كيفي يابنت الحضر دله وفنجال

قالت ترى منت بحلو قلت رجال=والزين ماهو من شروط الرجوله
الزين يلقى عند لباست الشال=والرجل زين ان كان زانت فعوله
قالت علامك تلبس شماغ وأعقال=انت بدوي قلت بدوي من حموله
مالبس بناطيل لها انواع واشكال=ومتر الشارع بعرضه وطوله
قالت أجل راعي معاميل ودلال=شرب القهاوي تحسبونه بطوله
قلت اسمعيني وأفهمي كل الاقوال=تمعني في كل حرفن اقوله
كيفي يبنت الحضر دله وفنجال=وحليب خلفه بالمراح معقوله
احب الكرم والطيب وعلوم الابطال=مغروس فينا من زمان الطفوله
قالت ترى بنت البدو حظها مال=قلت احذري حذرا تكوني جهوله
بنت البدو يابنت تضرب بالامثال=غير الجمال وطاعه الله خجوله
زينه على كل المزايين تهتال=مثل القمر ينشاف والحد يطوله
ماتنخدع في كل ماكر ومحتال=اللي لهم بالسوق صوله وجوله
هي مهرتن تصعب على كل خيال=ونتي ومثلك عسفها بالسهوله
قالت تغزل بي وشف حبت الخال=ناضر عيوني والرموش الكسوله
ونضر جديلن فوق الامتان ميال=ومبيسم يعجبك يعجبك تنظيم لوله
قلت العفو مايستو زين وهبال=والي تبينه شيبي عن حصوله
قالت وقلت كلمت الحق تنقال=والزين ماهو من شروط الرجوله

أنت هكذااااا

دوماً تقدم لنا القصيدة كرغيف " نزف " ساخن

تحلق بنا في سماء الأبداع وتتركنا بلا أجنحه

هذه القصيدة متورطة بالجنون ... والبهاء ... والتيه... وأصدق معاني الكبرياء

هذه القصيدة كتبها شاعر أحترم نفسه في زمن يعج بأشباه الشعراء

هذه القصيدة تحمل توقيع البحر الهادي وكفى

لك كل التقدير

وتقبل تحياتي

من طول الغيبات جاب الغنايم

مشاركات متميزة


مليون ترحيب

نقل اكثر من رائع

واختيار جميل


وقصيدة جزلة


اشكرك اخى الكريم على الذوق فى الاختيار


دمت

بيض الله وجهك وسلمت على هذا النقل

صح لسانك ولسان قايلها

مشكوووووور





سلام

صح لسان قائلها

وتسلم يمين اللي نقلها لنا

اسجل اعجابي بهذه الفصيدة

اخواني
امير الحروف
المدرس
هبوب الشمال
هادي
ولد عنبر
الجميل هنا هو مروركم بين هذه الابيات المتواضعه ..وأضافة توقيعكم هو شهاده لى أعتز بها..وتقبلوا التحيه ..