العيون السود...

اذا هبّت نسايم من الجنوب وداعبت لغصان
تذكر من خفوقه ذاب في حب العيون السـود

ايا ذا الخوي اقرا و شل بأعـذب الالحـان
و خل الصوت يطربنا يذكرنا نعيـم العـود

جفاني من زمان و غاب خلى خله الولهـان
على نار التوجد ما ملك دمعه على لخـدود

انا وجدي عليهم مثل ما وجد الذي عطشـان
عفت لاثار من درب ٍ يورد به الى لعـدود

انا وجدي عليهم مثل منهو بايـت ٍ سهـران
جفاه النوم ف مبيته ولا بيّن لـه المقصـود

تقصدني بهجر وصد و وصل ٍ اندرا هجران
و ياحدني و فارقني و خالفني على لعهـود

عرفت انه بعهده لي غدا لي جافيـن خـوّان
و انا لي ملتزم عهده و عندي فوق هذا شهود

لساني و القلب سمعي عظامي مع نظر لعيان
و حتى الدم ف عروقي شهد لك انك المفنود

رضيت بقول حساد ٍ مزوّر قولـه ابهتـان
وشبّت نار في صدري لضاها ما عليه الزود

تواقد كنها نار السنافـي يحتـري ضيفـان
صباح ٍ مع نهار و ليل ولاله عنّها منشـود

قصيدهـ رائعه نالت على اعجابي كثير

تسلم يمناك عزيزي على نقلها

وعساك على القوه

تقبل مروري من هنــا

شكرا الله يسلمك كله من ذوقك يا غلاهم ^_^..

الف شكر على هذه المشاركة الجميلة
تشرفنا بهذه المشاركة في الساحة ونتمنى المزيد