تدري وش اللي يجرح القلب جرحين؟

تدري وش اللي يجرح القلب جرحين..

....ويمد حبـل الحـزن فيـك ويشـده..

انك تناظر طفل مـن غيـر ابويـن..

....يمشي ودمعـة سايـل فـوق خـده..

منظر صعيب ويقسم القلـب قسميـن..

....لا قـام يمسـح دمعـة بكـف يـده..

يمشي ولا يدري طريقة علـى ويـن..

....لين التعب من كثـر مـا تـاه هـده ..

اثقل حـروف يشيلهـا فيـة حرفيـن..

....لا أب يـدريـبـه ولا أم تـــرده ..

في خطوته رحلــه ودمعـة وسكيـن..

....وحـظ توسـد بالمراسـي مـخـده ..

جيت اسألـة بالله قللـي ولـد ميـن..

....وبغي يجاوب واختنـق صـوت رده ..

أنـا يتيـم ومـا لدربـي عنـاويـن..

....وجزر الحزن فينـي يسـاوي لمـده..

وطعم الطفولة ما عرفته لهـا لحيـن..

....وثوب السعادة صـرت مانيـب قـده..

ابكي إلى من شفت غيـري سعيديـن..

....ليـن البكـا فينـي يوصـل لحـده..

واقفي ورحت امسح دموعي من العين..

....وعيني تناظـر دمعتـه فـوق خـده..

وهذا اللي يجـرح القلـب جرحيـن..

....ويمد حبل الحـزن غصـب ويشـده..

منقولــــــــة

وطعم الطفولة ما عرفته لهـا لحيـن..
....وثوب السعادة صـرت مانيـب قـده..
والله صدق الشاعر وتسلمين يالدامياء على النقل الجميل

صح لسانك يا طويلة العمر

وبيض الله وجهك على روااائعك

اقتباس: المشاركة الأصلية كتبت بواسطة قائدالأسود    وطعم الطفولة ما عرفته لهـا لحيـن.. ....وثوب السعادة صـرت مانيـب قـده.. والله صدق الشاعر وتسلمين يالدامياء على النقل الجميل

تسلم أخوي قائــد الأســـود على الحضور الرائــع

ولاهنت .

اقتباس: المشاركة الأصلية كتبت بواسطة عاشق مطير الأول    صح لسانك يا طويلة العمر وبيض الله وجهك على روااائعك

صح بدنــكــ ، ووجهــكـ أبيض ياعاشق مطير .

شكراً لحضوركـ الطيب

ولاهنت

صح لسانك اختي
ودائما مبدعه
تقبلي مروري

اقتباس: المشاركة الأصلية كتبت بواسطة ديرتي الزلفي    صح لسانك اختي ودائما مبدعه تقبلي مروري

شكراً لمروركـِ أخيتي

ولاعدمناكـِ .