زمن قاسي .. بشر أقسى .. قلوب ٍ مابها إحساس

..
.
فمـان الله يالولـو بحـر ماجـابـه الغـطـآس
فمـان الله يـا أطهـر وأبيـض قلـب حبيـتـه

فمـان الله فـي دنيـا سعيـده كلهـا أونــاس
هذاك الـدرب ينتظـرك وأنـا دربـي تنصيّتـه

نهايـة دربنـا بـاب ٍ تكاثـر عنـده الحّـراس
نهايـة دربنـا لغـز ٍ رمعتـه لكـن أخطيـتـه

نهاية طيب .. في صفحة وفا .. وختامها نوماس
وأدّون قصـة تسمهـا بكتـاب الصـدق سميتّـه

صحيح أستأذنك صعبه ولكن يالغضـي لا بـاس
خيالك داخل أعماقي رسـخ مـن يـوم خطيّتـه

وانا يوم أجرع الفرقا ورضيت آعانق الهوجـاس
وخاويـت السهـر والنـوم هاجرتـه وجافيتـه

عشانك يابعد عمـري عشانـك يابعـد هالنـاس
عشانـك يابعـد حـي الشمـال ويابعـد ميـتـه

فديتك زهرة ٍ فاحـت وفا..وإستنعـش النسنـاس
فديتك مهرة ٍ شوفـه شفـا وش عـاد لوجيتـه

فديت الجمرتين اللـي يحرسـن لمعـة الألمـاس
فديـت الوجنتيـن ولمعـة الديجـور مـع ليتـه

فديتك كلك وكلـي قصيـد ٍ يررهـق القرطـاس
فديتـك كلـك وكلـي مشاعـر لكـن أزريـتـه

أجل وشلون اترجم لك مشاعـر مالهـا مقيـاس؟
وشاعـر جامـع ٍ هـم الليالـي فـي تناهيـتـه

وأنا لامن عشقت أعشق على وضح النقا نبراس
بدوي ٍ لاسمع طاري الخيانـه ينتخـي بـصيتـه

ياليتك طيف في بالي تلاشى بحضـرة الجـلاس
وقلبـك ماعـرف قلبـي ياقلـبـي آآه ياليـتـه

زمن قاسي .. بشر أقسى .. قلوب ٍ مابها إحساس
زمن حلّل قتل طفله .. وطفـل ٍ لاهـي فـبيتـه

زمن فيه الوفـا كلمـه تخـط بأبيـض الكـرّاس
زمـن لـو نـزل دموعـي يسمعنـي زغاريتـه

حياتي دامهـا شـادت بجوفـي مملكـه لليـاس
أبي تقرى نهايـة درب علـى شانـك تخطيتّـه

خلاص أستسمحك برحل كما حر ٍ كفـخ قرنـاس
نصيت الـدار يـوم الـدار لـوّح لـي ولبيّتـه

بقالك كلمتيـن ٍ تحتهـن خـط ومابيـن أقـواس
(فمان الحب) ياأطهـر و أصـدق قلـب حبيتّـه

أبيات جميله تسلم يمينك..............