|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| همس الأعضاء تهتم هذه الساحه بالشعر والنثر والصوتيات الشعرية الغير منقولة |
آخر 10 مشاركات
|
|
|
أدوات الموضوع |
02 / 09 / 2004, 14 : 09 PM
|
#1 | |
|
تميراوي
|
قصه وقصيده مؤثره جداً
مساء الورد للجميع
حكايه القصيده حزينه قرئتهاوأردت نقلها هنا لأخذ العظه الحكايه طويله اختصارها ان امرأه متزوجه وعندها سبع عيال واراد زوجها ان يتزوج عليها بدون علمها فأحتار بتجهيز العروس الجديده . راح الزوج لزوجته وقال لها ( ودي تروحين معاي للسوق وتشترين كل اللي بخاطرك من ملابس وغيره ) المهم الزوجه فرحت المسكينه وراحت واشترت كل شي بنفسها من مكياج وملابس وغيره وغيره وهي مو مصدقه نفسها ولما رجعت للبيت كانت الصدمه حيث سألها زوجها عن الاغراض سألته عن السبب قال اصلاا الاغراض هذي للعروسه الجديده لاني بصراحه ماعرف اذواق الحريم وانتي اكيد تعرفين اكثر مني الزوجه المسكينه من هول المفاجئه اغمى عليها ونقلها للمستشفى وجلست خمس سنوات وهي بغيبوبه كامله بعدها سبحان الله افاقت بقدره الله سبحانه اخذت تسأل الاطباء والممرضات عن اهلها وعيالها ولكن للأسف ماحد سأل عليها بعدها قالت هذي القصيده : تكفين يا طيـــــــور الحرار افزعيلى ابى عن ديار الاهل منك اخبار تكفين حومى فوقهم وارجعيلى وإلا ان حصل لك حومه داخل الدار تكفين حول بيوتهم دوريلى سبعة فروخ يوم اخليهم صغار شوفى ضناى وعودى وانكفى لى واشلونهم يا علهم صارو كبار نسوا دفاي ونومهم فى شليلى وش علمهم يا علهم بطول الاعمار قولي لهم ان امكم له عويلي خمسه سنين دمعها دوم مدرار وقولي لهم إني علي طول ليلي أنوح وليا قرب الصبح أنهار وقولي عيوني دايما له هميلي تبكي ليا شافت من الناس زوار كل يوم اقول غدى حديهم يجيني راحت سنيني مابهم واحد زار وانا اللي من سبة سوات الحليلي حالي تردة كل ماله وتنهار وفرقا ضناي اللي تردت بحيلي كني على شوفتهم اصلى على نار ياويلي كان الله عجل رحيلي وانا لي سنين ابي لوهي اخبار ياعونة الله من يبي يرتكي لي جارت علي بأمر الله كل الأقدار تنكروا من يدخلون الدخيلي واللي بوسط ديارهم يامن الجار قولي لهم ياطيور قلبي عليلي الله يكافي قلوبهم صارت احجار وانا اللي لبراق الخيال استحيلي وقول ياعل ديرتهم للأمطار تكفين وسط ديارهم صوتيلي شوفي عسى لأسمي مع الناس تذكار وقولي لمن نسيانهم يستحيلي ياللي نسيتوها ترى الوقت دوار ياهيه ياللي بالسما لك هديلي ردي خبر تكفين يكفي امرار شوفي هاك اللي نومهم في شليلي من اذان المغرب لوقت الأسحار شوفي هاك اللي ماتهنى في مقيلي إلا مقيل معهم كبار وصغار وقولي لهم ان كان حملي ثقيلي مره يجون وعقبها شي ماصار وانا يتولاني كريم جليلي ياعلني في جنّة وسط الأبرار وصح لسان اللي قالها اتمني تعجبكم |
|
|
|
|
02 / 09 / 2004, 18 : 09 PM
|
#2 | |
|
تميراوي نشيط
|
حرااااااام صراحه من كثر ما اسمع عن مواقف الرجال صرت اتخووف منهم احس كل الناس كذابين لا تزعلون مني تسلم على هذي القصه اجمل حلم |
|
|
|
|
02 / 09 / 2004, 22 : 09 PM
|
#3 | |
|
تميراوي
|
السلام عليكم
الاخت أجمل حلم هلا فيك وأشكرك على مرورك الكريم والرائع على الموضوع وأحب اقولك أن مو كل الرجاجيل زي قليل الخاتمه هذا يافيه رجاجيل وش حليلهم مثلي بسم الله علي ما يفكرون يعرسون على حريمهم خخخخخخخخخخخخخخخ أشكرك على تواصلك وتفاعلك الرائع ولك تحياتي |
|
|
|
|
02 / 09 / 2004, 28 : 09 PM
|
#4 | |
|
VIP
|
صدقت
والقصه مؤثره وتحزن ولكن ليس كل الرجال سواء ولا تحكمين عليهم يا اجمل حلم كلهم من خلال رجل واحد مشكوور على هذي القصه سلام |
|
|
|
|
02 / 09 / 2004, 31 : 09 PM
|
#5 | |
|
تميراوي
|
هلااا والله اخوي الغالي هااادي
والله أشتقت لك وأشتقت لتفاعلك وتواصلك يا غالي وأجمل تحياتي لكل من تواصل وتفاعل في الرد ولكم شكري وتقديري |
|
|
|
|
02 / 09 / 2004, 45 : 09 PM
|
#6 | |
|
ضيف تمير
|
قصه ماكره من رجل ماكر ولعب بعقل زوجته حسبي الله ونعم الوكيل نفسي اشوف فيه يوم اسود عاشق الريم |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
