الشيب شفته في المرايه وصــديت

الشيب شفته في المرايه وصــديت
......................................ماكنت أصدق إن ذا الشيب فيه

أثر الزمان يطوي رحاله ووليـــت
................................وراحت سنين العمر وش هي البقيّة

من بعد شفت الشيب في الرأس حنيت
...................................حنيت لسنين(ن) توالــــــت عليه

سنين ذقنا المــــر فيها تجنيت
.....................................ويااا كم تكبــــدنا صنوف البليّه

ذقت الحلا في بعض منها وتهنيــت
...................................مرت عليّ مر الصبح والعشيــَه

وسنين يا كم تهت فيها وتماديت
.........................................ما بيــن سب وظلم ولا قفيّه

ويا كم تحملت المعاصي وجـــريّت
.......................................جريتها ومثيل جر المطيـــــّه

وسعيت في الدنيا وكم صبت واخطيت
...............................واللي مضى ع النــاس يمضي عليه

ودارت بــــي الدنيا ولا يوم ونيت
.......................................وقضيّتهـــا مابين شمسٍ وفيّه

يــا مرحبا بالشيب من يوم حليّت
.......................................تظـهر على نفسي أمور غبيّه

يالشيب ما خوفت قلبي ولا أحديت
...................................إلا مواريــــــــــد(ن) بتقبل جليّه

إنــــــت النذير إلي على الباب طليت
..............................ووصلـــــــت حد الباب وش عاد ليّه

ما عاد لي إلا التوبة إن كاني أزكيت
................................وسألـــــت أنا المولى ورب البريّه

وقلت توبــــي يا نفس قبل ياليت
...................................ماعـــــاد ينفع ياليت وقت المنيّه

صـومي وصلي ثم حجي إلى البيت
...................................وروحي إلــى طيبه ومسجد نبيّه

وتزودي بالخير من بعد ما أشقيت
....................................نفس(ن) تعاندني ونفــسٍ عطيّه

وإن عشت يا نفسي من الخير جنيت
..................................جنيت لي مجنـــــى الثمار الهنيّه

يــــــارب تغفر زلتي يوم زليت
..............................و إنــــــــــك تجنبني الزلل والخطيه

وعلـــى الرسول ازكى سلام وصليت
.............................اعداد مـــــــا هلت نزول النجيـــــــه

عزيزتي الدامياء

كل عام وانتِ بخير

وتسلم يمناكـ على هالقصيده

تقبلي مروري من هنـــا

احترامي وتقديري لكـ

اقتباس: المشاركة الأصلية كتبت بواسطة سحايب صيف    عزيزتي الدامياء كل عام وانتِ بخير وتسلم يمناكـ على هالقصيده تقبلي مروري من هنـــا احترامي وتقديري لكـ

وأنتِ بخير يا سحايب الجــود

سلمتِ ، وسلم لنا قلمكـِ المبدع .

ودمتِ لــلمنتــدى بخير وعافيــة

يعطيك العافيه اختي الدامياء

ابيات رائعه بروعه حضورك وتميزك بالطرح دائما

بأنتظار ابداعتك

شـكــ وبارك الله فيك ـــرا لك ... لك مني أجمل تحية .

أبيات في قمة الروعه

مشبعه بالاحاسيس وشعور تأنيب الضمير

سلمت يمناك لاهنتي اختي ,, اختيار رائع

يــــــارب تغفر زلتي يوم زليت
..............................و إنــــــــــك تجنبني الزلل والخطيه

قصيده في منتهى الجمال
عافك ربي على روعة الأختيار
وعسانا ماننحرم من جديدك يالغلا
لكي مني كل الود والأحترام