قصة بنت تطالع واحد بعين قويه

هذهقصة بنت كانت تطالع واحد بعين قويه المهم الرجال طلع شاعر وما قصر فيها كم بيت عشان تتأدب لكن المفاجأه هي ؟؟؟؟


كل شبر بهالوسيعه ملـك ربـي تعلميـن
وأعلم إن اللي خلقني هو خلق لـك هالعيـون




لكن انتي منجلستي وانتـي فينـي تحدقيـن
كن ما به ناس غيري بهالكراسـي يجلسون




لوسمحتي عاد أسمعي وحتى لو ما تسمحيـن
المهـم اللـي بقولـه تسمعينـه ويسمعون




عالأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون



الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون



تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون



وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون



مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون



وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون



وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون



بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون



ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون



وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون



إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون




لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون



آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون



قلت سنّـة هالحيـاة وحـن ترانـا مؤمنيـن
الله اللـي مسيّرنّـا بيـن كافـ وبيـن نــون



وكل أبونا نختلف مع إننا مـن أصـل طيـن
سبحان يلي مصورنا ولله في خلقـه شـؤون



يعني حنا كل أبونـا عـاد إسمنـا بنادميـن
وليا قضى ربك أمر وقـال لـه كـن فيكـون



فينـا يلـي رازقه خيـر رب العالمـيـن
وفينا يلي هو لعطفه بحاجة القلـب الحنـون



وفينا يلي مـا شكـى مـن علـةٍ كالآخريـن
صـمٌ و بكـمٌ و عمـيٌ فـهـم لا يفقـهـون



بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون



وتدري عاد يالكفيفة حنا تراى متشابهيـن
وإن ماانعمت أبصارنا قلوبنا هـم إللي يعتمـون



يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟

و سلامتكم يالله أبغى الردود الحلوه

يآالله مره خطيره القصيده قسم معبره والبنت طلعت كفيفه يآقلبي قسم بالله روعه القصيده جنآن،،~

سلمتي الوردهـ البيضآء علىآ القصيده وتآبعي ابداعكـ وماننحرمش ان شاء الله

اقتباس: المشاركة الأصلية كتبت بواسطة GLosS    يآالله مره خطيره القصيده قسم معبره والبنت طلعت كفيفه يآقلبي قسم بالله روعه القصيده جنآن،،~ سلمتي الوردهـ البيضآء علىآ القصيده وتآبعي ابداعكـ وماننحرمش ان شاء الله

تسلمين يالغلا على تشريفك موضوعي
الله لايحرمني من ردودك
وطلتك الحلوه

	أختــي الورده البيضاء يعطيــك العافيــه على المشاركــه الجميله وهــذه درسٍ جميــل فيجــب علــى كــل أنســان أن يحســن الظــن ولا يتســرع بالحكــم على مـا تشــوفـــه العيــن

قصيدة جميله جدا
ومعبرة وذات بعد انساني رائع وزادها روعه البناء الشعري السلس
اختيار موفق

اقتباس: المشاركة الأصلية كتبت بواسطة ابونواف السلوم    أختــي الورده البيضاء يعطيــك العافيــه على المشاركــه الجميله وهــذه درسٍ جميــل فيجــب علــى كــل أنســان أن يحســن الظــن ولا يتســرع بالحكــم على مـا تشــوفـــه العيــن

الله يعافيك اخوي على المرور
وصدقتا الانسان يجب ان يحسن الظن فلا يسرع بالحكم

اقتباس: المشاركة الأصلية كتبت بواسطة ساكن المجبب    قصيدة جميله جدا ومعبرة وذات بعد انساني رائع وزادها روعه البناء الشعري السلس اختيار موفق

شـكــ وبارك الله فيك ـــرا لك ... لك مني أجمل تحية .