أنا مهبول وجايزن لي هبالي

28 / 02 / 2009, 05 : 03 AM

غفيت اليوم عصريه وغفوات العصر دايما احلامها مدري وش تبي .. وراودني في منامي أني الخليفه بأي عهد وبأي عصر
مدري الوكاد اننا مسلمين ولي جيوش تواصل الفتوحات شي واصل روسيا وشي يقطع القنال الانجليزي ..
والقصر مافيه الا قوه جواري .. وهذي زبيده رايحه وهذي زمرده جايه واثنين فوق راسي معهم مهفات ريش يهفون علي وعندي
وزيري وامير الجند وصاحب بيت المال .. ونتناقش في امور الرعيه والولاة والاقاليم .. وعلى طاري الولاه فيهم الصالح وفيهم
الطالح اللي يبي ينخلع من ولايتنا ويتحين الفرص للتمرد .. ومحاولات الاغتيال تعد بالايام .. والخطر محدق فيني دائما .. الله
لايعيدها من خلافه ..
وفجاه اقتحم احدهم مجلسي واشوف الرجال ناصيني والوزير وامير الجند والاثنين اللي يهفون فوق راسي واقفين حتى الحاجب اللي
عند الباب مارده وأنا ماشوف إلا اللي طلع السيف وجاي يمشي طبلونه يمي وبها اللحظه قمت مذعورا من مخدعي ..
تعوذت من إبليس وقريت على نفسي المعوذات وحمدت ربي إني في حلم ولا والله لو جاني ذاك السيف ماظني بشوف الحياه عقبه
ابد .. بس اللي قاهرني هالحاشيه اللي حولي كلهم وراهم وقفوا ماسووا شي .. وهاللي دخل علي من اللي مرسله <<< سبحان الله ياللقافه حتى بالحلم ورانا ..
المهم سلمنا الله وطلعنا من جو الحلم وروعته اللي استمرت .. زهاء النص ساعه وانا ماني بمستوعب اللي حصل وكل شوي أتلمس
راسي بشوف راسي وعمامتي بمكانهم ولا طارن ..
قمت بعدها توضيت وصليت لي ركعتين ورجعت لغرفتي
.
.
.
قـــفـــــــــــله ورجعـــــه .. .
.
.
.
جاءتني في الفتره الماضيه من خلال المنتدى والقروب البريدي رسائل كثيره اللي يتشره واللي يهاوش واللي يعاتب واللي يقول خلك من السياسه وأعقل .. وفلها مثل باقي الخلق ودع الخلق للخالق .. وأنت وش دخلك ؟؟ وكلام غريب يصدر من ناس اغرب
وهنا أقول مستعينا بالله سبحانه .. ومستعيذا من الشيطان الرجيم ..
أيها المواطنون أرفقوا علينا شوي ترا مابطى بالسيل إلا كبره ..
وشكلنا بنقلب عليكم اليوم وأولكم أنا أبقلب على نفسي ..
حنا يالسعوديين .. من أقشر الشعوب وأشرسها ولا يعجبنا العجب ولا الصيام في رجب .. وحربمنا يذمن رجالنا ورجالنا يذمون حريمنا .. يحلمن بذوي العيون الخضراء ومالهن بالأخير إلا ذوي الخشش الشهباء ..
ورجالنا ياقلبي عليهم لاعبن الحرمان لعبته فيهم وكل مامر من عند احدهم زول ( المهم انه لابس عباه ومدعج عيونه ) طار قلبه وضاعت علومه .. القلوب خضـــر وتهفهف ..
هذا على الشوف ولو يسمع عاد مع هالشوف له كم كلمه ضاعت الطاسه .. وطبعا عاد ماهو بكل كلمه بتمشي عليه .. ولا هذي فوزيه الدريع من تبدا لين تنتهي وهي ياعيوني ياعيوني ودايم في مواضيعها شاطحه وناطحه وطابه في العميق ولكن ماشفنا هالخقق عندها .. ..
أما عاد الحريم فأكلف ماعليك تشوف جوال وحده منهن وشف صندوق الوارد شرط لتلقى ثلاث أرباع الرسايل .. ذم وحش في الرجل السعودي ومفاجآت وأمنيات آخرها هي أولها ( وهي السماح باستيراد أزواج من الخارج ) ..
ودي أشوف وحده منهن وهي مثلا واقفه جنب زوجها مهند وأشوف وش تحس فيه وهي واقفه عند واحد اصفر وعيونه خضر وشوشته صفراء .. الله يعينها ساعتها على مصاريف الميك أب ( شكلها بتشتريه جراكل والا براميل من دهانات الجزيره عشان تلحق تصف عند هالاصفر لاطلعت معه ولا راحت ولا جت ) ..
نجي عاد لحبايبي المواطنين .. منتو ملاحظين انه ماهو معجبنا شي ابد وشغالين طنازه في خلق الله
لا الأمريكي مفتك من شرنا ولا الهندي ولا الصيني ولا الياباني ولو مالقينا شي نتظنز فيه تطنزنا بانفسنا .. أتحدى فينا احد مايفتح أيميله ويلقى طنازه في احد الشعوب ..
ماكتشتفته أخيرا هو أننا شعب ملكع بالمقام الأول ..
وهالشي ماحد ينكر فيه تميز لنا .. على الأقل لقينا شي نتفوق فيه على الآخرين
إطلاله بسيطه على البرامج المباشره وغير المباشره اغلب الاتصالات اللي فيها لكاعه ( من متصلين سعوديين ) هل يعقل إن باقي الدول مافيها ناس مهستره ولاتقدر تدق زي ربعنا أكيد فيه .. ولكن وش معنى حنا بالذات .. ولأحد يقول لأننا الأكثر هذي مصر فيها 80 مليون ولا سووا سواتنا.. وش حليلهم
لازلت أتذكر ليليان اندوراس وبرنامجها ( فش خلقك ) اللي اجزم انه صمم خصيصا لنا .. ولا زلت أتذكر ذلك المشاهد ( المواطن ) اللي اتصل يوم سئلته : شو عندك فشت خلئ .. رد عليها وقال : لفي شوي ليليان .. وهي تلف ثم قال : شوي بعد .. وهي تلف بتعمد وبدون أي براءه وهكذا إلى أن أعطت ليليان مؤخرتها للمشاهدين .. هنا قال المشاهد ( المواطن ) : وبتنهيــــده عميقه : خلاص فشيت خلئي ..
أيضا وعشان نكون منصفين قناة جرس اللي يشوفها ويتابع برنامج تلك المذيعه اللي مدري وش اسمها يعتقد ان البرنامج يبث من البديعه ولا من السويدي .. ناهيك عن أولئك المراهقات من طقه ( احبك ياجــو ، وأنا من معجباتك ياجو ، ورقمي بالكنترول ياجـــو ) ..
طيب نقول عن هؤلاء مراهقين ولايشره عليهم ..
نطل قليلا على قناه بدايه ... ونجلس خمس دقايق بس نتفرج على شريط الشات تحت .. وحده جوالها رهيب 2000 بأبها تبي تبيعه وترد عليها وحده بحايل تقول ممكن اشتريه منك عطيني مواصفاته شوي إلا الطلبات على الجوال من جميع المناطق .. ولا وحده ثانيه تشاور المشاهدات وش تقلط بعزيمتها بكره ..
والثالثه تبي خلطه .. والرابعه تقول انا زوجي طلقني ثم اشتغلت الدعاوي على هالمسكين وبكل الدعاوي اللي ممكن تقال للبشر وغير البشر بدون معرفه الأسباب التي أدت لطلاقها .. يعني مع الخيل ياشقراء ..
.. رسالة وسائط وصلتني منذ قليل كان بها مقطع غنائي أو بالأصح أغنيه اعتقد أن من كتبها محشش أو كتبها بمحطه بنزين وهو قاعد يعاير هواء الكفرات .. تقول كلماتها ( وه بس ياحبيبي .. وينك غايب عن عيوني ) هذا الشطر الاول من الاغنيه ويستمر المطرب المنسم في ترديد الجزء الاول وبعده ( احبك ) ثم بوســــه
** للعلم فقط ( وه بس = يالبيه 2009 )
يعني كل الهبال اللي فوق قلنا ماعليه تعودنا .. اما سالفه ( وه بس ياحبيبي ) هذي اعتقد لو تقطع ( العقل ) اللي موجوده على رؤؤس كل المواطنين والخليجين والعقل الموجوده ( بسوق الزل ) .. على ظهر من كتب هالكلمات ومن لحنها ومن غناها ماظنها تكفي ..
مررنا بمرحله العربجه في يوم من الأيام وسمعنا اغاني كثير ( نسأل الله الهدايه ) ولكنها كانت تحمل معاني وأبيات جميله من طقه ( مريت سوق الذهب قصدي اشتري دبله ) ، ( وطايرات الميج 21 ماتصيب أهدافها مثل عينه ) .. ( وترا المحبه شف ماهي غصيبه ) ( و غرك بنجمه ليه مالبسك تاج ) كانت هذه الكلمات في وقتها تصدح عاليا في غماره كل هايلكس وددسن وجمس في بلادي الحبيبه وخصوصا في نجد العذيه .. تلك الروائع لم تشوبها تفاهات ( وه بس ياحبيبي ) .. ولكن صدق من قال .. لكل زمان دوله ورجال ..
تلك مرحله قد خلت ولا أظنها تعود .. بكل مافيها من قسوه كانت رائعه أيضا ..
بدأت الطفوله بكل مافيها من فرح وتعاسه ولقافه وشطانه .. تلك الطفوله التي لا أزال احن لها واشتاق لها .. وكيف إن ذلك الشوق يتجسد في تلهفي لمتابعه حلقات ( عدنان ولينا ) علي سبيس تون >>> تراها تجي بعد المغرب .. وتسدحي الدائم أمام التلفاز بجوار أطفال العائله لمشاهده توم وجيري .. وللعلم فقط فلا زلت أؤمن أن هناك في مكان ما توجد جزيره الأمل وعليها عدنان وعبسي ونامق .. وأتذكر أيضا عندما كنت أفيق باكرا يوم الخميس لمشاهده سالي ( >>> بزران هالوقت يسحبونها نومه للعصر ) .. وكم كنت احنق على آنسه مينشن ومعاملتها القاسيه لسالي .. ( أتذكر نتابعها 12 شخص وكلنا نعشق سالي الله يرحم حالنا )
وانتقلنا بعدها لمرحله العربجه وهي مرحله امتدت من الصف الأول متوسط لغايه الثالث ثانوي وكان فينا من الشر والشطانه في تلك المرحله الشي اللي لو وجهناه لاسرائيل دمرناها ..
ورغم كل ذلك .. سقــــى الله ذيـــك الأيـــــــــام ..

.. رساله خاصه ..
للغالي ابو فهد ردا على ماذكرت في تلك الليله وفي ذلك المكان ..
إيه مهبول … أنا مهبول وجايزن لي هبالي *** هبال طيب ولا صحاوه رخامه

رساله اخيره ..
إلى أمي ..
لازلت يا أمي كما أنا ..
أحاول أن أكون صبورا مثلك .. طيبا مثلك .. هادئا مثلك ..
لازلت أحاول .. إلا أنني لم أكن أبدا مثلك .. ولكنني أحاول ..
أقسم لك أنني أحاول .. لا زلت أنفذ كل نصائحك ..
ما الذي يسعني غير أن أحاول .. أعرف أنك كثيرة الدعاء لي ..
ولكنني محتاج لدعائك أكثر ..
أشعر بدعائك يحفني كلما حللت او ارتحلت ..
ولكنني محتاج لأكثر من ذلك .. أريد ان أغرق في عينيك .. ثم لا أعود ..
ربما للحديث بقيه .. ربما

28 / 02 / 2009, 34 : 03 AM

<< غفت وهي تقرآ هههههههه أمزح << كل حتسي أمزح شكلي بتكفخ اليوم هههههههههأإي

والله يآعليك اسلوب هههههههههههههههههههه

شكلك كنت تتآبع مسلسل فآرس السيف والقلم عشآن كذا حلمت هالحلم << منول احب هالمسلسل ( والله من الكمآخه هههههههه)

اوما الأصفر قسم مت يوم قريتهآآ ههههههههههههههههههههههههأإي يآخي الحمدلله ان رجالنا شهبآن لهبان ولهوب يتميعون ولا يتمطرسون وع انا مير مآطيقه والله هالبنيات مدري وش عآجبهم فيه بس صدقت في السخريه بين الشعوب (((ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون))) سبحآنه نهآنىآ عن هالشيئ والمشكله مثل ماقلت اغلب هالامور في المملكه ولو سآلت احد عن المملكه علىآ طول يكون الاسلآم رمز لها يعني المفروض نكون قدوه للأسف.. =(

وعلىآ سآلفت الجيل هالجيل وكلشيئ تغير هالحين أمي وأبوي مبلشيني يقولون يآحليل جيلنا نبني بيوت طين ونلعب قلت أنا يآحليل جيلنا جيل سنشيروا و بليآنه وأتآري وعآئله( و سيقآ أذا العآئله مقروشه) خخخخخخخخخخ واللي بعدنآ بيقولون يآحليل جيلنا احسن من هالجيل التالي الين مدري وش يصير بالنهايه ههههههههههههه يآالله سترك بس

مشكووور شوآق علىآ الموضوع قسم ختير و بسآلكـ الصوره بالبدآيه مهوب تسنهآ خآشه عرض خخخخخخ

28 / 02 / 2009, 45 : 03 AM

اقتباس:

المشاركة الأصلية كتبت بواسطة GLosS


	<< غفت وهي تقرآ هههههههه أمزح << كل حتسي أمزح شكلي بتكفخ اليوم هههههههههأإي والله يآعليك اسلوب هههههههههههههههههههه شكلك كنت تتآبع مسلسل فآرس السيف والقلم عشآن كذا حلمت هالحلم << منول احب هالمسلسل ( والله من الكمآخه هههههههه) اوما الأصفر قسم مت يوم قريتهآآ ههههههههههههههههههههههههأإي يآخي الحمدلله ان رجالنا شهبآن لهبان ولهوب يتميعون ولا يتمطرسون وع انا مير مآطيقه والله هالبنيات مدري وش عآجبهم فيه بس صدقت في السخريه بين الشعوب (((ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون))) سبحآنه نهآنىآ عن هالشيئ والمشكله مثل ماقلت اغلب هالامور في المملكه ولو سآلت احد عن المملكه علىآ طول يكون الاسلآم رمز لها يعني المفروض نكون قدوه للأسف.. =( وعلىآ سآلفت الجيل هالجيل وكلشيئ تغير هالحين أمي وأبوي مبلشيني يقولون يآحليل جيلنا نبني بيوت طين ونلعب قلت أنا يآحليل جيلنا جيل سنشيروا و بليآنه وأتآري وعآئله( و سيقآ أذا العآئله مقروشه) خخخخخخخخخخ واللي بعدنآ بيقولون يآحليل جيلنا احسن من هالجيل التالي الين مدري وش يصير بالنهايه ههههههههههههه يآالله سترك بس مشكووور شوآق علىآ الموضوع قسم ختير و بسآلكـ الصوره بالبدآيه مهوب تسنهآ خآشه عرض خخخخخخ

الا بالعكس جايه بالصميم .. خاصه انها جتني بالايميل مع عده صور لجيوش مختلفه من العالم ( من شعوب نسخر منها ) .. اللي يتمرنون بعز البرد وبدون قمصان وبالثلج .. واللي يتمرغون بالطين ويزحفون .. وربعنا يضببون

28 / 02 / 2009, 48 : 03 AM

أقول ياشواق ...
الله يعين امك عليك ..الظاهر من كثر ماتدعي لك الله يحفظها لك ويطول بعمرها زاد هبالك ...!!!
إن كانك تبغاني أفسر لك الحلم أعلاه ... تراني فاضي أبشتغل لك مفسر أحلام بس أخاف تتكالب علي الشعوب عشان أفسر لهم أحلامهم ..عاد عندك شعب يموت في شئ اسمه تفسير حلم ...!!!
وبالنسبه لربعك اللي ينصحونك ..تراهم صادقين وش لك بوجع الرأس خل الدرعا ترعى ...!!!

اقتباس:


	ماكتشتفته أخيرا هو أننا شعب ملكع بالمقام الأول ..

أجل ناقصك برأة إختراع على هذا الاكتشاف .. بس تتوقع أحد
يتبنى إكتشافك ...!!!
مره أمي سولفت علي من شئ شافته في السوق ... شافت لها بزر لابس (طيحني) وقالت له ياوليدي سروالك (منحسر) وده للخياط يضوق حيزته ...!!
تبي الجد ياشواق عندك شعب يموت في شئ اسمه( طنزه ) وعلى كثر مايقولون هالمثل (الطنزه تلحق راعيها ) الا أنهم مايتوبون ...!!
الله يرحمنا برحمته ويتوب علينا... !!!

اقتباس:


	( أتذكر نتابعها 12 شخص وكلنا نعشق سالي الله يرحم حالنا )

ههههههههههههههههههههههه بس ما أتوقع انكم تعشقونها يمكن ترحمونها أنا معك ..
عاد تصدق اني أكره اتابع هالمسلسل ... !!!
شواق مواضيعك ما أدري وش تبي ... لكنها ممتعه وشيقه ...!!!

28 / 02 / 2009, 59 : 03 AM

اقتباس:

المشاركة الأصلية كتبت بواسطة قلب الاسد


	أقول ياشواق ... الله يعين امك عليك ..الظاهر من كثر ماتدعي لك الله يحفظها لك ويطول بعمرها زاد هبالك ...!!! إن كانك تبغاني أفسر لك الحلم أعلاه ... تراني فاضي أبشتغل لك مفسر أحلام بس أخاف تتكالب علي الشعوب عشان أفسر لهم أحلامهم ..عاد عندك شعب يموت في شئ اسمه تفسير حلم ...!!! وبالنسبه لربعك اللي ينصحونك ..تراهم صادقين وش لك بوجع الرأس خل الدرعا ترعى ...!!! أجل ناقصك برأة إختراع على هذا الاكتشاف .. بس تتوقع أحد يتبنى إكتشافك ...!!! مره أمي سولفت علي من شئ شافته في السوق ... شافت لها بزر لابس (طيحني) وقالت له ياوليدي سروالك (منحسر) وده للخياط يضوق حيزته ...!! تبي الجد ياشواق عندك شعب يموت في شئ اسمه( طنزه ) وعلى كثر مايقولون هالمثل (الطنزه تلحق راعيها ) الا أنهم مايتوبون ...!! الله يرحمنا برحمته ويتوب علينا... !!! ههههههههههههههههههههههه بس ما أتوقع انكم تعشقونها يمكن ترحمونها أنا معك .. عاد تصدق اني أكره اتابع هالمسلسل ... !!! شواق مواضيعك ما أدري وش تبي ... لكنها ممتعه وشيقه ...!!!

تفسير الاحلام لحاله يبي له موضوع عشان كذا ماحشرناه هنا .. شف كم فيه قناه وكم جوال مفسر ولاحظ اغلب المشتركات من وين ... مدري هي فضاوه ولا وش السالفه ..
قلب الاسد .. بيني وبينك .. تهقى الدعاء قد يأتي بنتيجه عكسيه رحنا فيها اذا كذا

28 / 02 / 2009, 30 : 06 PM

اقتباس:


	إطلاله بسيطه على البرامج المباشره وغير المباشره اغلب الاتصالات اللي فيها لكاعه ( من متصلين سعوديين ) هل يعقل إن باقي الدول مافيها ناس مهستره ولاتقدر تدق زي ربعنا أكيد فيه .. ولكن وش معنى حنا بالذات .. ولأحد يقول لأننا الأكثر هذي مصر فيها 80 مليون ولا سووا سواتنا.. وش حليلهم

شواق البرامج هذي 90% منها معمولة بس لمهابيلنا وياكثرهم

اقتباس:


	أيضا وعشان نكون منصفين قناة جرس اللي يشوفها ويتابع برنامج تلك المذيعه اللي مدري وش اسمها يعتقد ان البرنامج يبث من البديعه ولا من السويدي

على طاري قناة الجرس فيه بنيه من بنياتنا متيمة بمذيع في هالقناة يدعى جمال بركات
ومن كثر ما هي مهووسه به صار عندي فضول أشوفه وأعرف ـــــ( سر الجاذبية )
المهم مالك بطويلة تابعت برنامجه وش صار؟؟
ومالوم بنياتنا إذا نشبوا عند هالقناة >>>>> الولد مافيه ذاك الزود من الزين عادي
أو أكثر من العادي شوي بس عليه صوت وأسلوب يذبح ... ويتحدى على الهواء أي بنت تتعرف عليه وما تتغيرحياتها 180 درجة ورقمه بالكنترول وياحبي لبنياتنا اليوم تأخذ الرقم وبكره ترسل له هدية .. ساعة ..موبايل ..أقل شيء بوكيه ورد ~~ يا حياتي الحرمان يسوي أكثر من كذا
وهاللبنانيين عرفوا لنا فسيطروا على عقول شبابنا وبناتنا وشيابنا بعد

يعطيك العافية شواق على هالموضوع الحلو

28 / 02 / 2009, 12 : 11 PM

اقتباس:

المشاركة الأصلية كتبت بواسطة المتميزة 26


	شواق البرامج هذي 90% منها معمولة بس لمهابيلنا وياكثرهم على طاري قناة الجرس فيه بنيه من بنياتنا متيمة بمذيع في هالقناة يدعى جمال بركات ومن كثر ما هي مهووسه به صار عندي فضول أشوفه وأعرف ـــــ( سر الجاذبية ) المهم مالك بطويلة تابعت برنامجه وش صار؟؟ ومالوم بنياتنا إذا نشبوا عند هالقناة >>>>> الولد مافيه ذاك الزود من الزين عادي أو أكثر من العادي شوي بس عليه صوت وأسلوب يذبح ... ويتحدى على الهواء أي بنت تتعرف عليه وما تتغيرحياتها 180 درجة ورقمه بالكنترول وياحبي لبنياتنا اليوم تأخذ الرقم وبكره ترسل له هدية .. ساعة ..موبايل ..أقل شيء بوكيه ورد ~~ يا حياتي الحرمان يسوي أكثر من كذا وهاللبنانيين عرفوا لنا فسيطروا على عقول شبابنا وبناتنا وشيابنا بعد يعطيك العافية شواق على هالموضوع الحلو