طريقة طبخ العراجين ... بالصور ..

بسم الله الرحمن الرحيم
السلام عليكم ورحمة الله وبركاته

انتشرت في الأراضي البرية نبتة العرجون .. والتي يفضلها الكثيرين .. ويوصون عليها .. وقد تكون هذه النبتة غريبة عن مجتمعنا التميراوي ... فنقلت لكم هذا الموضوع .. عله أن يفيدكم ..
(1)



(2)



(3)



(4)



(5)



(6)


إخراج العرا جين من ألأرض وتنظيفه من الطين وغسله جيدا


(7)


بعد تنظيفه يتم تقطيعه إلى قطع صغيرة حسب الصورة التاليه
(8)



(9)


تقطيع البصل والبندوره والفلفل الأخضر الرومي ولحمه أوقطع سمك حسب الرغبه
(10)


يتم قلي البصل في قليل من الزيت
(11)


ويضع العراجين علي اللحم
(12)


ويقدم لكم وعساه بالعافية بالخس والخبز البر
(13)
طريقة شوي العراجين
الطريقة ألأولي يدفن العراجين قي الجمر
(14)


الخطوة التالية جس العراجين إذا سارة رخوولينه معناه نضج
(15)



(16)


عاد لا أوصيكم اللي يصيد له كم عرجون يعطينا خبر عشان نكمل التقرير ... ونجي ونصور

شف يا حبيبي

الذيب ما يهرول عبث

القصمان ياكلون الصقنقور ( تعرفونه ) أشبه ما يكون بالسحيتاني ويموتون فيه ( فياقرا طبيعية )

حصلنا الكيلو منه بـ 400 ريال

وهم يحبون العراجين ويموتون فيها دوِّر فيها فايدة

مرة كنا طالعين للبر ومعنا واحد قصمنجي صديق لخوينا نتمشا في الخفيسات يوم شاف عرجون بغى يطب من السيارة

عرجون عرجون عرجون

وقفنا وحنا ما ندري وش السالفة نزل من السيارة وخذه وكنه محصل كنز قارون قال واحد من الجماعة هذا عرجونك هذا نسميه فسو ...

ورحنا به لمكان فيه عراجين وجمع كرتون خيار

وشب علينا يبي يوديها للرياض قبل ما تخوي

مشكور يا المهند على الطبخة وأبشر إذا حصلنا شي بنطبخه ونوافيكم بالصور

آسف على الاستطراد

استطراد جميل وموفق أخوي النجدي ...

والله أني اشتهيته ... والله يعين بس فيه نوع من هالفطريات سام ... والله يستر لاأطيح فيه ..

الله يعين القصمان نبي نضايقهم على العراجين ..

يعطيك العافية ياالمهندعلى هالوجبةالبرية

واذا بغيت تطبخها علمني أعيشك

هذامر علي في الطيار اللي فوق الشعب مادريت انه ينوكل ولا كان جمعته وبعته على القصمان واستفدت لي كم قرشين

يعطيك العافيه يالمهند على طبخة العراجين
بس بسألك وش دراني ان هذا عرجون سام اوغير سام؟؟؟؟؟؟؟مهم جدآ ارجوا الأجابه
وعسااااااااك سالم

هلا بك أخوي الحر ... الدعوة فيها تعيشه ... طلعنا ندور من اليوم ...

لكن يا خوفتي يصير فيها سراوة.!!!!

مشكووور يا المهند على هذه الطريقه

ونبي نجربها اذا شفنا عرجون في الارض

دائماً ممتع يا ابو مهند حتى في طبخ العرجون

بس ما اعتقد تبي تاكله ما تعودنا عليه طول عمرنا نبي ناكله الحين

ابو مهند الفقع مقبل ان شاء الله ناكل شيء نعرفه اصرف لنا .

..
..

اقتباس: المشاركة الأصلية كتبت بواسطة النجدي    مرة كنا طالعين للبر ومعنا واحد قصمنجي صديق لخوينا نتمشا في الخفيسات يوم شاف عرجون بغى يطب من السيارة عرجون عرجون عرجون وقفنا وحنا ما ندري وش السالفة نزل من السيارة وخذه وكنه محصل كنز قارون قال واحد من الجماعة هذا عرجونك هذا نسميه فسو ... ورحنا به لمكان فيه عراجين وجمع كرتون خيار وشب علينا يبي يوديها للرياض قبل ما تخوي

ممتع تعقيبك وحديثك يا النجدي فجزاك الله عنا الف خير ,,

هذا يسمونه الشياب ................... ما قدر اقول الكلمه

مشكور يالمهند على الوصفه وجربها وعلمنا