قصيدة ينصح فيها شاربين الدخان لشاعر عبد الله بن رويضان

لشاعر /عبد الله بن روضان



• قصيدة ينصح فيها شاربين الدخان.....

ياشاربين التتن مني نصيحة

نصيحة من واحد غير غشاش

أنا ماأقول إنه عليكم فضيحة

لاشك أقول إنه للأمراض قشاش

لو مايجيك إلا سواده وريحه

ودخانه اللي للمعاليق حشاش

بالصدر يجمع من صديده وقيحه

علامته بالصدر خنه وخرفاش
راعيه لو هو قرم عجل مطيحه

لو عاش راع السل راعيه ماعاش

تيبس معاليقه ويكثر كحيحه

والبلغم الخايس على الكبد غواش

التتن نهاش العظام الصحيحة

تصبر عقبه سود خرثان وهشاش

وإلى ركض راعيه يظهر فحيحه

ياقف ولو هو صامل العزم والجاش

خسارتين للمفكر صريحة

هدام للصحة وللمال لشاش

والشرع والقانون عيا يبيحه

جلاب للأمراض والخير به لاش

خلوه للمترديه والنطيحة

تكفون يالظفران خلوه للاش


وهذا الرابط بصوت

http://www.5ymah.net/fm/showthread.php?t=31795



ورونا ردودكم