مكيــنــة أم أســد سنــجــر

15 / 04 / 2009, 49 : 07 PM

يا طويل العمر ما عنـدك مكينـه .. أمّ أسد سنجر ماهيب أمّ الفراشـه

يوم كفّك مـا تمـدّ إلا السمينـه.. جيت كلّي خوف لا يسبق عكاشه

مانبـى الفكسـار والله لا يهينـه .. يستريح الجيب في فيّـة قراشـه

والله إنّي مسلـمٍ مخلـص لدينـه .. والحكومه والوطن في وسط جاشه

مسلمٍ مؤمـن وتغشـاه السكينـه.. ينطح الإجحاف والظلم إببشاشـه

قلبه أصفى من دموعٍ وسط عينه .. ما زعجها رغم غبنه وإندهاشـه

من زمانٍ فيـه للطيّـب ضغينـه .. محتديه بحدّ سيف وحكـم باشـه

مخلبه جـارح وسطواتـه لعينـه .. يودع الرجّـال بعظـامٍ هشاشـه

والذكي قدّامـه الفرصـه ثمينـه .. يستمع لي بـس لايكثـر نقاشـه

كان ودّه يقضي أقصـاده ودينـه .. يجلب السنجر ويبشـر بإنتعاشـه

أمّ أسـد ثنتيـن تطنـخ والدينـه .. يصبح الباشه ويزهد في معاشـه

15 / 04 / 2009, 44 : 08 PM

لاوهني اللي ورث له مكينه
أوليتني خياط ومحصلن فود

يوم المكينه صارت آله ثمينه
والناس صارت بين ناشد ومنشود

اللي لقاها مرضين والدينه
ومن سعدحظه كنه اليوم مولود

وراع الفراشه صاح والله غبينه
وراحت حياته كلها لهود بلهود

وراع الأسد يضحك وطابت سنينه
من عقب ماهو ضايق الصدرمقرود

كل الشكر يا الدامياء على الموضوع وصح لسان الشعراء

15 / 04 / 2009, 37 : 11 PM

عندي مكينهـ ام اسد لها أكثر من أربعين سنهـ عقب جدي منطولهـ ببيت الطين ويوم سمعنا الخبر رحنا بوساط الليل نبحث عنها خخخخخخخخـ ..
من يسوم ؟؟
مشكوريالداميا على الموضوع ...

15 / 04 / 2009, 52 : 11 PM

اقتباس:

المشاركة الأصلية كتبت بواسطة المتحـ2007ـد


	لاوهني اللي ورث له مكينه أوليتني خياط ومحصلن فود يوم المكينه صارت آله ثمينه والناس صارت بين ناشد ومنشود اللي لقاها مرضين والدينه ومن سعدحظه كنه اليوم مولود وراع الفراشه صاح والله غبينه وراحت حياته كلها لهود بلهود وراع الأسد يضحك وطابت سنينه من عقب ماهو ضايق الصدرمقرود كل الشكر يا الدامياء على الموضوع وصح لسان الشعراء

شكرا لكـ أخي المتـحد على الإضــافـة المــاتـعة
دمت لـنـا مبـدعـا ..

15 / 04 / 2009, 59 : 11 PM

اقتباس:

المشاركة الأصلية كتبت بواسطة الموادع


	عندي مكينهـ ام اسد لها أكثر من أربعين سنهـ عقب جدي منطولهـ ببيت الطين ويوم سمعنا الخبر رحنا بوساط الليل نبحث عنها خخخخخخخخـ .. من يسوم ؟؟ مشكوريالداميا على الموضوع ...