مدري.؟ { تفو } هي مدح و لآ شتيمه..

لقيت قصيدتن اعجبتني بالحيل قلت خلني اسدحها لكم كود انها تعجبكم




حــتــى وردنـي تالـي الـليـل جــوال


وانا على شاهي وبسكـوت ديمـة





الرقم بايخ لكـن الــصــوت قــتـال


كنــه مثل صـوت المذيعـة حليمـة





قــالت مساء الخير يـا طيّـب الفـال


قـلـت ارحــبـي تــرحيبـةٍ مستديمـة




بـالـعــود والصفـري ودلـة وفنجـال


واجـبـك يا بنت الأصـول الكريمـة




وردت بضحكة ثم قالت وش الحـال؟


قلت اشهد إن الحال عقبك سقيمـة




قالت وهي تضحك بعد مثل الأطفال


وانـــا بـعـــد كــنــي بــدونـك يتيمـة




مـــن يـوم قـالـتهـا تزلزلـت زلـزال


مــن فجعتي كنـي مسـوي جريمـة




قلت ارفعي صوتك ترى مابه ارسال


كـــذاب لــكـنّ المصيبـة عظيمـة




قالت أقول اسمع ترى هرجنـا طـال


مــمكـن تصاحبنـي ترانـي وسيمـة




واسمي الحقيقي أول حروفـه الـدال


لــكـــن يسمّونـي البنـات الزعيمـة




صحيح أحب الفخفخة واعشق المال


لكـن ترانـي طــاهــرة مستقيـمـة




ما عندي امغازل ولا( لعب يهّـال )


ما عندي إلا في الشرف والحشيمـة




بس الصراحة قلبي لشوفتـك مـال


واصبحت وحدك جالسٍ في صميمه




فكّر بعقلك واترك القيـل والقـال


واحذر تطيع اهل العقـول العقيمـة




وارسل علي الحين خمسميـة ريـال


أشحن بهـا جـوال أختـي غنيمـة




أو طقم غالي فيه خاتـم وسلسـال


أروح بـه فـي عـرس ولاّ عزيمـة




قلت الحقيقة مانيب رجـل أعمـال


ولانـي بتاجـر والمـوارد عديـمـة




أنا الصراحة شبـه عطّـال بطّـال


وعلاقتـي بالفــقـــر جـداً حميـمـة




والراتب الله يرحم الحـال مـا زال


محـدود والمصـروف ربـي عليمـه




والــديـن بـالآلاف والبنـك شغّـال


يــاكـل فـلـوسـي بالربـا والظليمـة




والسوق طايح والغلا ضيّـق البـال


والموت والله صايـر اكبـر غنيمـة




قالت تحمّل بـس والحمـل ينشـال


خلك شديد الباس صلـب العزيمـة




ياخي تصرّف جعلك اتصيـر نشّـال


أهـــــم شــي إن النوايـا سليـمـة




لابــد تـفـهمني علـى كـل الأحـوال


ما دمت من أهل العقـول الفهيمـة




قلت إيه والله فاهم اللي على البـال


لــكــن تــرى هـذي علينـا قديمـة




يــا بـنت هـذا صايـر اليـوم مـوال


للي تبي تلعب علـى ابـن اللئيمـة




يا بـنــت ما تدرين كـم فيـه محتـال


يلعب على الحبلين وانتـي غشيمـة




يا بنت كم من جاهلة دمعها سـال


من عقب ما جات العواقب وخيمـة




والبنت لا اقتفى عرضها بيد الأنـذال


والله مــا يــبـقـى لهـا أي قيـمـة




قالت تبي ولاّ فـ خـلّك علـى جـال


مهوب ناقصـني نصايـح حكيمـة




عز الله إنك للأسف منـت رجّـال


وانك قليل الذوق ما فيـك شيمـة




يا لعنبو اللي مـا يسطّـرك بنعـال


حــتـى يـعـلمـك الغـزل يـا بهيمـة




( تفو ) عليك وصكّت الخط في الحال


مدري ( تفو ) هي مدح ولاّ شتيمـة




ان شاء الله اع ــجبتكم

ههههههههههههههههههههههههههههههههههههههههههههأإي

حلووووه سلمتي ورده بيضآء علىآ النقل مره رهيبه القصيده

أنآ أتوقع أنهآ مدح له لآنه مآعطآهآ اللي تبي ههههههههههأإي بس يمكن بدل ماتقول تسفو ( كفو ) قآلت تفو خخخخخخخخخخخخخخخخخخخ مع ان قصدهآ وآضح هههههههههههههههههههههه

صحيح أحب الفخفخة واعشق المال


لكـن ترانـي طــاهــرة مستقيـمـة


أحلا بيت


يسسسسسسسسسسلموووو

اقتباس: المشاركة الأصلية كتبت بواسطة GLosS    ههههههههههههههههههههههههههههههههههههههههههههأإي حلووووه سلمتي ورده بيضآء علىآ النقل مره رهيبه القصيده أنآ أتوقع أنهآ مدح له لآنه مآعطآهآ اللي تبي ههههههههههأإي بس يمكن بدل ماتقول تسفو ( كفو ) قآلت تفو خخخخخخخخخخخخخخخخخخخ مع ان قصدهآ وآضح هههههههههههههههههههههه

مشكوره يالغلا على المرور
والله لايحرمني من طلتك

اقتباس: المشاركة الأصلية كتبت بواسطة ولد العثمان    صحيح أحب الفخفخة واعشق المال لكـن ترانـي طــاهــرة مستقيـمـة أحلا بيت يسسسسسسسسسسلموووو

الله يسلمك اخوي
وتشكر على المرور

قصيـده جميلـه صـح لســان كاتبهــا ويميـن ناقلهـا

[quote=الشمالي;414465]قصيـده جميلـه صـح لســان كاتبهــا ويميـن ناقلهـا[/quote

صح بدنك اخوي الشمالي
موفق بإذن الله ... لك مني أجمل تحية .

هههههههههههههههههههههههه فديتك يالغلا تسلمين

قصيده روووووووووووعه تسسسسسلمين يالورده أسم على مسمى(:

اقتباس: المشاركة الأصلية كتبت بواسطة الثريا    هههههههههههههههههههههههه فديتك يالغلا تسلمين

تسلمين اختي الغاليه الثريا
موفقه بإذن الله ... لك مني أجمل تحية .