عمها عنده عيال

لعلكم تعرفون وتتذكرون قصيدة " تزعلين وتقعدين " التي كتبها الشاعر الرائع حامد زيد ...
هذه القصيدة حفزت الشاعرة (( المستبدة )) لتكتب هذه المعارضة الجميلة

يا قصيدة بالموده صبحي أبن الحلال = صبحيه وقولي إني ما كتبتك من حنين
هاضني قافٍ قريته يوم مطلاع الهلال = وقال لي شيٍ بنفسي استحي لا تكتبين
ليه ذكرت الخفوق اللي نسى رمي النبال = ليه يا حامد عصرت الجرح وآلمت السنين
ليه جرحٍ كنت أظنه انتهى عمره وزال = يرجع اليوم بعذابه والمواجع والأنين
تذكر الموعد وقولك كلها أربع ليال = وبعدها وإن قاله الله قاسي الوقت بيلين
تذكر الترحيب والتقبيل مع صفر الدلال = من رجالٍ بالكرم والطيب دايم معتلين
يا خفوقي ما دريت إن الهوى صعب المنال = ولا هقيت إن الليالي يمكن تذل وتهين
لين شفت المجلس اللي صار به شبه القتال = يوم قالوا يا جماعة حنا جينا خاطبين
وقتها ما عدت أميز هو حقيقة أو خيال = هوّ شك اللي سمعته من كلامه أو يقين
كيف أجاوبهم إذا واحدهم أشر لي وقال = ويش رايك يالعزيزة الجماعة ناطرين
صرت في نفسي أقول الله يا ملح السؤال = ما دريت إن الهوى يسير في عكس السفين
فرحتي خلتني أنسى ما تبقى من جدال = وأسرح بعالم خيالٍ فيه للفرحة رنين
ما وعيت إلا بكلمة " عمها عنده عيال " = يوم لجت في كياني صحت يا ربي تعين
صرختي وإن لامست في صوتها روس الجبال = الصدى يا ناس والله ما تعدى خافقين
تذكر الدمع بعيوني يوم قفيتوا وسال = ما بقى من عقبكم يا كود جرح ودمعتين
ليه تصنع هالصخب وتثير للشكوى مجال = ليه يا حامد وتطلع مثل شعره من عجين
الغدر " ما هو غريبة فيكم أصناف الرجال " = والوفاء والحب كله فينا جنس الناعمين
كانه المكياج عذرك ... عذرك أوهام وخيال = ما كسا المكياج وجهي حتى يصبح به سجين
ما وردته ماك أطلب واندهك حامد تعال = بس هزتني قصيدة " تزعلين وتقعدين "
أنت قلت أنك بتلقى كثر حبات الرمال = وقلت " أنتي لو بغيتي صعب مثلي تعشقين "
وأنا اقول إني أبلقى ونصف هالعالم رجال = لكن أظفر يابن زيد بعاقلة وذات دين

صــــح لســـانك

قصيده في قمة الروعه

مهما اقول لن اوفيها حقها

الف الف شكر لك يالغالي على نقلها لنا

ولاتحرمنا من هالابداع

صح بدنك أخوي الغالي

وهالقصيدة رد على حامد ورد على من يشكك بشاعرية المرأة

فمن تكتب بهذا التميز

تستحق لقب شاعرة

مشكوووور ولد عنبر

وتقبل تحياتي

اختيار رااااائع

تسلم ياغالي

ولاهنت

والله الرد القوي

بس ليتك جبت بعد القصيده الاولى لان فيه كثيرين ما يعرفوونها


مشكوووور وماقصرت

سلام

صباحك ورد مشرفنا الغالي أمير الحروف..

قصيدة رائعة جزله..

استطاعت فيها الشاعره ان تثبت وبجدارة شاعرية المرأه وقدرتها على((الردية)) في القصائد..

تسلم على هالنقل اخوي أمير الحروف..

دمت للرقي والروعة دوماً رايه..

هلا بالغالي نقا

مشكوووور لمرورك

تسلم وتقبل تحياتي

تسلم أخوووي هاادي

والقصيدة الأولى موجوده بالمنتدى من قبل

اعتقد نزلها أحد الأعضاء

مشكوووور لمرورك

وتقبل تحياتي

هلا بغلا

مشكووورة يا ذووق لمرورك

وكلامك ماعليه غبار

هي شاعرة متمكنه وأعطت للقصيدة بعد آخر وقصة من خيالها العذب

ما أتوقع أنها هي المقصودة في قصيدة حااامد

بس هي يمكن تعرف الجرح فنزفت هالأبداع

تسلمين اختي غلا

ولك تحياتي