|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| المنتدى الترفيهي وتختص بالدردشة والنكت وقصص الفكاهة وسعة الصدر |
آخر 10 مشاركات
|
 |
|
|
أدوات الموضوع |
20 / 04 / 2009, 40 : 03 PM
|
#1 | ||
|
VIP
|
رومنسيات سعودية
 هذي وحدة تقول: مره وصلني زوجي للمدرسه اللي كنت معلمه فيها الصباح قلت له وانا نازله راح اشتاق لك ياحبي ....  قال انزلي انزلي لا تروح عليك الحصه الاولى .. آآآآآآه بغيت اصفعه بالمسطره عاد انا وش اقول والطويله اللي معاي --  وحده ثانيه تقول: زوجي موراعي هدايا ابد قلت ابشتري هدية جوال الي يستخدمة قديم  المهم غلفته وكاتبة في كرت شعر وكلالالالالالالالام حلو وعطيتة الهدية وكنت بجنبة المهم فكه بشراسة وجهه فيه علامات استغراب وتعجب وانا مبتسمة طلع وناضر قال لمين هذا قلت لك حبيبي قال شاريتة بالفين وخمسمية يابنت الكلب هو فرحان بس شوفو التعبير قسم بالله ذبلت ابتسامتي وهو يضحك يقول اول مرة احد يهديني بالمبلغ هذا بس تصدقون رحمتة -- وهذي وحدة ثانية تقول انها حطت شموع من عند باب غرفة النوم والشموع طبعاً على الارض وهي جلست في غرفتها وكاشخة وتنتظر زوجها المهم دخل الطعس ودعس الشموع برجلينه وقام يصارخ ويتألم وكفخ زوجته وزعل عليها وتكلم عليها وماخلى شي ماسواه والمسكينة انهبلت من اللي شافته المهم الزوج دخل الغرفة وقفل الباب عليه ونام بلحاله والله هالحرمة مواقفها كثيرة وتضحك بس للاسف الحين تطلقت (ماتنلام تطلب الطلاق) -- وحده ملت من الروتين اليومي في حياتها وحبت انها تسوي مفاجئه لزوجها بسهره رومنسيه ... المهم قامت واطلبت الكيكه من الدبلوماسي والعصيرات  وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو لهم ..... المهم جاء الزوج من الاستراحه وريحته تفاوح دخاخين واستقبلته ودخلته للمجلس وقصت له من الكيكه وصبت له من العصير ... المهم يوم بلع وخلص قالها الحين وراك مجلستنا بالظلام حشى كأننا بقبر تقول هي انها بلعتها وسكتت منب مخربه السهره قام وكمل ذا الماصل وقالها الحين وراك طالبه حجم كبير من الكيكه كان طلبتي حجم صغير وشوله الاسراف يالله روحي قومي البزارين ياكلون منها عشان ماتكب عاد هي حامت كبدها منه وطفشها وزعلت عليه تدرون المفروض انها تحط له خبز وفول ويخب عليه هذا مهب وجه تدليع (جعله الضربه ذا البخيل) --- وحده توها متزوجه وحابه تسوي حركه لزوجها ...!! قامت وتزينت وتجهزت من مجاميعه وحطت الاضاءه هاديه وشغلت الدخان الصناعي وانتظرته لحد ماشرف .. المهم يوم دخل ويشوف الدنيا شبه مظلمه والدخاخين حاجبه الرؤيه قام يركض للصاله وجلس يناديها وهي ساكته ماترد عليه تتغلى عليه (على بالها حركه ماتدري مسيكينه انها بتروح في خبر كان) عاد هو طار للمطبخ وجاب جيك ماء وكبه عليها يحسبها انه مغمى عليها من الدخان عشان كذا ماترد عليه (جاء بيكحلها عماها) بالله وش تتخيلون موقفها ..؟؟؟ المفروض انها صبت على راسه موية نار ..... --- وحده تزوجت وراحت للخارج مع زوجها بعثه للدراسه له ولها .. المهم شافت ذا الحمران العطران ورومنسيتهم قالت خلني اسوي مثلهم وخاصة انهم كلهم يدرسون وكل واحد فيهم وقت دراسته تختلف عن الثاني فما فيه وقت للجلسه الهاديه .. فقامت يوم من الايام قبل ماتروح للمعهد قالت خل افتح نفسه شوي لما يرجع تعبان ويبغى ينام شوي ونثرت على السرير ورود والعطورات الفواحه تفوح في الغرفه ومن ذا الحركات قالت إذا رجع وشاف الحركات هذي اكيد بيستانس شوي المهم يوم رجعت من المعهد شافت زوجها نايم في الصاله عاد هي استغربت وراه تارك السرير ما امبطح عليه...!! ويوم صحى وسألته قال الله يصلحك ناثره لي عشب على السرير وشلون انام عليه (الله يقلعه مايميز بين الورود والعشب) بالله مو المفروض تنثر على السرير تين شوكي عشان يتأدب ذا الباصق ...... زوجها ذا من جد فله اجل عشب -- وهذي وحده تعشق شئ اسمه رومنسيه وكانت دائما تعزم زوجها في مطعم راقي على حسابها يعني تغير من جو البيت وروتينه ..  وكانوا دائما يسون ذا الحركه وهو وجهه مغسول بمرق كل ما طلعو يطلب كل مالذ وطاب على حسابها .. عاد هي جتها ام العبيد وقالت انا اوريه عشان يتأدب ويعزمني بدال ما انا أعزمه... قامت وعزمته زي كل مره ويوم خلصوا ماكلين قالت له اكرمك الله يا ابو فلان على العشى... عاد هو شرق بالعصير من الروعه قال لها وشلون يعني ....؟؟؟ قالت له الله يسلمك الفاتوره دفعتها من جيبك اخذت المبلغ من بوكك قبل مانطلع.... تقول عقبها طاح وجهه تأدب وصار يطلعها كل سنه مره (تعب نفسه صراحه) -- وفي وحده لاهي ولازوجها يدلون الرومانسيه  وكانت بيوم راح تنقل لبيت ملك المهم شارت عليها إختها إنها تشتري حركات فطلعت مره هي وزوجها يشترون شموع اشكال والوان وبعد فتره هي كان زوجها طالع وإستغلت الفرصه وإدهرت تضبط البيت وتكشخت وشغلت الشموع يوم جاء المحروس شاف الدنيا ظلام يوم دخل على زوجته ولع النور وطفى الشموع قالها الله يهداك الحين أنا شاريهن لاطفى الكهرب قمة التحطيم -- هذي وحده جنااااااااانها البلونات عااااااااد ذاك اليوم فكل جدر حطت نفاخه .. وشك شك هذا طبعا صوت مفاتيح الباب جاء زوجها .. ومن غير مقدمات يوم شاااف البالونات فقعها وووهو معصب وقال لها لو يجونا ضيوووف وش يقولون.. هذولي ما تخرجوا من الإبتدائي .. والله مسكين وبايخ حطم الحريمه.. -- وحدة تقول أنا معلمه وعندي في البيت أوراق كثيره هنا وهناك وإذا خلصت المدرسه ألمها وأجمعها في كرتون وإذا ما أبغاها أحرقها المهم ما أطول عليكم رحت وشريت لي كتاب رومنسيات زوجيه يقالك بتثقف وأصير رومنسيه حتى أعجب أبوالشباب وأنا كنت ببداية الاجازة أروح لأهلي وأطول عندهم كذا يوم وهو قاعد بالبيت قريت في الكتاب انه إذا سافر زوجك أو تركتي البيت اكتبي بطاقات حلوه ملونه فيها عبارات جميله للزوج وحطيها بين ملابسه عشان إذا جا يلبس يقرا البطاقات ويتذكرك حتى وانتي غايبه عن عينه واختكم في الله سوتها تتوقعون إيش كانت النتيجة لما رجعت البيت بعد اسبوعين لقيت البطاقات على طاولة الكمبيوتر حقي قمت ضحكت وأقول قراها بدون ما يعلمني الظاهر عجبته الحركة زوجي كتوم جداً قلتله ياعيوني ياحبيبي عجبتك الحركة قالي أي حركة لا عد ترمين أوراقك منا ومنا وأنا ألقط وراك ليه شايفتني شغال عند أبوك تسنعي ياحرمه -- وحدة تقول مره سويت لزوجي ليله رومانسيه على قولتكم وقمنا نرقص هذيك الرقصه وش اسمها ايه سلو الي تحطين يدك ورى ظهر زوجك وهو يحط ايده ورى خصري وكنت منسجمه مع الجو تخيلوا وش قال قال تكفين تكفين حكي ظهري فوق شوي لالا تحت شوي وانا ميته من القهر
|
||
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
|
|
20 / 04 / 2009, 06 : 05 PM
|
#2 | |
|
المستشارة والقآئمه بشؤون العنصر النسآئي
|
رد: رومنسيات سعودية
قمة التحطيم ههههههههههه روعه ياام منى
 ماينفع فيهم شي مهما فعلتي خخخخ( بعضهم )  حللللوه وخاصه اخر وحده خخخخخخخخخخخـ |
|
|
اللهم صل وسلم على نبينا محمد♡
|
|
20 / 04 / 2009, 44 : 05 PM
|
#3 | |
|
تميراوي فضي
|
رد: رومنسيات سعودية
مشكووووووووووووووووره يــام منى
على هيكـ موووووووضوع يسلموووووو |
|
|
|
20 / 04 / 2009, 03 : 09 PM
|
#4 | |
|
تميراوي برونزي
|
رد: رومنسيات سعودية
تسلمين على هذا الموضوع
من جد شئ يقهر |
|
|
|
|
20 / 04 / 2009, 38 : 09 PM
|
#5 | |
|
تميراوي سوبر
|
رد: رومنسيات سعودية
الله يهديكن حاطتن الرجال اصفار على الشمال ،،،،،، ترى نزعل ؟؟؟؟؟
|
|
|
مالي وللنجم يرعاني وارعاه
|
|
20 / 04 / 2009, 20 : 10 PM
|
#6 | |
|
مشرف سابق
|
رد: رومنسيات سعودية
خخخخخخخ ما اقول الا الله يسسسسسسسستر |
|
|
|
|
20 / 04 / 2009, 30 : 10 PM
|
#7 | |
|
تميراوي فضي
|
رد: رومنسيات سعودية
مشكورة على الموضوع القوي !!
يقولون في وحدة حبت تسوي مع زجها رومانسية ، حطت له مفاجأة بالغرفة عبارة عن هدية مغلفة كتبت عليها صباح سعيد علشان لما يصحى من النوم يفرح بها الدلخ قام وحصل الهدية دق على زوجته وقال الله يخلف عليتس نسيتي هدية صديقتتس صباح سعيد !!!!!!!! فعلا الله يخلف عليها .... |
|
 تمير مملكة & قلبي تملكه
|
|
20 / 04 / 2009, 19 : 11 PM
|
#8 | |
|
تميراوي برونزي
|
رد: رومنسيات سعودية
صدق ازوج السعودي ماعنده ما عند جدتي في الرومنسيه
|
|
|
صحيحٍ آني كثيير (آيأسَ ) ولكن دآخليٌ طفلهـ / تقوٍل بـ صَمت : يآربيٌ , دخيلك لآ تخلينيٌ ! 
|
|
20 / 04 / 2009, 20 : 11 PM
|
#9 | |
|
تميراوي ذهبي
يالله برحمتك
|
رد: رومنسيات سعودية
قال شاريتة بالفين وخمسمية يابنت الكلب هو فرحان بس شوفو التعبير
قسم بالله ذبلت ابتسامتي وهو يضحك يقول اول مرة احد يهديني بالمبلغ هذا بس تصدقون رحمتة حلوههههههههههههههههههه مره واحد يمدح واحد قال ماشلء الله على فلان حمار شغل (مدحه) تقبلي مروري ولكي مني أحلا التحايا |
|
|
|
|
20 / 04 / 2009, 21 : 11 PM
|
#10 | ||||||||||||||||||||||||
|
VIP
|
رد: رومنسيات سعودية
الروعة هوردك على موضوعي تبي تكحلها اعماها: موفقة: |
||||||||||||||||||||||||
|
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
