عزيزه يالعيون اللي حضنتي دمعـة الرجّـال

على الله يازمن بشكي جروحي والليالي طـوال
عسى راعي العنا ينسى عناه وينشرح صـدره

على الله يازمن بشكي همومي و الهموم جبال
تعدّت عاصمة حزنـي حـدود العالـم بأسـره

خساره يالسنين اللـي كتبتـي سيـرة الرحـال
فرحت أمس وحزنت اليوم بس الخوف من بكره

لساني كم شكى صمته والى منّه حكى ماقـال
طغى طبع السكوت بسيرة المحروم من صغره

سقى الله يوم كنت اضحك وبالي مستريح البـال
ضحوكٍ ماعرفت الحزن وش معناه وش قـدره

وكبرت وكبرت أحلامي وصارت قصة الترحـال
أماني في مهب الريح وحلـمٍ ماكتمـل بـدره

بعذر اللي مع أيامه جلس يبكي على الاطـلال
تذكر ماضي أفراحـه اليـن خنقتـه العبـره

عزيزه يالعيون اللي حضنتي دمعـة الرجّـال
حبستي دمعته بين المحاجر يوم ضاع امـره

عزيزه يالحروف اللي سكتي والكـلام يقـال
حكيتي.. ماشكيتي الهمّ وهمّ القلب ياكبـره

عزيزه ياليدين اللي ثنيتك باصعـب الاحـوال
اكفّك ساعة الحاجـه وامـدّك ساعـة القـدره

وعزيز النفس لو يصبر على صبر الليالي نال
ابصبر والرجل يصبر ومقياس الرجـل صبـره

انا منهو حمل همّه على راسه تقـول عقـال
مجاديف الزمن دارت عليه ونَسّـف الغتـره

وانا منهو فقد صوته وبعض الصوت به مـازال
دعيـت الله يفرّجهـا علـيّ وبحَّـت النبـره

أشيل الحمل عن غيري وحملي صار ما ينشال
كما الشيخ الهزيل اللي مشيبه منقضٍ ظهـره

جروحي مزنةٍ منها هطل فيض الشعر همّال
سقت جدب العروق اللي تبلـل ريقهـا قطـره

وعن حر الزمن صارت حروفي للجروح ظلال
تذرّت عن هبوب الياس حلمٍ قد بنـى قصـره

عساها للمطر روحٍ بها وادي الظما ماسـال
عروق سنينها جفّت وورّاها الزمـن غـدره

عساها للمطر روحٍ قضـى مرباعهـا ماطـال
كساها ثوبها الاصفر .. وكانت تلبس الخضره

على الله ينجلي وقتٍ قضيته همٍ و غربـال
ويشعّ النور في قلبٍ غشى ليل الظَلَم فجـره

على الله والولي الله وبأمر الله يزيـن الحـال
ويضحك للزمن قلبٍ مع همومه قضى عمره

معاناة على تكون حقيقة مشكور اخوي

دمــوع الرجــــل لـو هلـــت علـــى راس الجبـــل ينهــــال
عـــزيــــزه دمعــتـــه بـــس الغـلا مـــا وطـــى قـــــــــدره
بكــــى لجـــل الفـــراق اللـــي نـوتبـــه قـــدرة التــرحال
ولاكــن بيـــرقــه باقـــــي ورمـــحـــــه خـــارقٍ صــــــدره

ااااااااااالله يسعدكم دنياااااااااء واخره

مشكووووووووووووووووووووووووووووور

ااااااااااالله يسعدكم دنياااااااااء واخره