زمان أول موضوع ولا في الأحلام تتمنى حصوله لكن لا تستطيع

مـدخـــــــــل}..




الا ليت الزمن يرجع وراء ولا الليالي تـدور..ويرجع وقتنا الاول وننعـم فـي بساطتنـا
زمان اول احس انه زمان فيه صدق شعـور..نحب ونخلـص النيـه وتجمعنـامحبتنـا
زمن مافيه للاغيبـه ولاحتـى نفـاق وزور ..ياليته بس لو يرجـع ونسترجـع طفولتنـا..



صغارقلوبنا بيضاء نعيش بعالـم محصـور..ولا نعرف ابداً أغراب ماغير عيال حارتنـا
صحيح صغار في التفكير لكن ماعلينا قصور..نخطط نكسـر اللعبـة وتسعدنـا شقاوتنـا
نروح المدرسة بدري ونضحك داخل الطابور..نحاول نزعج العالم فـي روحتنـا وجيتنـا..




كبرنا وصارت الدنيا تصف احزانا بالـدور..وتهدينا اللالم والهم غصب عن عين رغبتنا
تعبنا من بلاوينا واحد ضايـق واحـد مقهـور..وكل واحد غارق بهمـه وفـي الاخـرتشتنتـا
وأنا ماقول غير الا ياليت ان الزمان يـدور..ويرجع للوراء فترة نعـدل وضـع عيشتنـا

















ياالله ..يا لبساطة الحياة..ومتعتها ..
في قديم الزمان ..
قلوب صافيه ..وراحه بال .. وقلوبنا على بعض..


واي شي جديد له طم غير ولذه غير ..










كان الطفوله والبراءة و
العفويه تملى قلبنا..
ولا نقطع بعضنا..





كنا
بعد صلاة العشاء نحط راسنا على المخده
ونام على طول من التعب..
نقوم الصباح بدري ..ونفطر ونفتح التلفزيون..
وكنا نتأمل الشاشه المخططه ..متى تروح ويجي السلام الملكي...










وتجي الرسوم المتحركه...
بدون ما يتكلمون ..نتابعهم بكل شغف ومتعه...










وبعده ماتنتهي نروح نلعب في البيت ...
ونتظر الغداء ونتغداء..ولما يجي العصر ..
نطلع نلعب في الشارع مع عيال وبنات حارتنا..
ونروح نأخذ فلوس من ابونا
ونروح لبقالتنا ونشتري منها اشياء كثيرة ..
بالعشره اللي عطاناها..ولا ننسى عيال جيرانا نجيب لهم معنا
ونرجع لبيتنا ونتعشاء ونتروش وننام ..
ولما كنا ندرس كان لمعلمنا هيبه واحترام
ونحرص على اللي كنا نتعلمه ..
ونرجع للبيت ونحل واجباتنا..ولما تنتهي المدرسه..











ويقرب العيد نفرح كثير ..وننتظره بفارغ الصبر..
ونروح نصلي العيد ونعايد جيرانا ونملا شناطنا حلاو ة وفلوس
كان العيد له طم خاص عندنا وذكريات جميله
يالله كيف كانت حياتنا بسيطه وبدون تكلف ..





بعكس..



حياة اليوم ..
قلوب شايله على بعض
وتكلف في حياتنا ومعيشتنا...
حتى التطور اللي نعيشه نمل منه بسرعه..
وبالنا مشغول وخواطرنا ضايقه دايم...
مع ان وسائل المتعه موجوده ...بس ملينا منها....




{مــخرجـ....}..


ليتنا نرجع لذاك الزمان,,

,,

نعشق من القلب ونحب ونعف,,



أرقـ التحايااا

يعطيك العـــــافية

اخوي ابو نواف

ليت زمــــان أول يرجع




مدري ليه عندي احساس انك موجود في الصورة آول واحد من الصف الثاني وشكلك مبسوط بزمـــــان اول

شف صورتك يا الضامي يومك راكب مع خويك في الشاص كنت تحتك مع الناس أول ههههههههههه أي واحد تركب معه ما تقول لا أبد ههه

ليتنا نرجع لذاك الزمان,,


أبو نواف

لك كل الشكر على جمال طرحك

احترامي لك

/
\
/




كنت من اشد المعجبات في الرسوم المتحركه وهالحين معاد تهمني

يالله دنيا كل ماكبرنا كبرت معانا مشغالنا واشغلتنا


/
\

عافاكـ ربي يابو نواف

وعسانا ماننحرم من جديدك

دمت بخير

اقتباس: المشاركة الأصلية كتبت بواسطة قوت القلوب    ليتنا نرجع لذاك الزمان,, أبو نواف لك كل الشكر على جمال طرحك احترامي لك

ايه نعم ليتنا نرجع مثل زمان أول لكن هيهات هيهات

مشكروة أختي قوت على المرور والتعقيب فلكي مني جزيل الشكر والتقدير والإحترام

اقتباس: المشاركة الأصلية كتبت بواسطة سحايب صيف    / \ / كنت من اشد المعجبات في الرسوم المتحركه وهالحين معاد تهمني يالله دنيا كل ماكبرنا كبرت معانا مشغالنا واشغلتنا / \ عافاكـ ربي يابو نواف وعسانا ماننحرم من جديدك دمت بخير

طبيعي أن الشخص يتغير مع متغير الحياة ,,,,, مشكورة أختي سحايب الله لا يحرمنا من طلتك يا رب

مشكور أبو نواف على طرح هذا الموضوع الممتع

ذكرتنا بأيام منول ، الله على هاك الأيام ما أجملها براءة وعفاف وطهر

بس شكلك مبغر من زمان تقول يعطيني أبوي عشرة ريال أشتري بها من بقالتنا

أنا ياخوي ما شفت العشرة إلا يوم توظفت

لكن ما تظن أن أطفال هالوقت يستمتعون بحياتهم مع البلايستيشن والحاسب والملاهي ووو مثل استمتاعنا باللعب بالقلنات والدنانات ووو ؟؟؟

اقتباس: المشاركة الأصلية كتبت بواسطة النجدي    مشكور أبو نواف على طرح هذا الموضوع الممتع ذكرتنا بأيام منول ، الله على هاك الأيام ما أجملها براءة وعفاف وطهر بس شكلك مبغر من زمان تقول يعطيني أبوي عشرة ريال أشتري بها من بقالتنا أنا ياخوي ما شفت العشرة إلا يوم توظفت لكن ما تظن أن أطفال هالوقت يستمتعون بحياتهم مع البلايستيشن والحاسب والملاهي ووو مثل استمتاعنا باللعب بالقلنات والدنانات ووو ؟؟؟

صحيح لكن لن تكون أطعم من ألعاب أول يا أخوي تكفي الحركة في الألعاب