رحلتنـا إلى أسفل الشوكي (( خيااااال وروووعة )) .. الخميس 6 / 12 / 1429 هـ

السلام عليكم ورحمة الله وبركاته

كشتنـا أمس في اسفل الشوكي بعد ان كانت الوجهه لـ جويعد .. لكن بااااقي 4 كم .. ولقينـا هالمكان اللي ما يتفوت ابد .. وبصراحة ما امدانـا نجلس إلا والعالم تجيك وصار الشعيب مليـان .. على الرغم من ان الجو فيه هواء شوي ..

لكن صراحة تشوف الربيع والشعيب (( كلمة شعيب قليله .. نهر والله )) ..
واجهتني متاعب في التصوير ولكن الحمد لله ربك يسرهـا رغم ما اصابني ..
لكن ابشركم عوافي ..

وكل شيء يهون لأجلكم ... (( لا أحد يسألني وش جاك ..!! ))

بعد الإيجااااز نذهب للتفاصيل <<<< قلبها اخبار ..

بسم الله الرحمن الرحيم

شوفوا الجارمن وكم باقي على وجهتنـا الأصلية ..!!!

لقطة للمكان من بعيد ...!!! (( لحد يقول مسوي دعاية للنيسـان )) ..!!

لقطة لجلستنـا من قريب ...!!

على العموم .. قطعوا الشباب البصل والطمام ولا يهون الثوم << ما يحب الثوم ..!!
المهم وشبينـا الغداء على الضو ( النار ) ..
في هاللحظة قلت خل اروح اصور لي كم صور للشعيب ... ولكم الصور ..

وآهـ يــا رجلي بعدهــا ... المهم صراحة المكان كنك في غابة وجنبك نهر .. خياااال ..

بعد التصوير .. لقينـا حولنـا شجر سدر ( عبري ) صراحة طعم في المخ ..
بس والله ما جبت معي لكم شيء ... ههههههه ..

كلنـا من هالعبري من الجوع طبعاً والغداء ما عنده طاري يستوي
صراحة ذبحنـا الجوع والحن نشوف هالكاتم ..

عآآآآد وزاد الطين باله هالضيف اللي ينطل وجهه على العالم ويشاركهم في كل رحلة ...

وذكرت ما صورت الربيع .. قلت خل اصوره لين يجهز الغداء ... صراحة ربيع روووعة ..

المهم واخيراً .. زهب الغداء .. سموا الله يحييكم على قل الكلافة

بعد ما تغدينـا .. ضفينـا القش وطوينـا الرواق والفرشة وتوكلنـا على الله ..

وفي الختاااااااام

أتمنى ان تنـال رحلتنـا على أعجابكم ..

أخوكم / نايف العز

الحمد لله على السلامه اخوي نايف العز .....

الشعيب والخضار يفتح النفس .......

اما ثقيل الطينه يشينه دايم ملقوف .......هههههههههه

ويسلموااا على الصور ..........

السلام عليكم ورحمة الله وبركاته

مشكور اخي على التقرير والصراحه صور ترد الروح ...

تحياتي لك

الحمد لله على السلامه

وصور غااايه في الروووعه والجمال

والشوكي كل ماله وهو يزين خاصه عند ثريثان

اما هذا الضيف الكريه

دواه هذا


كل الشكر لك والله يعطيك العافيه على هذا الموضوع

لاهنتم ماشاء الله رحلة موفقه

والثقيل الطينة زي ماقال لك المتحد دوااهـ بف باف

خ
خ
خ
خ

ما شاء الله تبارك الله ابو عزوز

تقرير رائع كروعة ما تقدمة دوماً

لقطات وزوايا تفوق الوصف والخيال

وطلعة اكيد ما يبيلها كلام اذا جمعت الاحبه الغاليين

في هذه الاجواء الجميلة التي نعيشها هذه الايام

.. ..

وش الحل ابو عزوز ذبان في هذا الوقت

وذرانيح في الصيف !!

الله يعافيك اخوي نايف العز
رحله رائعه وصور اروع
دمت ودام عطاءك

والله صور رائعه وجميلة بس الذباب مشكلته مشكلة لكن الواحد لازم يتحمل والله يعين اللي مخيمين في البر .

بيني وبينك الكبسه هذي ماطاح فيها ذباب قل الصدق .لاني انا واحد جنبي طبعا يعرفك يقول كني اشوف نايف العز يهش الذبان وزعلان هههههههه يقول الله يستر لايطق اللي معه من الحنق .

اقتباس: دواه هذا

هذاك منول يا المتحد ...!! الحين تبخ وإلا ما تبخ .. ما فيه فايدة ..!!

اقتباس: وش الحل ابو عزوز ذبان في هذا الوقت وذرانيح في الصيف !!

ابوعبدالعزيز لا تفضحنـا .. محد يدري عن اللي قلت ..
بس الذرنوح يخاف منك ما يجي لمك عكس الذباب ..!!
هنـا الفرق .. هههههههه

اقتباس: والله صور رائعه وجميلة بس الذباب مشكلته مشكلة لكن الواحد لازم يتحمل والله يعين اللي مخيمين في البر .

متعودين يا رجال اللي في البر عليه ..
واهم شيء لا يجيك وانت نآآآآآآيم ..
والباقي يهون ..

اقتباس: بيني وبينك الكبسه هذي ماطاح فيها ذباب قل الصدق .لاني انا واحد جنبي طبعا يعرفك يقول كني اشوف نايف العز يهش الذبان وزعلان هههههههه يقول الله يستر لايطق اللي معه من الحنق

كبسة وفيها انـا ما يطيح فيها ذباب <<< الله من الصدق ..

لكن ما طاح ابشرك شيء واشوى قلت لك غيرنا المكان وخف الذباب ..

وبعدين من قال اني عصبي .. انا حبيب يا رجال ..!!
ههههههههه ..

M!ss KSA - نديم الشوق - النادر - نجم تمير ..

شاكر ومقدر زيارتكم وردكم على الموضوع ..

ماشاء الله رحلة موافقة اخوي وتسلم على الصور