الطريق إلى عذفاء الجزء الرابع .. يا بلادي واصلي !/ صور

السلام عليكم ورحمة الله وبركاتووووووووه
ولا زلنا نواصل المشور
واسمحوا لنا عا التغيب << واصلي والله معاكي واصلي واحنا وراكي
واصلي والله يحميك يحميك << الحمد لله الحمى من الله
رغم ان بوووه ناس مو عاجبه ولا تريدن نصور وعاملين علينا تحقيق
ولكن مواصلين ولن نتوقف << وش مزعلكم حق من حقوقنا
اما الاجواء البارده كان لها تأثير علينا تجمدنا نوعاً ماء

الطريق إلى عذفاء
الجزء الرابع


مقطع فيديوا

ولا زالت تايهه وهذا ياطويلين العمر والسلامه بنت الشيوخ <<< صدقت عمرها لو انا بنت شيخ كان كل شي صار

هذا البرد يوم طلعت الشمس تصل الى 7 درجات تحت الصفر
تخيلوااا منطقه صحراويه يعني كأنكم عايشين بيت شعر
الاجواء عندنا << ابي احد يحس با الي انا احس بوووه
وربي اني يديني متجمده مااقدر اكتب ياااااااابسه

انزلوا يامعلمات على الطريق لو سمحتوا
نريد ان نأخذ نزهه كا العاده
الي جالسات يشعن المنتخب احسن ماتناظرن على الفاضي
وش نوحكم عصبتواا
وش نوحكم ؟




وكعادتنا دائماً في رحلتنا المستمره بشكل يومي
وعائقات الطريق والسياره ومتاعبها
وكله بسبب << الطريق
المواصلات التي اتعبتنا..
الى متى يصل الطريق ؟



وطلعنا من عذفاء ولا زال الطريق الي متعبنا ياخذ حقوه معنا
ونعلق با الصحاري والحمد لله انا علقنا اول عذفاء
يعني فيه امل احد يشوفنا
لو منتصف الطريق جلسنا لليل




الشي المضحك يوم وقفنا نغير الكفر الي نسم والا تجمعن علينا
الخرفان تخبرون بنت الشيوخ بشاير << مو متعوده ماتطلع الا باريس وفرنسا
يعني مره هذي الخرفانه ماتعرفها <<ياااي بقولهم ينقلوني


دربي طويل
دربي طويل

الطريق الموصل الى عذفاء احيان نلقاه واحيان مانلقاه
لكن اشوى ان السواقين مبدعين يعني الشغله تبي لها
ناس اهل معرفه وعلم
والي مايعرف .. يكتب وصيتوه
يعني لو معانا بنت وزيرنا والا شيخه <<بشاير
كان من زمان وصلنا الطريق
لكن لنا الله
لن ننسى المعلم اذي توفي على الطريق بعد ان تاهت به الطرقات .ولم يسلط عليه الضوء
ولا المعلمه التي مات زوجها وابنتها في عذفاء عطش بعد ان تاهواا وغرزو3 ايام ولم يسلط عليها الضوء؟
لان سعادتهم اهل الكراسي والتكييف
سلموها الورقه وقال مبروك تم تعيينك في عذفاء ؟ وين عذفاء ؟
يعني مااحد معبرنا متنا عشنا عادي ؟
انا مااقول غير رحم الله موتانا وموتى المسلمين

:


خيرنا لغيرنا
وباركوا لنا با التطور الجديد تم تغيير العلم
وجتنا العرب الي تخبرونهم يركضون
صارت عذفاء لاسبوع مهم لدى التعتيم قصدي التعليم

زعلانين ومادين البوز علينا وينشدون عن بشاير

وكله بفضل الله ثم بفضل قروب نواف بيك على نشر الغسيل
وعساه يسلم والله يوفقه ويعطيه العافيه





والله الحاله يرثى لها لذلك مالنا حيله غير التعبير
وش دخلهم وليه << حرام الحتسي ؟
هذا معلمه بعذفاء

وزارة التربية كأنها أخطبوط من كثرة افرعها ومكاتبها الإدارية
ولكن في عطائها!! نجدها كلوحٍ فارغ يطفو على سطح الماء!

والمعلمه لن تنال اعجاب التعليم خااصه
وان كانت بهذه الحال
واخر التطورات كلام احد منسوبات التعليم الفاضله
عندما حضرت الى عذفاء
تضحك بقولها
اطلبوا هلكبتر توصلكم الى هناااا ..
واذا مو عاجبتكم عذفاء . أفصلوا ؟ عشان التصوير يعني <<

:


هكذا اصبحت الحال
عظام ناحله لمعلمات عذفاء
طريق 5 ساعات صحراوي
وتدريس وثم رجعوع ايضاً لا ارض الوطن 5 ساعات
كم صار سفرنا كل يوم <<10 ساعات لا اكل ولا ماء
والحياه متعبه
والي تأكل مهدى عشان الطريق والمنوم <<<ولنا الله
فلسطين اكلهم البرد والجوع والعوائق <<< طيب حنا
وش اكلنااااااا


بشاير دايم تسبدها توجعها من الطريق
يعني تعالوا معانا مره
من توصولن عذفاء الا انتم دايخين
طيب اعتبرونا <<< غير وتصدقوا قطيه وتعالوا نسوي الطريق
والله ان تسبدي تحوم وتلوع وقلبي موجعن على الحال



وتمت المغادره من الأرض النائيه الى ارض الحميه

:


وعندن توقفنا للصلاه اخذت
عدسها لمحبي الربيع
وابشركم بدينا نربع <<< نبي نشري غنم ونسرح


:


نتوقف لتغيير شي او لتغريزه بعادتنا
وكانت هذه الصوره
يعني ماتدري وين انت <<<باالصحراء يعني وين
با الديره والا باالعليا << نسيتي انك بعذفاء

:


اعتقد الحركه هذي باين انها تحدي
من السواقين ايواااا الله تحدينا كل شي

..من لها غيرها حنا لها
حنا رجال الحرب وعيالها حنا
اذا جانا العقرب
نضرب لها رضم
ومن لها غيرها حنا لها
حنا بنات عذفاء ومدرساتها
حنا اذا جانا التعليم فيها
نشعلها صياح
ومن لها غيرها حنا حنا لها
حنا اهل عذفاء << وبعدين
حنا اذا جانا الوزير فيها نشعلها حريق
حنا اذا جانا البرد فيها نجمد اكييييييييييييييييييييييييد
ومن هلا غيرنا حنا لها

طولت ... وحلقي نشف وانا انشد

محشش مغرز وقف له واحد يبي يساعده قاله
معاك حبل؟

قاله :- عاشت الأسامي

اتوقع انه تحدي

من السواقين المبدعين عسى الله يوفقهم
ويرزقهم كل خير بمواصلتهم معنا ولسنا نحن من يعاني فقط
جزاهم الله خير الجزء


بعد التحدي يأتي البحث عن القبله
في هذه الاجواء
والله كان الجوء عجاج وهواء غير طبيعي
والرمل دفنا ... الله يعين
بشاير غبرت <<< ربي يسلمتس


ياليل الليل
مع الاوضاع يعني متى نوصل
اهلنا
العاده كل ليل
زين انا نصلي المغرب الحمد لله
يعني نطلع 3 الفجر
ونرجع 6 المغرب
شي طيب
والمنطقه كلها 120 كيلوا
عاشوا عاشوا
شجعوااا المنتخب
:


اما المحلات لعذفاء والبقالات
من عهد جدتي وانتم يا الشيوخ لا غير
سوبرماركت وتتسوقون من برا
ولازال يعمرونا من خيرات بلدهم

:

تصوير ليلي

الشي المحزن في هذه الصوره
ولاراح عن مخيلتي انا علقنا من قبل أذان الفجر
الى طلوع الشمس في الصحاري ولا قدرنا نطلع السياره ؟
والجوال الثريا يا الله قدرنا ندق فيه << الثريا حياه اسهل
ومتى اذا كان فيه احد يجي
المهم فرجت لنا لما طلعت الشمس بدينا نشوف، وانقذونا المدرسين
واهل الخير والله ان الشاص يسحب ولا قدر بس طلعنا <<<<يابلادي واصلي
والله معاكي

:


الليث الابيض
وابو مجلي بين عتقات الطريق
يركب ويحوس
الله يعينك

:


والمعدات وكل شي بمحله
المشكله لو يقال يشتغلون اشوى
تدرون وش رايكم نسوي لنا اثر ونسوي صبه اسمنت اسهل لنا
لاننا حفظنا الخط والي يبي عذفاء يجي معانا <<<< الحين اداره التربيه اغلب الوقت لا بغوا
عذفاء طلعوا معانا ؟ ليه ايوااا انتم فكروا ..خوفاً من الضياع يمالين الضياع
:

:

لا وصلنا الردميه باقيرا
ياهايط يسابق يقال اعرف الطريق



:
اما مطعم عذفاء الوحيد غير
تم افتتاحه
احلى المأكولات الشعبيه والعربيه << مو حنا يقال عرب
وهذا بلى ابوك ياعقاب



صحيح ان عذفاء ناقصها الكثير والكل تناساها
لكن مانسوى الكرم والشهامه وتضل على قلوبهم
رغم الاوضاع التي يمرون بهم



ويقولون ليش منتخبنا فاشل ؟
لان كل وراى منتخب عظيم بشاير
يعني حنا بعذفاء مسلطين الضوء بس
على اللاعبين نشتريهم بمليون ونجمع الميداليلات الذهبيه والفضيه
وهاتك يا ملايين على الكوره
ومانهتم الا بهذا الشي غيرووه
خلي يويلي <<< طيب حق لاعب من الاعبين
يزين الخط حق عذفاء




هذا عقاب الي مايشجع المنتخب السعودي <<<وشو؟

لكن خوذو فنجال من مشاري واحبوا الصدور واسعه
لكن الجزء الخامس يبشركم غير علوم وسوالف


القهوه العربيه
اشربها تحس انك انسان بقلب غير

:

:
وكما عودتكم بشاير على القصيد

نختم بقصيده الان جت
واعذرونا على القصور

يا الي باالمرجله دايم تحكون = فكوا اسرنا بالصحاري الأذيه
عطونا حقنا المطلوب وانصفون = ليه الزعل والحكي بالخفيه
ماقلنا غلط ليمنا تركضون = من الي صور وجاب الاسيه
بالتصوير والنشر عندنا تفتشون = ليه الفضايح والتستر والخفيه
هذا الواقع وانتم تحكمون = لاتزوير ولا دجل ولاخفيه
جبتها بالكام لاجل تصدقون = حياتنا وموتنا أصبح سويه
عبر الانتر لو مره تنشرون = تأخذ بنا الصحاري صبح وعشيه
نودع الاهل والأولاد يبكون = ونرجع على امل ونبحث رجيه
القلب ضايق والصدر مشحون = والعين هلت دمعها سويه
والوجه شاحب ومصفر اللون = والبرد قارص ٍ قرص حيه
ياالي عبر الانترنت تمرون = لقروب نواف بيك مسعد خويه
بلغوا التحيه له وسلمون = وخصوه بكل دعوه هنيه
وسط عذفاء نرجي رب الكون = يفكنا ويهون علينا القضيه
ياوزاره للتعميم ليتكم توقفون = كلها مهايط ولانرجي حل ولانيه
ويناشدن عذفاء وين تكون = بديار ابومتعب ارض الحميه

واخيرا وليس اخيرا بإذن الله
يمكن حنا مانستاهل الاهتمام ولا نستاهل انا نطالب بشي
ولانقول الحق ولا نعترف بهم
واخيرا بنات وطنكم والله مو انا با المنفيه نسيتونا

ودايم الي عاجبووه عاجبوه والي مو عاجبوه

وش نسوي له ؟

تحياتي لكل مشجعين المنتخب
والى جزء اخر يحمل الاخبار والاسرار
وللان الغسيل مانشف لان الاجواء بااااااااااااااااارده


انتظروااا فا القادم أجمل لتلك الرحله التي اعاقتنا جسدياُ وفكرياً
وامرضتناً اصبحنا نأكل المهدئات
وتحياتي لسعادتهم اهل التكييف والكراسي

الى هنا والغضب ينتابني
اعدكم باالجزء الاخر ..
ان لم يتم شنقي
دعواتكم لنااا
فنحن با امس الحاجه للدعاء


اللي طاف عليه الجزء الأول يشوفه على الرابط
http://nawafnet.net/msg-2755.htm

واللي طاف عليه الجزء الثاني يشوفه على الرابط
http://nawafnet.net/msg-2819.htm

واللي طاف عليه الجزء الثالث يشوفه على الرابط
http://nawafnet.net./msg-2932.htm

محدثتكم من المملكة العربية السعوديه
بشاير