"أحسب إن البشر مثلي"

"أحسب إن البشر مثلي" بطيبي والوفـاء ظلّـي
....................وأثاري الناس تضحك لي وهي بالجوف مغبونه
أمدّ الطيب بوصالـي وأشـدّ الحبـل وأهلّـي
....................وأثاري صاحبي يقطع حبال الوصـل بسنونـه
أنا جيته وفـاء صـادق وبالإخـلاص متحّلـي
....................وهو يقفي وأرقع له ثيـاب أعـذار مردونـه
بغيتـه يتصـل فينـا يعلمنـا خـطـا زلّــي
....................على المرسال نرسل له وهـو يغلـق تلفونـه
بعد ما طق لي صدره وقال أفديـك انـا كلّـي
....................وبرخص حالي ومالي وأشيل الجرح وطعونـه
أثـاري بعدهـا قفـى حلايـا البـوم متخلّـي
....................وانا كنت أحسبه حـراً أصيـل يفـرق بلونـه
حشى ما أرجيه حال ومال ولاني شخص متسلّي
....................أبي لا غاب أدق أنشد بـكيف الحال وشلونه ؟
وأدور صاحباً وافـي يعـرف الطيـب ويدلّـي
....................على دلة وفاء نشرب دلال الصـدق موزونـه
وانـا مانـي بتابـع مقفـي صـدّ وتنكـلّـي
....................ولاني براجيه صاحب يصك الباب مـن دونـه
وكان انه بغى فرقاي ولابه مـن خطـأ زلّـي
....................فـانا بنت العبيه قد وسمْـت الذيـب بعيونـه

أختي الكريمة : الدامياء

بيض الله وجهك

ولا خلا ولا عدم من رواااائعكـ

ومشكوووووووورة حيييييييييل على هالروعة

ولكـ مني كل تقدير

اقتباس: المشاركة الأصلية كتبت بواسطة عاشق مطير الأول    أختي الكريمة : الدامياء بيض الله وجهك ولا خلا ولا عدم من رواااائعكـ ومشكوووووووورة حيييييييييل على هالروعة ولكـ مني كل تقدير

أخي عاشق مطير

شكراً لمروركـ العاطر من هنا

ولافقدناكـ .