غبارطلعهم من المدرسة

من الغرائب اللي تمر علينا ونحس بالمعاناة فيها ونحن نعلم عنها وندري انها تبي تحصل مثل العج والغبار اليوم.
وين الاستعداد لها والانذار المبكر لمثل هذه الظواهر الطبيعية والكارثية.وين الرئاسة العامة للارصاد وحماية البيئة.ليه ماترسل للادارات المختصة لعمل الوقاية لمواجهة مثل هالظروف.
اليوم المدارس بعد ماتمكن الغبار والعج وصار من الظروري والازم البقاء في المدرسة قال طلعهم طيب ليش يجون للمدرسه وانت تبي تطلعهم.
كيف يصل المعلم والطالب وسائق الباص سالما الى حيث مايريد في ظل العتمه والغبار الكثيف اليس الخطر اكبر عندما اخرجوهم لان هناك حوادث حصلت كثيرة باسباب هذا لغبار .باصات البنات مليانه عن بكرة ابيها لو حصل حادث لاسمح الله من يتحمله .
اليوم في التلفاز السعودي الاخبار بعد الظهر كان لقاء مع احد موظفي الارصاد ويصف الحالة اللي تمر بلاجواء وانه كان يعلم انها ستحصل بمشيئةالله في الساعة الفلانية وكذا وكذا.
طيب ليش ما اعلنت عنها لكي ياخذ الناس الحيطة والحذر وايضا اصحاب السيارات على الخطوط السريعة يجبرون على الوقوف او الرجوع لان هناك ظرف طاري لايسمح بالسير الا بعد كذا ساعة من الوقت لان اليوم حصل حادث جماعي اكثر من عشرين سيارة في وقت واحد.
والمواطن ايضا عليه مسئولية كبيرة جدا انت في بيتك والاجواء سيئة ليش تروح تركب السيارة وانت لست مظطر للخروج وتضايق الناس اللي داهمتهم هذه العجة غصب ومجبورين عليها ؟
اساله اقول وانت وش مطلعك من بيتك ؟يقول اجيب لبن .والله خوش تروح تجيب لبن .حقيقة كل شى جايب جهده.والثاني قلابات تردم تراب في الجنوبي ياخي حرام عليك زود على العج تجي انت وقلابك تكوحنا بغبار معداتك وقف عن الشغل لين نشوف وش حنا فيه.


تحياتي لكم نسيم

تفاجئنا أمس ودون سابق انذار الى موجه هائله من الغبار
الكثيف الذي غطى السماء واصبحت فيه الرؤيه معدومه

ومن المفروض ان يعلن عنه ويكون هناك رصد فعلي وقرارات بوقف الدوام المدرسي لكن لا اعلم لماذا لم يعلن عنه
يجب ان يكون لدينا دراية مسبقةعنه لان الغبار كان معروف لدى الجهات المختصةوالأرصاد الجويه لتحذير الناس لأخذ الحيطه والحذر
والمفروض الواحد مايطلع من بيته وقت الغبار الا للضروره لكثرة الحوادث المروريه
مشكلة العاصفة الرملية أنها تزامنت مع موسم الحساسية
حساسية الأنف والحنجرة وهذا الأمر قد يزيد من حدة الأمراض ولهذا لابد من الوقاية والحذر والانتباه وعدم التعرض لهذا الغبار خصوصا للمصابين بضيق التنفس والربو.
الله يكون بـِ عونهم وَ عونآ كِلنآ ..

عافك ربي على هذا الطرح
احترامي

بالإختصار

ما عندك أحد !!!

المفروض أي مسئول في الدوله يحصل منه خطأ لا يمكن تبريره مثل هذا الخطأ يعفى من منصبه ، لكن من أمن العقوبة أساء الأب ... !!

والله مدرى عن قصدك من غبار يانسيم لكن نجاريك حسب كلامك الرمزى المغلف ونقول المفروض ان ترسل نشره يوميه لجميع قطاعات الدوله لمعرفت الجو لمده اسبوع تصدق اناندورعيالنا فى الشوارع خطا ارتكبه اكثر المدارس المفروض جلسو الطلاب وتصلو بس عج عج وكل انحاش اشكر يانسم مع انى اعرف

كل الشكر والتقدير قوت القلوب على اثراء الموضوع بهذا الاسلوب الرائع المميز .
تحياتي لك نسيم

اقتباس: المشاركة الأصلية كتبت بواسطة النجدي    بالإختصار ما عندك أحد !!! المفروض أي مسئول في الدوله يحصل منه خطأ لا يمكن تبريره مثل هذا الخطأ يعفى من منصبه ، لكن من أمن العقوبة أساء الأب ... !!

انا اقول ليه عنصر المفاجئة حاضر عندنا.الناس من ضربت العاصفة حفرالباطن والرسائل شغالة جتكم تبي تجيكم وصلتكم ليه ما يتخذ القرار قبل وصول هذه الكارثة او يبقا الجميع في مدارسهم الى ان تزول لان الخطر في خروجهم للشوارع الدامسة.
نريد مستقبلا التنبيه والتحذير قبل الحدث فقط .

مشكور اخوي النجد على المشاركة الجميلة .

تحياتي لك نسيم

اقتباس: المشاركة الأصلية كتبت بواسطة ابوحلا11    والله مدرى عن قصدك من غبار يانسيم لكن نجاريك حسب كلامك الرمزى المغلف ونقول المفروض ان ترسل نشره يوميه لجميع قطاعات الدوله لمعرفت الجو لمده اسبوع تصدق اناندورعيالنا فى الشوارع خطا ارتكبه اكثر المدارس المفروض جلسو الطلاب وتصلو بس عج عج وكل انحاش اشكر يانسم مع انى اعرف

الله عليك يابوحلا11حبكت تشغل مخك اليوم لا وعلي انا .
بس ودي افهم منك الغبار له معاني ثانية .الغبار عج وحنا نمر به الايام هذي بس.
والله اني تورطت بك ونشبتبك لكن الله يخارجنا .

تحياتي لك
نسسسسسسسيم

-----------------------------------------------------------------------------------

اقتباس: المشاركة الأصلية كتبت بواسطة ابوحلا11    -----------------------------------------------------------------------------------

ابوحلا وش النقط هذي.
والله ان معرفتك مثل هالعج لكن على قولهم (ام بلا بها الشيطان).
تحياتي نسيم

للأسف الإنسان ماله اي قيمه ارواح ممكن تروح بسبب هذا الاهمال.
انا قريت في جريدة الوطن انه تمت صدور انذارات من الارصاد الى وزارة التربيه.
سؤالي لماذا لم يمنحو اجازه في هذا اليوم؟
لماذا لم تعلم مدارس العاصمه من قبل الوزاره بهذا الخبر؟
الأمر الذي اردت ان اظيفه ان هذه العاصفه غير عاديه وذكرتني بيوم القيامه واخشى ان تكون انذار من ربنا الكريم وامهال لنا..وذلك بسبب الحسد والظلم الذي انتشر بين الناس بشكل فظيع....حمانا الله واياكم من شر اعمالنا. اخوي نسيم هكذا هي الدنيا لبن وعصيروكشته انت في هبايب نجد توقع اي شي يحدث
ويا زين هبايبها ..

مشكور اخوي نسيم على الموضوع لكن ما في الحمض احد.