|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| همس الأعضاء تهتم هذه الساحه بالشعر والنثر والصوتيات الشعرية الغير منقولة |
آخر 10 مشاركات
|
|
|
أدوات الموضوع |
22 / 11 / 2008, 36 : 07 PM
|
#1 | |
|
عضو مجلس ادارة المنتدى
|
منوعات نبطية
هذي مجموعة من الأبيات النبطية , منها المعروفه ومنها الغير معروفه
وهي متنوعه بشكل عام .. هم يحسبون المسأله كلها سلك إذا انقطع تقطع معاه المسالك ما دروا إني بالإحساس أبادلك مو شرط أشوفك وأسألك كيف حالك ! أحس بك لو كنت ماني مقابلك وتحس بي و لو كنت ماني قبالك .. تدري وش اللي بس يقطع وصلك الموت بس الموت.. يقطع وصالك  كل السوالف تجيب اسمك ولو صدفــة كل الشوارع توقــــّـف بي على بابك وأهرب عن الناس لآخـر ركن في الغرفـة وألقاك بالروح.. وأهدابي على أهدابك هناك أعيش الغرام اللي لقى حتفــه هناك أذوق العذاب اللي من أسبابك كنت أحسبك تعطي على كل الأحوال و أثر العطا ما وافق بيوم دربك عشتك ألم كـلك متاهات و هبال معنى العذاب و جاير الهم قربك طبعك تجاوز للأسف طبع الأنذال ليتك تحس بحّر نارك وكربك في داخلي يبني لك الكره تمثال بين الحنايا لو تذكرتك أربك خنت العهود و جيتني حيل تختال الوجه شرق و نيتك يم غربك غدرك معك في داخلك حي ما زال ما هو غريب لا صار زادك وشربك تدري بعد ما غبت وش كنت أسوي كنت وخيالك مثل جفـن ٍ علـى عيـن كنت أنتظر والوقـت .. كنـه عـدوي لا طال .. زاد الشوق فيني بضـعـفـيـن حتى قبل ملفـاك .. هالحين تـوي سافرت أفكر بك ولا أدري على وين إذا قـلبك نفذ صـبره وصرت بدنيتك تعبان أجل شـتقول لاشـفت الفراق وشـلون يرميني يمين الله من بعدك أنا .. تشــعل بي النيران ولا مني تذكرتك لهيب الشوق يكويني ألا يـا أجمل عيون صدفها شاعر ولهان كتب لك في آخر أبيات القصيد ((لا تخليني)) مـســاء الـخـير هالـمره بـلاش آسف على التأخير مـدام الـرد بـعـيونك ( دمــوع ) بكل تـأخــيـره ثـقــل دم الـعذر وألا كـسح وجـه الخـطا تـبريـر مــدامك عـارف ٍطـبعي اجـل وشـهو لـه الحـيره تـرى ما جيت لأجل اسمع سواليفك عن التقصير اعـرف أن الخـطـا مني بـلاش نعـيد هالسـيره >> انـا وأنـته تــحـملنا بعــضـنا كثــير >> تعودت إنته على عنادي وصرت أحب هالغـيره يمكن تقول إن الرسايل حكي فاضي مجرد كلام نكتبه ويتم الإرسال لكن اقـسم انك معي حاضـر وماضي تبقى عزيز وصورتك دايـم على البال افرح في ذا الدنيا اذا صرت راضي غالي علي واللي خلق شمس وظلال ما أبكي الفرقا وطول المسافات ابكي القلوب اللي تغير غلاها لا تحسبني يوم انا أطـريك .. مغليك يـمكن مع سـير الســوالـف .. طريـتك العـام تنسـاني وأنا اليوم .. ناسيك كلك على بعضــك تراني .. نسـيـتك ماني على رجــواك يا زيــن .. ناصـيـك أمــوت فـي عـزي وأنا ما رجــيـتك ياما جـرحـني الحب جرح تبدد وياما بقلبي شلت ناس نسوني عاملتهم بالود محدن تودد عاملتهم بالصدق ما صدقوني قربت منهم بس كل ٍ تصـدد وسانـدتهم بالحـيل بس اخذلوني كانوا حلم حـياتي اللي تبـدد بغمضة عين مشـو وإتـركوني لك ثلاث أيام في عيونك عتب ليتك تسولف قبل دمعك يسيل ليه مختار السكوت بلا سبب انتظرتك والظاهر إن صمتك طويل سولف ما كل صمت من ذهب كم عزيز راح من صمته ذليل من أمس وقلبي خفـقـته ماهي بخير من يوم غابت عن سمايا بروقـــك يومين وهمومي بقلبي طوابيــــر وانت الوله ما يبلل عروقــــــــــك كانه بخــل حول علي الفواتير وكانه ثقـــل الله يلين خفوقك جيتك وانا ماني بتايه الراي جيتك وانا مدري وش اللي بغيته وان كان تنشد ليه انا جاي أبشرك برد يقنعك لا قريته ..ا إن مر يوم بالعمر منت وياي اشتاق لك شوق المسافر لبيـته لا تلومني لا جيتك كلي من اقصاي مافيه غيرك لا تضايقت جيته الناس في بسمة المجروح منخدعه كم بسمه من وراها النار بأنفاسي ؟؟ بعض المواجع لها ما تنفع الفزعه وبعض المواجع وجعها من وجع ناسي عودت نفسي على الصدمات و الفجعه ولو دست جمر الزمن ما ينحني رأسي يعين الله يا دنيا تسوق أفراحها أحزان يعين الله وأنا مثل قــفلٍ ضاع مـفتاحه يعين الله جروحي لها في كل يومٍ شان كذوب اللي يقول إن الزمان يداوي جراحه من غيابك كل جرح صار له قلبي دليل لو يمره جرح تايه قال له قلبي تعال شوقي لك أكبر من حدود إحتمالك يشبه صباح العيد بعيون الأطفال إن كنت تضحك يا عساها على طول وان كنت متضايق يا عساها دقايـق لولا (الوفاء) ما احتاجت الناس للناس ولولا المواقف ما عرفنا بعضنا كاس مليته بالوفا لا تكبه خله يبلل بالوصل يابس الريق ( وقــــــف ) وقلي من قتل فيك الأشواق خلاك تنسى حب حطم كياني تبقى عزيز وجرحك اللي بالأعماق ذكرى عزيزة من حبيب كواني جيتك وأنا أدري داخلك لوم وعتاب ما أبيك تسأل وين حضرة جنابي أبطيت غايب لكن الشوق ما غاب جتك الرسايل تعتذر عن غيابي ماهو بكيفي غبت للغيبة أسباب لكن بكيفي جيتك وأعلنت أشواقـي خـذ فـؤادي وآنـا راضي تجرحـه لـي فـؤاد ٍ قد مـا تجرحـه مسمـوح بـس سؤالـي الـلي ودي أطرحـه هـو بقـى بي أي مكـان للجـروح ؟ ليـه دمعـي لا نـزل ما تمسحه ؟ وليـش دمعـك قبـل لا ينـزل أنـوح ؟ فينـي حـب ٍ ماظنـك تلمحـه ولـو لمحتـه ما تشوفه بوضـوح دنيـا غريـبه والـبشر مثـلها أغراب لو هي صـفـتلك ماصـفـولك بـشـرها تعـطـيك من لـذتـها كل ماطـاب تغـريـك ثم تـغرك في بـحرها وانا عطـتــني دنيـتي زيـن الاحباب اللي بنى دنياي ثم ٍ دمــرها لكن حسافــه من عشـقـناه لعاب لـعب بأحاسيسي وقـطع وتـرها !! راجع حساباتك بلحظه سكونك وخذها نصيحه جعل ربي يعافيك مافيه أجمل من صديق يصونك ولافيه أقسى من قريب يعاديك واكبر خطا نسيان من يذكرونك وأعظم وفا ذكر شخص ناسيك واكبر قهر لا صار ناس ٍ يبونك وانته تبيهم بس حظك لعب فيك والله لو بيدي لأخليك مرتاح وأعطيك راحاتي وازيدك عليها وتصبح حياتك كلها أفراح بأفراح وارسم لك البسمه وأحسسك فيها وأعطيك لأبواب اللقا مفتاح وتمشي لك الدنيا على ما تبــيها أعاهـدك باللي خلقـني وسـواك ويـعـاهـدك قـلبٍ اذا غبت صانك والله ما أرخصك ولا أفكر أنـساك ومفـقود قلبي كانه بيوم هانك لا ضاق صدرك وأزعجك ظـلم دنياك بتـلقاني أوفى من عرفت بزمانك خلك مع غيري عسى الله يهنيك يمكن أكون اللي مضايق حياتك أكبر عذاب انك تحب وصاحبـــك لاهي هنــاك وأعظم ألم لا من حسبته لا نظر لك قد فــــهم يتبع |
|
|
|
|
22 / 11 / 2008, 39 : 07 PM
|
#2 | |
|
عضو مجلس ادارة المنتدى
|
نويت عنك ابعد وأجازيك هجران
وأنسى زمانك وأتناسى لياليك ما عاد لي رجعة على ماضي ٍ كان احذر تفكر في رجوعي وأراضيك العشرة اللي بين ذل وحقران تتعاف وأسبابها أنت و تماديك كرهت انا زولك إلي بان دور على غيري حبيب ٍ يصافيك ذاك أمس أدافع عنك من كل عدوان واليوم انا ضدك عدو ٍ معاديك خلك تعيش بعالم كله أحزان تـلـعب بك الدنـيا والأيـام تـرمــيك تـدري وش هي الفكره المستحيله إني أفـكر بس في لحظه أنساك قد قـالو العاشق خـفوقـه دليله وأنا خفوقي طاح في كف يمناك. وإن كان قربك يستفز القبيله ما همني لو تزعل الخلق لرضاك لا شفت منهو تحبه صد من دونك إقرا عليه الفاتحة وريح أعصابك قله ترا الشمس ما وقفت على كونك يجيب غيرك أكيد الوقت اللي جابك اذا ثلث الطموح عناد وثلثينه صبر وإلحاح بأجبر خاطر آمالي و أحاول أكثر و أكثر و اذا بعض الألم باقي ترا بعض الأمل ما راح وكل ما قلت ما أقدر يعاندني و أقول أقدر لا بغيت في يوم تسوي فيني معروف وجماله يا تجي كلك معايا يا تخليني بحالي حبه حبه أنت ظالم والهوى يبغي عداله خلنا نطلع من الواقع على الجو الخيالي أنت عمرك شفت واحد يسولف مع ظلاله ؟ هذا انا وكثر ما اشعر فيك أحس انك ظلالي أنت ياللي تحجج بالهوى عطني دليله مير يا كثر الهواويه .. ويا قل الأدله أنت قد الحب يوم انك تجاهد في سبيله؟ و الا ظنك كل من جاهد يبي قـلبي وصل له اعرف انك يوم تحلم في غرام المستحيله لا تحرك لك من احساسي و لا حركت ظله يا كثر ما قلت أبسوي وبسوي ولافيه شي ٍ من الذي قلت سويته راحت حياتي وانا اطري وانا انوي واللي بغيته نسيته يوم سويته انا احسب إني صغير وبالعمر توي وأثرني اقفيت وأحلا العمر عديته أمانه قبل أروح وينتهي كل شي طالعني عشان تعرف وش معنى العطا قبل الأنانية أبرحل والطريق اللي يوديني ما يرجعني ما أبي يجيني ذكرى حبك وطاريه إن حكوا فيني بوجهي أو حكوا بي من وراي ما لقوا غير البياض اللي قهر سود الظنون فمان الله يا ذيك العيون اللي تحرالي كثر ما كانت الغيبه الى من غبت تقلقها انا اللي لجل خاطرها جرحت الليل بسهادي أنام شلون وكل حلمي أصير لحزنها وساده! الحال في غيبتك تصعب على الكافر لو قلت لي شلون أقول والله من الضيقـه يا كثر من قال لي اصبر يجي باكر يا علهم للعما فرقاك ما أطيقه هي ضيقه الصدر وألا ضيقه الخاطر والله مدري ولكن ضيقه بضيقـه ازعل اذا بيزعل وابكي لمبكاه وأتقاسم همومه معه في لياليه وانثر له ورد تراقص لمغناه وأغلف الفرحة بشعري واهديه ضاق صدري وانت ما عندك خبر كيف ماتدري وانا روحي معك ؟!! ليه قلبك يا غناتي بإحساس قـلبي مستهين إيه احبك قـلتها ويا عسى خاطرك طاب بالحيل أحبك يا عذابي من سنين ولسنين لو تغيب العمر كله بتبعك لوك سراب ولا ادري في حياتي أنت وين وأنا وين وان مرني طيفك في ليلي اقضيه بدموع وعتاب وأمسح دموعي وأضمه لين شمسي ما تبين يا شوق تكفى لا تخليه يرتاح يا شوق تكفى داعبه في غيابي خله يحس إني معه وين ما راح خله يحس شلون لذة غيــابــي عطر الفراق اللي مع غيبته فاح عطرت به قلبي وباقي ثيابي غصن تعلقت به هزني وطاح وعانقت بأوراق صمته عذابي كل ماجيت ابتدي فيك انتهيت وكل ماجيت انتهي شفتك بدايه كل ماجيت أنحرم منك اشتهيت طعم حبك لين صارت لي هوايه إن كتبتك حرف شفتك ألف بيت وان كتبتك بيت صرتي لي نهايه مكن كسير العظم يبرا بتجبير ويمكن علاج العين بآيات تقرا كل العلل تبرا بسبه وتدبير لكن مريض البعد وشلون يبرا ليتك يا صاحبي لو كنت لي جار يوم أجيك ويوم مثله تجيني وليت المسافه بينك وبيني جدار والباب بنص البيت بينك وبيني أنت العزيز ولك مع العز مقدار تتساوى بالغلا مع نظر عيني ليتك تمر اليوم جنبي وأحاكيـك وأقولك من كثــــر شـــوقي علومي حتى القمر لو تطلبه قال لبيــك يخضع وتخضع من وراه النجومي ما سرق قلبي غير حبك وطاريك أشتاق له حتى وأنا في حلومي يا كم تمنيت السعادة بدنياي وشفت السعادة تبتعد ماتبيني أشكي لربي خالق الخلق شكواي عســـــاه يسعد ما بقى من سنيني أخفي عن الجلاس همي وبلواي وأضحك ولكن دمعتي وسط عيني أبكيـتني وأنا أحسبك تكره بكاي أثرك تلذذ في دموعي وأنا أبكي شفت الليالي وش تسوي و الأيام شفت الخوي وشلون ينسى خويه غريب الوقت في تاليه تحول كل شي ضدي حتى الورد أجي اسقيه يقول أرجوك ما ودي طبعك تغير و ما لقينا له أسباب ولاني مقصر فيك ولاني بجافي كانك على فرقاي تفتح لي باب لا تقسى علي وما جرى منك كافي صدقيني ما بقى للحب قيمه الجفا شال الوفا وأصبح مكانه والصراحه صارت كلمه قديمه والهوى أصبح خيانه في خيانه والمحبه كنها طفله يتيمه مات أبوها وانحرمت حنانه صدقيني قصتي قصه أليمه والهوى ما عاد يغريني كيانه عندي سؤال وخابرن فيه تجريح لكن ضروري تسمعه بإنبساطي أرفعك بيدي للسما ترجع تطيح قلي شسوي فيك لا صرت واطي خلقت لي شموخ وهامة ما طالها طويلين الأنفاس وكونت لي عرش رفيع مقامه ما يوصله جن ولا يوصله ناس ورفعت نفسي فوق هام الغمامة أشوف زلات البشر وارفع الراس واليوم كلن خصني باحترامه واللي معاديني بالأقدام ينداس أبشرك ما عاد يوجعني فراق ... وأقسى وجع فيني يزول بثواني عودت قلبي إذا حمل هم أو ضاق ... أرمي وما أسأل عن اللي رماني عودت نفسي للمتاهات ما أنساق ... ولا يسيل دمع عيني وأعاني خل الحياة تروح والعمر أرزاق ... لابد يوم يضحك لي زماني والله إني من فراقك ما بكيت وما شكيت من زينها دنياك عشان أبكي عليها |
|
|
|
|
22 / 11 / 2008, 40 : 07 PM
|
#3 | |
|
عضو مجلس ادارة المنتدى
|
أنا تعلمت الـهوى تحت يمناك
درست معنى العشق حسب اختياري مـبـغـاك تعـشـقـنـي ولكني أبــغاك لا ضــاقـت الدنـيـا تـصـير داري وأبــيــك لامـني تـزاعــلت ويــاك ترضي غروري قبل أجيب اعتذاري وأبـيـك تـدري لو أحاول بـفرقاك إنـي بـحـاول قـبلـهـا بـانـتـحـاري البارحه في لذيذ النوم لاقيته أحلام جابت حبيب الروح خداعه فزيت أرحب ودمع العين هليته ورميت نفسي وجا راسي على ذراعه وقعدت أضمه وفوق الصدر لميته وأثرني أضم الوساده صار لي ساعه ليت الوجع بعروق قلبي ولا فيك وليت التعب غلطان ساهي ولا جاك لو الشفا بضلع صدري لداويك واطحن جميع ضلوع صدري فداياك الله من شر المقادير يحميك والله يحفظك يا عيوني ويرعاك مشتاق لـ( جنونك ) و( حرصك ) و( غيرتك) حسسني إني إنسان ماني بـ ( عادي) ماني بـ ( مشتاق ٍ ) لـ( حزنك ) و( ضيقتك) هاذي ما كانت يا مرادي .. مرادي أحب أعيش الفوضويه بـ( دنيتك) ما أحب أعيش الحب في جو هادي رسـمــنـي في لوحة الذكــرى عــذاب طفـلـــ|ن| يتيم ودمعـته فـوق خـــــــده يا صرخة الــــذكـرى كفــــى لـوم و عـتــــاب إطوي خريف العـمـــر وجـرح المـوده والله لأخـلي عزتـك تـحت ماطـاي تمـشي وعينك ما تعـدى مواطـيك أبـيك درس لكل خايـن ونساي وأفـهمك قـدرك وقيـمة مباديك والله لأهينك لين تبكي تبي رضاي ذليل تـكسر عين منـهو يـراعـيك أقضي مع الأفكار غربه وترحال ذكرى تفرحني وذكرى حزينه إنت الفرح وإنت السعاده والآمال يا من بنى له في ضميري مدينه وإنت الرفيق اللي مع الوقت ما مال مثل البحر ياكم حمل من سفينه أتعبت قلبي من جفاك وتغليك وتاهت بي الشرهة ولا أحد ذكرها المشكلة قلبي حلف ما يخليك ومدري متى ظروفك توقف ضررها قلبي وعقلي والمشاعر تباريك روحي هوت روحك وحبك سحرها الذنب ذنب الحب ماهو خطأ فيك هذا خطأ نفسي وهذا قدرها أكذب عليك إن قلت بعدك شئ عادي أضحك وأنا من جور الأيام مجروح جرح ٍ توسط في حنايا فؤادي ليت الجروح ضيوف يومين وتروح بعثر ورقنا هالزمان الرمادي وأصعب ما على الخاطر هي غربة الروح حبيبي لا تذكرني كفاك الجرح تذكيري أنا ألغلطان ساعدني اكفر غلطة أيامي حبيبي لو أبرر ما عذرني فيك تبريري ويا ليتك تعذبني ولا تسلبني أحلامي احبك لو خطاي اكبر من أعذاري وتفسيري احبك والوفي مثل ألوفا في غايته سامي حبيبي ما أخونك لو يخونك يوم تعبيري كتبك القلب بحروف الغرام وجفت أقلامي حبيبي والحزن في غربتك يرسم تعابيري متى ترضى على اللي غارق بحبك وهو ظامي بخطوات الندم جيت اعتذر يا أغلى مشاويري ورغم كل الألم والله ما حسيت بآلامي احبك يا البعيد إلا عن إحساسي وتفكيري وأحس انك علي بعيد حتى وأنت قدامي تدري لو السحاب يعاشر أمثالك جف المطر عن الناس وامتلكته تدري لو الورد يستنشق أنفاسك بيدعيلك ويقول سبحانك يامن خلقته تدري لو الناس تخلقت بأخلاقك كان طابت دنياي والهم ما عرفته تعال ونام في عــروقي ودمي تلحفني دفـا .. وأتلحفك شـوق افـتح شبابيك الهوى جيتك اليـوم بإحساس من زود الـوله وده يطيـر وجيتك حضن عاشق و هايم و مغروم وده يضمك ليـن تصبح على خيـر حبيبي اقبل قبل يسبقنـي النـوم بضم صدرك لين تصبح على خيــــر إيه إذا جيت أكتبك ماني بـ قـادر يا حبيبي! وأنت فوق اللي قدرته لا بغيت ارسم شعوري لك وأبادر استقام البيت والمعنى كسرتـه يا مصادرني! يا ليتك لو تصـادر صمتي اللي كل ما يكثر عذرتـه معك يا نادر يصير البوح نـادر لين ما يبقى لي صمتٍ ما ذكرته كنت انا نصفــي ( فتاة )..والثاني لطافـه واختلف لوني من ~ لطافه ~ ليي (نمــر) حتى هالنظره من براءه باتت شـــراسه ما يردني لـ لوني غير حبه لا اندثــر أبي وعد منك انك ما تخلـيني ولا تـساوي غـلاي بواحد ثاني وان كانك تحبني صدق وتغليني لامني خطيت اسمح لي على شاني أما انا في محبتك ما يلزم توصيني من يمك الروح تامرني وتنهاني فيك لا يمكن أغير موقـفي إنت محبوبي على كل الظروف ثابت رايي ومهما تختفي لك مكانه فايقـه كل الوصوف ترجمي يا دمعتي له و أوصفي حالتي في الحب مكسور الكفوف صدق أنا مشتاق لكني كتوم أجبر عزومي ويمنعني الحيا وين إنت يا ملهم قصيدي أناديك الصدر ضايق وخاطري منك ما طاب آخر قصيدة حب موضوعها فيك مضمونها يا صاحبي لوم وعتاب يوم غبت عني كل يوم أحاتيك إنت الوحيد اللي عن البال ما غاب ذكرتك والدروب اللي تعانق خطوتك بسكات انا مازلت اسافر بين نظراتك وكلماتك وانطفى جمر السلام وذابت الشمعات ذكرتك واستفزيت من شوق بسماتك إنت في راحة وانا أقولك هيهات انا لاجيت ابرتاح تطاردني بنظراتك وين أودي شوق قلبي والوله لو غديت بعيد عني ما أسمعك تملك احساسي وفكري تشغله ترحل طيوفك وفكري يجمعك ليتك تمر اليوم عندي وأحاكيك وأقولك من كثر شوقي اعلومي حتى القمر لو تطلبه قال لبيك يخضع وتخضع من وراه النجومي ما سر قلبي غير حبك وطاريك أشتاق لك حتى وأنا في احلومي جا يطيب خاطـــــــري بكلمتين يحسب إن رضاي مضمون وسهل عذره اللي رجعه شوق وحنين يحسب إن رضاي بشوية غزل ما درى إني حالف وحالف يمين ما أرد بكلمتي مهما عمل ما يلين القلب والله ما يلين وان زعل يزعل ما يهمني لو زعل لا تنصدم لا قلت انا اليوم ما أبيك القلب عافك وانتهى اليوم دورك أعميتني بحبك عسي الله يعميك ورميتني يا زين بأعمق بحورك يالله توكل لا تجيني ولا أجيك يالله حبيبي قوم رتب أمورك ليت لي قلب على فرقاك يقوى كان ودعتك وعجلت الخطاوي لكن اللي بالحشا لك شي أقوى من رحيل ماوراه الا البلاوي يا حبيبي تدري إن الحب بلوى وانت روحي يا جروحي والمداوي انتهينا ما بقى شي ٍ نقوله لا يضيع الوقت في كثر الكلام كل مـنـّا بان للثاني ميوله الصراحه ما اعتقد فيها ملام ساعة الفرقا على اللقيا عجوله انتهينا وانتهى ذاك الغرام فرحتي من خلقت الدنيا خجوله الأمل فيها تلاشى في السلام خلّ يبقى حبنا بأجمل فصولـه الفراق المنتظر مسك الختام أمانه كان موتي لفاني قبري تحطونه عند باب بيته يمكن إذا شافه بلحظه بكاني وإلا ترد الروح في نفس ميته |
|
|
|
|
22 / 11 / 2008, 41 : 07 PM
|
#4 | |
|
عضو مجلس ادارة المنتدى
|
ابتعد في صمت وارحل في هدوء
واترك جروحي تنام وتلتئم وان حصل عني العواذل وانشدوا قل لهم خان المبادىء والقيم سمني غدار أو سمني عدو وانت سمي نفسك بـ > سيد الشيم < اترك أحزاني وارحل يمكن جروحي تطيب وتلتئم +*+*+*+*+**+*+* تلف هالدنيا على الناس وتدور والزمن عندك توقف ولا دار أدري مقصر بس لا صرت مجبور ودي تسامحني على حكم الأقدار كني بدونك عقد لا صار منثور وش يجمع المنثور دام الزمن جار +*+*+*+*+*+*+* ارتاح يا عمري تعوذ من إبليس راسي ما احد غيرك يكيــف مـزآآجه +*+*+*+*+*+*+* ماجيت جنبك اطلب اليوم تبرير ولا جيت أبشكي لك زمان الهواني شفت الأذى منك من دون تقصير زدت الجروح اللي سببها حناني النفس طابت ما تبي منك تفسير لا تحسب ارتجي من نساني +*+*+*+*+*+*+* اشتقت أضمك لأجل أعلمك وشلون كيف المشاعر نازفه في غيابك وكيف الزمن من دون غيبتك مجنون وكيف الفؤاد يجيبني عند بابك هذا الفراق المر ملعون ملعون لأنه خذاك وعن عيوني غدابك +*+*+*+*+*+*+*+* ماجيت أسامح واستمع منك الأعذار ماجيتـك إلا نــاوي ٍ لــك بنـيـه ماجيتـك إلا باخـذ الـثـار بالـثـار وولــع الدنـيـا بـنـار ٍ لضـيـه وان كنت ريح إعرف تراني من إعصار ومثلك يخـاف مـن الهبـوب القويـه +*+*+*+*+*+*+*+*+* مدري أصارحها بكل الأخبار ولا اخبي حرتي في فؤادي الزين زاين لي وانا فيه محتار مدري أصارحها واخذ الأمر جدي ولا أهون واترك الأمر زي ماكان واصبر على جمري وبردي وحري +*+*+*+*+**+*+*+* طلبتك كان لي خاطر تبعد عنـك ألأحـزان فديت عيونك الحلوه تبسم لـو علـى شانـي حبيبي صار لي مدة أشوفك تايـه وحيـران وانا والله لا شفتـك حزيـن تـزود أحزانـي أنا احبك ولا ودي تعيش بدنيتـك ندمـان ترى ألأيام محسوبة وتالي هـالعمـر فانـي +*+*+*++*+*+*+*+* |
|
|
|
|
22 / 11 / 2008, 42 : 07 PM
|
#5 | |
|
عضو مجلس ادارة المنتدى
|
تدري وش هي الفكره المستحيله
إني أفكر بس في لحظه أنساك. قد قالو العاشق خفوقه دليله وأنا خفوقي طاح في كف يمناك وإن كان قربك يستفز القبيله! ماهمني لو تزعل الخلق لرضاك +*+*+*+*+*+*+*+*+ تذبل ورود الحب لا من فقدناك وتظلم شموع القلب والشوق قتال ما للقمر نور بعد طلة ضياك الله عطاك الطيب بكل الأحوال تدري الغلا والحب أحلى مزاياك يا مالك تاج الوفاء بكل الأشكال +*+*+*+*+*+*+*+*+ تعال ونام في عروقي ودمي تلحفني دفـا واتلحفك شـوق يا صـورة انثنت من كثر ضمي تناديني وله وألبي بشوق +*+*+*+*+*+*+*+*+ سـافر وتركني مستضيق البال سافر وتركـني قصيدة مات قايلها +*+*+*+*+*+*+*+*+ ما أبيك متهـور / وقـاسي / ونسّـاي كنك على أول غلطـه تحتريـني ولاني بحاجـه بمن يذكرني خطـاي أدري بها " أكثـر" من أصابع يديـني محتـاج قلبٍ أكبـر من خطايـاي يغفـر جميع ذنـوبي ويحتويـني +*+*+*+*+*+*+*+*+ مهمـا ( تمـادى ) بالغيـاب وغـاب لعـلّ وعسـى يمگن يجـي بكــره عنـدي أمـل وفيه الرجا ما خـاب مصيـر الأيام تجمعنا واشـم عطـره ولو فرقتنا الليالي وانسـدت الأبواب يكفيني أعيش بـاقي العمـر على ذكـره +*+*+*+*+*+*+*+*+ إن رحت .. تلقى لك من الناس خلان وان جيت .. ماني قايل ٍ ويش جابك أحيان / أحس إني بـ( حاجتك ) وأحيان من جد أحس إني بـ( حاجة غيابك) +*+*+*+*+*+*+*+*+ تعبت من ( كيـف حــالك ) لا تنشدني !؟ بــس أنت وشلــون قلبك يا بعد حــالي ؟؟ قـل لي وش أخبــار حبـك لي .. وتسعــدني من خلقت الحــب والغــالي من الغـــالي بجيك كلـي مثل ما كنت عــــاهـدني وأقول احبك معك .. واحبك لحــــالي خـذني لدنياك عني .. ليـن تبعـــــدنـي مــا ودي إني معك .. واطري علـى بـــالي +*+*+*+*+*+*+*+*+ اختفيت وما اختفى الا وجودك يـا حبيبي باقـي مع [ ذكرك ] غلاك اختفيت وماجرح قلبـي صدودك واعرف انا مافيه بقلبي سواك لو تغيب ويندثر حلمي بعهودك مايجي [ الشك ] في قليبي من هواك ايه احبك .. واعشقك.. لأبعد حدودك وتتعب الدنيـا لجل تاخذ [ غلاك ] +*+*+*+*+*+*+*+*+ أحيان .. نندم .. من كلامٍ .. نقوله.. ! وأحيان .. نندم .. ( ليه .. نسكت .. عن القول ) ! الله يعين الحرف .. لحظة .. هطوله .. ! أنا .. أشهد .. أنه.. يكشف .. عقول .. وعقول !!! البارحه.. والليل يرخي .. سدوله .. ! من ضيقتي .. ناديت :.. يارب لآ حول !! +*+*+*+*+*+*+*+*+ يا صاحبي ما هي حكاية كرامة حنا خسرنا بسبتك ناس غالين +*+*+*+*+*+*+*+*+ كبر الخطا ما كل عذر ٍ يغطيه مثل التعازي ماترد المصيبة +*+*+*+*+*+*+*+*+ مو مشكله ياسيدي كذبك اليوم المشكله يا كيف أصدقك بكره ؟ +*+*+*+*+*+*+*+*+ ما كل من يبعد به الوقت ينساك .. بعض البشر قدام عينك وناسيك +*+*+*+*+*+*+*+*+ دام الحشا بيتها وانا مدلّعها وش دخل القلب يزعل يوم توجعني؟ +*+*+*+*+*+*+*+*+ تكفى ترى تكفى تهز الرياجيل لولا ظروف الوقت ما قلتلك تكفى +*+*+*+*+*+*+*+*+ بشرب من الدله لو كان بها سم ما اهز فنجالي ولا اقول كافي مادامه بيمناك وتقولي سم بسم الله اشرب كل سم عوافي |
|
|
|
|
22 / 11 / 2008, 44 : 07 PM
|
#6 | |
|
عضو مجلس ادارة المنتدى
|
جا يشوف الحال كيفه بعد ما هزه حنينه
وقبل يسألني سألته كيف حالك يالحبيب قال انا كني غريب مضيع دروب المدينه قلت انا كني مدينه تنتظر رجعة غريب +*+*+*+*+*+**+*+*+ تهز يدها كل ما هزها الفن وتهز كل الناس من هز يدها +*+*+*+*+*+*+*+*+*+ أتـعبني الحلم لين الواقع أنـــكرني كني مسكت الفرج بيدي وهديــته +*+*+*+*+*+*+*+*+*+*+*+*+ كانك بعيد الله يقرب بعادك و كانك قريب الله يقربك لي زود +*+*+*+*+*+*+*+*+*+*+*+*+ ما كل من يضحك مع الناس مبسوط يا كثر من يضحك ونفسه حزينه +*+*+*+*+*+*+*+*+*+*+*+*+ حسافه يندفن حلمي وأصير بعبرتي مسجون حرام أيأس من الدنيا ولي في دنيتي غالي +*+*+*+*+*+*+*+*+*+*+*+*+ تلعب بقلبي لعبة الطفل بالطير الطير ميِّّّّّّت و الطفل ما درى به +*+*+*+*+*+*+*+*+*+*+*+*+ روحي وروحك صاغها الله في روح لا فرق الله بين روحك وروحي +*+*+*+*+*+*+*+*+*+*+*+*+ قال العلوم وقلت عقبك عوافي مامن جديد ولارفيق على الدين +*+*+*+*+*+*+*+*+*+*+*+*+ اتبعك كيف اتبعك وانته مقفي ++ غشيم من يتبع غرام المقفين ان كان حلمي معك معناه ضعفي++ حسبك ترى تحت الرواسي براكين +*+*+*+*+*+*+*+*+*+*+*+*+ لو كل غالي جابه الله لغاليه ما شفت لك مخلوق تبكي عيونه +*+*+*+*+*+*+*+*+*+*+*+*+ لو الغلا يورث على مر الأجيال غلاك عقبي يورثونه عيالي +*+*+*+*+*+*+*+*+*+*+*+*+ من يآمنك بكرة على بيت وأطفال اللي يشوفك خاينه بيت اهلك أمس +*+*+*+*+*+*+*+*+*+*+*+*+ إن عشت باقتل داخلي حلم ما مات وان مت ماتت ذكرياتك مع الروح +*+*+*+*+*+*+*+*+*+*+*+*+ ما كل من يضحكلك تلاقيه يغليك بعض العرب يضحك وقلبه حقودي +*+*+*+*+*+*+*+*+*+*+*+*+ ابرمي كل ما فيني من جروح الزمن وأنساك خلاص اسمك من أفكاري قتلته بسيف نسيانك +*+*+*+*+*+*+*+*+*+*+*+*+ مع غيري العب وبين له مهاراتك لو كنت مثلك بدون إحساس لاعبتك +*+*+*+*+*+*+*+*+*+*+*+*+ الموت حق وكلنا ذايقينه مير البلا من ذاق موتَ ولا مات +*+*+*+*+*+*+*+*+*+*+*+*+ والله إني ما أتنازل لك وأطيع لين أخليها تضيق ابك السعه +*+*+*+*+*+*+*+*+*+*+*+*+ خلك على خبري كما ريحة العود اذا احترق بالنار يزداد طيبه +*+*+*+*+*+*+*+*+*+*+*+*+ الموت ماهو لا تكـفـنـت بتراب الموت لا فارقت حي تحبه +*+*+*+*+*+*+*+*+*+*+*+*+ مشيت من شانك على كل ممنوع مدري جنون الحب ولا شجاعه +*+*+*+*+*+*+*+*+*+*+*+*+ خطاي إني سئلت ورحت أدور للغياب أسباب خطاي إني تعلمت الوفاء والناس كذابه +*+*+*+*+*+*+*+*+*+*+*+*+ شريت لي ثوبٍ على شان لقياك والثوب راحت موضته ما لبسته +*+*+*+*+*+*+*+*+*+*+*+*+ ما قلت لك عمر سيف العشق ما يقتلك ما تشوفني حي قدامك وانا أموت فيك؟ +*+*+*+*+*+*+*+*+*+*+*+*+ أحلم وحلمي صعب بالحيل بالحيل من يخرجه من وسط عنق الزجاجه +*+*+*+*+*+*+*+*+*+*+*+*+ من كثر صدماتي بناس ٍ قريبين صرت أتحرى صدمتي من ظلالي +*+*+*+*+*+*+*+*+*+*+*+*+ مابيني وبينك مشاريه وعتاب شف دربك اللي جيت منه تدله ما راح تغلبني لو الحب غلاب من حضرتك عشان قلبي تذله +*+*+*+*+*+*+*+*+*+*+*+*+ عشقي ماهوب عشق مزخرفين المظاريف حب تربع بالحشى ما يروحي +*+*+*+*+*+*+*+*+*+*+*+*+ تعالي فاحت دلة الشوق بالهيل ما غير انا وهموم صدري معازيم +*+*+*+*+*+*+*+*+*+*+*+*+ شفت الحطب لا ضمته لهفة النار هذاك انا كلي حطب وانت ناري +*+*+*+*+*+*+*+*+*+*+*+*+ لو القصايد لازعلتي بترضيك والله لخلي كل هرجي قصايد +*+*+*+*+*+*+*+*+*+*+*+*+ أكرهك واحبك ولا أبيك وأبيك لخبطت فكري ما عرفت الحقيقه +*+*+*+*+*+*+*+*+*+*+*+*+ بغيتك أكثر من اللي بكا في ليلة الزفه يشوف اللي تمناها تحل لواحد غيره +*+*+*+*+*+*+*+*+*+*+*+*+ اضحك حبيبي دام وقتك مسليك بكره تموت من القهر لا نسيتك +*+*+*+*+*+*+*+*+*+*+*+*+ والله لو تدري عن الشوق يمناك ما صافحت غيري من الناس مخلوق +*+*+*+*+*+*+*+*+*+*+*+*+ ماهي غريبه لو غدر فيك رجّال اللي غريب إن كان في يوم وافي +*+*+*+*+*+*+*+*+*+*+*+*+ مساء الخجل في وجه طفل خانه التعبير رمى نفسه على بنت الضيوف وقال : يا يمه +*+*+*+*+*+*+*+*+*+*+*+*+ قولي لهم يا عزوتي ما عابنا موت النخيل اللي يوافيها الأجل تموت لكن واقفه أفز من نومي على الخد عـــبرات أقول لـــدموعي ترى ما نســـــــــاني من يومها صرت اقضي العمر حسرات تمرني الذكـــــــــــــــرى تدمـر كــــــــــياني احتاجلك دون البشر " إنت بالذات " احتاجلك حاجـــة غريــــق للمــــــــواني لحظه قبل لا تطلب البعد وتغيب ؟ وتنتهي مرحله من حياتك ؟ روح واترك بقلبي أربع مــــــــعازيب؟ (معزتك) , (طاريك) , (حبك) , (غلاتك) وان شفتني اجمع شتاتي ...ترى ما هوب عيب؟ باجر مع الأيام تجمع شتـــــاتك يا سـائـلا عني من القلب لبـيه صوتك عزيز وغصب عنا نلبيك مثلك من الأجواد لاشك نغليه ونفتح لك أبواب الخفوق ونحييك واشري رضى من يشتريني وأرضيه وأقول له بالروح والعين نشريك أبوصف غلاكم وضاعت علومـــي(فكرت) و( عرفت ) إن الغلا لا زاد ما يوصفونه ما به شجر إلا وقد هزه الريح وأسقاه من فيض العنا والتوى به هذا أنا كلي محطات تجريح حبر وورق وآهات دم وكتابه قويت بلحظة وداعك أداري دمعتي لا تطيح لكن يوم اقفيت عجزت وطحت انا كلي أكلمك والعذر غالي وأسلم وإلا الصراحة جد مشتاق لك مووت أمانتك لا ضقت مني تكلم وانا أوعدك ..ما عاد أسمعك هالصوت الحـب ماهو بالمتاجر يـباعي مشاعر بين النفوس محكومه ما للزعل ومعاند النفس داعي محد على كيفه يحقق حلومه بالهون يا راعي العيون الوساعي لا تجرح الغالي وعقبن تلومه إن غبت عن عيني عشقت استماعي أحرك الهاتف وأدور علومه ما عاش مخلوق يعرفك وينساك بس الزمن زادت علينا حموله يا صاحبي جعل المخاليق تفداك يفداك كل الكون عرضه وطوله اضرب بي الهامه وانا كف يمناك أطول منهو عجز غيري يطوله لحظه حبيبي وقف هناك بالدور مانيب فاضي يمكن أفضى لك اشوي لازم تذوق المر وتعيش مكسور وأكويك من جمر الهوى لاغدى حي ولو بعتلي عمرك فلا قلت مشكور لأنك بعيني صرت كلك (( ولا شي )) في غربة المشتاق تزداد الأشواق أزود من أشواق الشقيق لشقيقه والقلب يصبح من عنا البعد خفاق وتزداد دقاته بزود الدقيقه ودقات قلبي ظنتي دقها فاق مليون دقه بين لحظه و دقيقه في غيبتك تساقطت خضر الأوراق ما قاومت غيبتك جرة عنادي ما كل من يبعد له القلب مشــــتاق و لا كل من عود له القلب شـــادي إلا أنت في الثنتين محرقني إحـــراق إن غبت زاد الشوق وإن جيت زادي طال الغياب وأنا أنتظر منك ميعاد أخاف موتي حل ما شفت لك زول أخاف من يوم تجي فيه نشاد تلقى مماتي دار من حوله الحول أنا أصارع موج الأيام بعناد أطلب لقاك ومطلبي حيل مقـتول صرت أتشفق شوفتك يوم بالعام من عقب منت عندي العام كله وأصرخ على ماضي الهوى مثل الأيتام ومثل الطفل لا فطم قبل حله أحد ٍ تمنى شوفته طول الأيام وأحدٍ تشوفه ساعتين وتمله يا ويل قلبي كل ماجيت أبنساك القاني أتعلق بك أكثر وأكثر واللي خلقني ما قوى البال يسلاك لا نامت عيوني لك القلب يسهر وشلون أبنسى العيش والملح وياك أطلع رخيص الأصل لو قلت أقدر |
|
|
|
|
22 / 11 / 2008, 45 : 07 PM
|
#7 | |
|
عضو مجلس ادارة المنتدى
|
إن كانك انته جبل تراي انا القمــــه
صعب ٍ على النذل ياصلها ويرقاهــــا وان كانك انته عزيز النفس والــهمـــــه انا ترى العزه اللي انته تمــــنا هــــــا وكانك تهجأ الحروف بكسره وضمــه انا المعاني تجيني غصب واقرهــــــــا يا بنت انا نايف النايف ولي همـــــــــه لي عزتن فوق هام السحب مرقـــــاها شيخ ٍ ولد شيخ لا نذل ٍ ولا رمــــــه أدور أصعب دروب المجد وأرقـــــاها سمعتلي كلمةٍ مدري وش أقصاها حـزة بصـدري وانا مانيب هارجها لـو كل كلمة تـجي رحنا ولحقناها بـعنا الثمينة بسعـرٍ مـا يخــارجها نجــي نسـئل عــن الاحباب والجيره تــرد أصداء بيوت وإطلال مهجوره نكلم حرف يرد الحرف عسى خيره زمـــان أول تغير شـانت الصـوره خل السوالف انا مشتاق لعيونك عجل وشف لك طريقه نلتقي فيها لا تخلي الشوق يذبح حال مجنونك لا جاتك الفرصه طلبتك لاتعديها اترك هلا بك وكيف الحال وشلونك جلسه معك تسوى الدنيا ومافيها لو أني تحت غيمة حنانه وظامي كسير ٍ ذابحني العطش ما ترجاه لزحف ولو ما شال جسمي عظامي عن مو قفه وأدفن عن الريق مجراه لو الثمن عمري ولذة منامي ما رجع لحب غير الوقت مجراه حبا بداء ثم أنتهى في ظلامي معانقه نور النهار وتلاشاه الدم ميت والشرايين تابوت والقلب مجبور على ضخ دمي وأغلى البشر غلاه عالقلب منحوت أرتاح له وإن راح قربت همي وإن خيروني بين فرقاه والموت كنت مخير بين خالي وعمي ما في داعي نشوف فلان وفلانه برهان حب برغم الناس مقنعنا دام الوفا طبعنا والنفس ولهانه ما ظن حبي عن الجمعا بيمنعنا دوّرت بـعـدك حـبـيـب .. وقلت في بالي .. أحب هـمـي ؟ .. وقـال الـقـلـب : روّ قـنا قلت أنت وش دخّـلك .. بــ أحب غربالي أقــلّ حــاجــه .. نـمـوت ومــاتــفــارقــنا كنت أفكر مرة ألقى لي بداله دام وصله صعب والأصعب وصوله قلت يالله نفترق كل وفاله قال يالله قلت:لحظه من يقوله؟ ما كل عين تنزف الدمــع بأحزان وما كل من يضحك يعيش بسعاده كم واحد دمعه على الخد هتــان من زود همه ينزف الدمع عــــاده يحاول يبتسم قدر الإمكـــــــان ويضحك ونار الحزن يحرق فؤاده الله مــــــــن قلــــب تــــزايـــــد احمــــــولـــــه يشكــــي عـــــذاب الـــوقــت وضيــــــم الأيام والله مـــــن عصـــــــر نــسينــــا افعــــولــــــه حتــــى الــــــدخيـــل اليـــــوم صـــار يــنضـــام والله مــــن وقــــــت تمــــــوت الــرجـولـــــه فيــــــــه الحثـــالـــــه تنعـــــــبد مثـــل الأصنام |
|
|
|
|
24 / 11 / 2008, 27 : 07 PM
|
#8 | |
|
تميراوي نشيط
|
إن حكوا فيني بوجهي أو حكوا بي من وراي
ما لقوا غير البياض اللي قهر سود الظنون أبو عاصم جهد جبار وعمل رائع واحساس شاعري من شاعر الاحساس بارك الله في جهودك |
|
حسبي الله لا اله الا هو عليه توكلت وهو رب العرش العظيم
|
|
25 / 11 / 2008, 30 : 05 PM
|
#9 | |
|
عضو مجلس ادارة المنتدى
|
ما كل عين تنزف الدمــع بأحزان
وما كل من يضحك يعيش بسعاده كم واحد دمعه على الخد هتــان من زود همه ينزف الدمع عــــاده يحاول يبتسم قدر الإمكـــــــان ويضحك ونار الحزن يحرق فؤاده الف شكر اخي المهند |
|
|
|
|
25 / 11 / 2008, 30 : 08 PM
|
#10 | |
|
تميراوي فعال
|
يعطيك الله العافيه على المجهود الطيب
|
|
 ]ياعيــن ياللــي تبكـــي الحــزن ساعـــــــــــات أبكي مــن الفـــرحــه ولـــو نـــص ســاعـــــــه تعتبــــت عيــــونـــي ما أهتنــــت بالمســــرات والجفـــن متكحـــل بنـــــار القطــاعــــــــــــــــه |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
