوضع الرز في قدر آخر ... ويوضع صغار الضبان مع البيض في قدر الرز...!!



** وما ننسى الزبدة ... إذا طلعت الحبة ...!!



** ومن ثم ينكب الغداء في صحنين ...!!



** وهنا صحن للشباب اللي ما يأكلون ضبان ...!! حبة دجاج مع الرز ...



** وأهم شيء الليمون وفصين بصل أبيض ...!! وبالهناء والعافية ..!!



** ختاماً أعتذر لمن يتمنى أن يعيش مثل هذا الواقع ,,, وما حصل له ...لقرب انتهاء موسم صيد الضبان ..!!
وتقبلوا تحيات أخوكم المهند وبقية الصحب ...

الله يهديك يا أمير وروح المنتدى الشامخ ( الظاهر انك تتلذذ في تقريفنا )

لقطات تسد النفس ( وين اللي يقول تقرير يبي يعجبك )

على رغم وجود لقطات ليست محببه الا انك تثبت انك تشد وتجذب وتسحر العيون

وتسرق العقول بتقاريرك اللي كل يتمناها في صرحه .. فهنيئاً لنا بك يا أمير المنتدى

وجزاك الله عنا الف خير وكثر الله من امثالك .. ودمت ودام عطائك عز وفخر لنا .

.. ..



ما شاء الله تبارك الرحمن على الرشاقة وعلى الانطلاقة ( وين منتخب القوى عنك )

الله يحفظك من عيون نسيم وهامة مضر في هذه اللقطة ( نسيم وهامة مضر اذكروا الله )

.. ..






ما لك حق عندكم مسبح ولا تعلمنا .. وتاركنا نكافخ من الحر وسمومه

شف نسيم ما يطلع ولا يروح يقول الجلوس عند المكيف ابرك ما درا عن المسبح

اورط عز الله اللي عسكر في مسبحكم

ماشاء الله تبارك الله
تقرير ممتع جدآآ وصور مميزه
انا اول ماشفت بداية العنوان قلت اكيد الدعوه فيها ضبان وفعلآ كلامي في محله ....وعليكم بالعافيه




اول مره اشوف الضب بلونين....
واكرر اعجابي بتقريرك الله لايضرك
احترامي وتقديري لك

والله شهويتنا
ومشكور اخوي المهند ونتظر جديدك

مسبح مرة وحدة يالمهند ههههههههههههه ياخوي (بركه).صراحة يوم قريت كلمة مسبح وقفت شوي .لكن ياالله مسبح .
المهم يجب على ادارة المنتدى ان تكشف على المهند عن (انفلونزا الضبان)والا تراي ابشكي على وزارة الصحة.

الله من النشاط يالمهند.والله لو انك جاي من مجاعة ماسويت هالسوات في نفسك ركض وقوايل .لا يقولون اليوم براد .
مخاوي تمير والله اللي ماطلعت انا وياك نركض وراء ضب هههههههههههههههههه

اقتباس: المشاركة الأصلية كتبت بواسطة مخاوي تمير    الله يهديك يا أمير وروح المنتدى الشامخ ( الظاهر انك تتلذذ في تقريفنا ) لقطات تسد النفس ( وين اللي يقول تقرير يبي يعجبك ) على رغم وجود لقطات ليست محببه الا انك تثبت انك تشد وتجذب وتسحر العيون وتسرق العقول بتقاريرك اللي كل يتمناها في صرحه .. فهنيئاً لنا بك يا أمير المنتدى وجزاك الله عنا الف خير وكثر الله من امثالك .. ودمت ودام عطائك عز وفخر لنا . .. .. ما شاء الله تبارك الرحمن على الرشاقة وعلى الانطلاقة ( وين منتخب القوى عنك ) الله يحفظك من عيون نسيم وهامة مضر في هذه اللقطة ( نسيم وهامة مضر اذكروا الله ) .. .. ما لك حق عندكم مسبح ولا تعلمنا .. وتاركنا نكافخ من الحر وسمومه شف نسيم ما يطلع ولا يروح يقول الجلوس عند المكيف ابرك ما درا عن المسبح اورط عز الله اللي عسكر في مسبحكم

مخاوي تمير شف المهند كن ماهوب يلمس الارض من السرعة .المهند هذا عبرة .
ياخوي مامل من الضبان واكلها .ترى لها ريحة صنقه تقعد فيك اسبوع كامل والله لو تغسل بفلاش ماراحت .
وعلى قولك والله ياهي مقرفه شكلها وسلخها مدري وشلون ياكلونها.

ماشاء الله عليك مطاردة قوية وتقرير اقوى الله لا يضرك ويعطيك العافية وين ما رحت وعليكم بالعافية هالضبان

اقتباس: المشاركة الأصلية كتبت بواسطة نسيم    مخاوي تمير والله اللي ماطلعت انا وياك نركض وراء ضب هههههههههههههههههه

عز الله انك صادق لو تواجرني ما طلعت عسى ما شر

احمد ربك واكسب البراد والعافية حنا ناقصين صخاين .

اقتباس: المشاركة الأصلية كتبت بواسطة نسيم    مخاوي تمير شف المهند كن ماهوب يلمس الارض من السرعة .المهند هذا عبرة .

اههههههههههههههههههههه

اذكر الله يا مسلم تراني اعرفك تجيبها من أول رميه .

ماشاء الله عليك يالمهند

تقرير رااااااااااااائع

تسسسسسسسلم وماتقصر وعليكم بالعافيه