|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| همس الأعضاء تهتم هذه الساحه بالشعر والنثر والصوتيات الشعرية الغير منقولة |
آخر 10 مشاركات
|
|
|
أدوات الموضوع |
13 / 12 / 2008, 32 : 10 AM
|
#1 | |
|
تميراوي برونزي
|
لمن يتغنى بشعب الكويت شاهدوا شاعرهم طلال السعيد كيف يرثي حالهم
قـال ولـدي ليـش البلـد خربـانـه
النـاس ليـش وجيهـهـا زعـلانـه تقـرا الألـم بعيـون كـل مـواطـن حتـى الأمانـي غصونهـا ذبـلانـه تشعربـأن النـاس مــو مرتـاحـه نـاس تسـوي نفوسـهـا فرحـانـه رغـم ان ديرتنـا بخـيـر ونعـمـه والمـركـزي خزايـنـه عـمـرانـه وبترولنـا سـعـره تـعـدى حــده عدى علـى السبعيـن فـوق الخانـه والعـقـل راح ولا بقـالـه بـاقــي ورغـم الوفـر كـل البشـر طفرانـه تشوف بعـض النـاس تبكـي جابـر وسنيـن حكمـه وحكمتـه وايمـانـه والبعـض الأخرعـايـش بالمـاضـي يبكـي علـى الماضـي بكـل ألوانـه من عاش بالماضي نسـى المستقبـل كنـه يصلـي الفـرض قبـل اذانــه لـكـل وقــت دولـتـه ورجـالـه ولكـل عـهـد فرحـتـه واحـزانـه بس الوطن وحـده هـو اللـي باقـي الحـق واضــح مايـبـي تبيـانـه ياللي بتعيـن النـاس ساعـد نفسـك احفـظ وطنـك اللـي عزيـز شانـه اقولهـا صـادق مـن اقصـى قلبـي ماهـي سوالـف دان دانـي دانــه حافظ علـى تـراب الوطـن بعيونـك خـل المواطـن يرتمـي باحضـانـه خلـه يـحـس ان الـبـلاد بــلاده وهـمـهـا كـرامـتـه منـصـانـه يانـاس مليـنـا نصـيـح وننـخـا شـف ذا القهـر وقلوبنـا مرضانـه قمنـا نشـوف اوضـاع ماتعجبـنـا بـوق البـلـد والـذمـه العطـلانـه العسكـري يحـرم مــن الجنسـيـه اللـي علـى كتفـه يشيـل اكفـانـه حامـل سلاحـك يسحبـون اثبـاتـه وتجـنـس الـفـنـان والفـنـانـه والاسيـوي واللـي بعـد متـعـاون والبهـلـوان وشـلــة الـزفـانـه كن البلـد خالـي مـن اهـل الشيمـه صفـت علـى الطبـال مـع طيرانـه حنـا بلانـا قــوم كـلـه واحــد رجـال لـو مــا ســوى ذبـانـه رجـال لـو هـو مـايـدل القبـلـه رجـال لـو دربـه بــدون ديـانـه رجـال بــس بغتـرتـه وعقـالـه وان كثـرت القـالات عزمـه خانـه والأجنبـي الملعـون نافـش ريشـه وراعـي البلـد متنتـفـه جنحـانـه نـاس تنـام بضـف حضـن ضافـي ونـاس تنـام ظهـورهـا بـردانـه واحـد تشوفـه صاحـي ومتعـافـي واحد ظمـى جوفـه طـوى مصرانـه شخص يجـي مرتـاح ناسـي همـه وشخـص يتلفـت خايـف الديـانـه نـاس حـدر خـط الفقـر مدفـونـه ونـاس علىحـد الطغـى بطـرانـه تـدرون وش خـرب نضـم ديرتنـا حـتـى تكافلـنـا هــدم بنـيـانـه المستـشـار الله يطـيـح حـظــه مـن يـوم دش البيـت هـز اركانـه حـط الحواجـز بيـن أهـل الديـره الله يلـعـن خـالــه او عـمـانـه سياستـه فــرق تـسـد معـروفـه غيـر الدجـل والكـذب فيـه خيانـه لا خيـر فيـه ولا يخـاف مــن الله قلبـه غشيـش وضحكتـه بلسـانـه ملعـون مـن ساسـه لحتـى راسـه معنـا سنيـن ولا صـفـا وجـدانـه عطـوه جنسيـه وصــار كويـتـي وبالقصـر الأحمـر ذبحـوا جـدانـه الله وكبـر صــار مثـلـه مثـلـي حسبهـا صـح وحسبتـي خسـرانـه دش السبـاق ونافـس اهـل الديـره غصبٍ على الزعـلان فـاز حصانـه لا تحسب ان الشعب ساكـت راضـي يجيـه يــوم وينفـجـر بركـانـه يجـيـه يــوم وينتـفـظ ويـبـادر مثـل السجيـن الـى سجـن سجانـه الوضع سى صار من اسواء الى اسواء وضـع الخطـا والتجربـه برهـانـه صرنـا بـوادي والحكومـه بـوادي مـا فيـه محسـن يغمـرك بحسانـه يعني تشـوف الـي يشيـب راسـك كيـف الوطـن مـا يلتفـت لانسانـه منهـو لقـا مسـؤول فاتـح بـابـه منهولقـا مسـؤول فــي ديـوانـه؟ لاشيـخ لا مسـؤول يسمـع صوتـك كـل عـن الشكـوى يسـد اذانــه ومنهو كتـب مكتـوب وحصـل حقـه مـا جـاء رده لـو كتـب عنـوانـه المرجلـه والبخـل مــا تتـوالـف مافـي بخيـل المرجـلـه ميـزانـه البخـل هـو سـاس الـردا وسبابـه والرجـل عينـه والعـقـل ميـزانـه والصقرما عمـره كـل مـن الجيفـه والذيـب مـا ياكـل لحـم ذرعـانـه والعـود الاصلـي لبغـيـت تعـرفـه عنـد احتـراقـه يعجـبـك دخـانـه الـلـي يبـنـا نـقـدره ونـهـابـه لازم يحسسـنـا بـانـا اخـوانــه واللـي يبيـنـا نرغـبـه ونـعـزه مـا يجاهـد التاجـر علـى دكـانـه واللـى يبيـنـا نسمـعـة ونطيـعـه يخـاف الله فيـنـا قــدر امكـانـه والـلـى يبيـنـا انقـبـل خشـمـه لا يوقـف الحـارس علـى بيبـانـه مايستـوى منصـب قـوى وتجـاره من صانها صـارت عشـاء ورعانـه من حاش منصب جاك شايـف حالـه يمشـى كمـا الطـاووس جراردانـه لاجيـت تطلـب مـن جنابـه موعـد ولا طلبتـه حــق جــن جنـانـه لازم يـدور الحـول وأنـت تـراجـع والنـاس غـيـرك كلـهـا قرفـانـه بيـن السكرتيـرة ومديـر المكـتـب مابـيـن هالتـعـبـان والتعـبـانـه الـكـل منـهـم دائـمـا متـجـهـم مـا يبتسـم إلا لطبـيـب أسنـانـه هـو يعتقـد انـه ملـك هالكـرسـي ولا بعـد مـا اخـذ عليـه ارهـانـه كـم فـي بلدنـا مـن وزيـر سابـق لـو مـا نسـوه اتعمـدوا نسيـانـه كـل يقـول ابعـد وريــح بـالـك لا تنصحـه تصيـر مـن عـدوانـه لا صـار رزق البـر خيـره وافــر انـت شتبـي فالبحـر مـع حيتانـه واقولهـا ماهـاب وارفـع صـوتـي شــي بقلـبـي كـايـد كتـمـانـه والي بيزعـل ياعسـي مـا يرضـى مـا همنـي الحمـقـان والحمقـانـه ولا همنـي مـن يرسـل ويتـوعـد تحضـر شياطينـن حضـر شيطانـه وش بيحصل ازود من اللـي حاصـل ازود مــن التهـديـد بالـزنـزانـه الـعـز للـرجـل رفـعـة راســة ومـــن ذل ذل وزوده بنقـصـانـه لا مستحـي والله ولانــي خـايـف كـل علـى حقـه طـويـل لسـانـه لابـد يشـهـد مـسـرح الشامـيـة لليـوقـف لــه وقـفـة ملـيـانـه ماهـو بأنـا اللـي لا حكـا يتلـفـت يخـاف حـتـى قـرصـه الذبـانـه مـن قـال ديرتـنـا تشـكـا مـنـا بيـت الشعـر مـا يشتكـي عمدانـه ------------------ للشاعر الكويتي طلال السعيد التميمي ألقيت على مسرح الشامية |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
