موضوع للنقاش

ياللي وراك ظلوع ومـن دونـك ظلـوع
متمـركـزٍ فالـصّـدر كـنّك ... وداعـه

ودّي اناقش مـع سعادتـك .. موضـوع
وابغاك تعطيني فقط " نـص " ساعـه

صار اتصالك في من اسبـوع لاسبـوع
حرّمت وصلك .. وإستبحـت القطاعـه

وتغيّـرت فيـك إنطبـاعـات .. وطـبـوع
وتجـدّدت فـي نظرتـك لي ... قنـاعـه

عيّشتنـي في كل مـرغـوب ممـنـوع
وحرمتنـي مـن كـل .. سمعـاً وطـاعـه

وعلّمتـنـي إن الجـفـا له كـذا نـوع
وإن الهـجـر بـالذّات اكـثر بـشـاعـه

اوّل تجـي يمّـي مـن الـشّـوق مـدفـوع
ومَااحلى مـن المشتـاق غيـر إندفاعـه

إن غبت عنك تصيح ودموعـك دمـوع
مافيـك لالصّبـر الجميـل .. إستطـاعـه

مجنون فيني و " القلم " عنك مرفوع
هـمّـك رضاي ومجتـهـد .. فإتـبـاعـه

واليوم .. لا حبل الرجى فيـك مقطـوع
مـشـيت درب الـلّـفـلـفـه والـلّـكـاعه

واللّـي تسبّـب فـي تغيّـرك .. مجمـوع
عدم ثـقـه فيـنـي .. وبـث الإذاعـه

خل الكلام اللّي من الكذب .. مصنـوع
وإخذ الـكـلام الـلّـي تذوق إنتفـاعـه

ماكل هرج يمر " اذانيك " .. مسموع
اربع ارباع الـلّي يـمرّك إشـاعه

لو الحكي بفلـوس او شيـك .. مدفـوع
يمديـك ضـامـي لالـكـلام .. وسمـاعـه

ياشينها لاجاتك " همومك ".. جمـوع
ولاعـاد عنـدك لالمـواجـه .. شجـاعـه

وياشينهـا لـو كـان لـك حـق مشـروع
واقربهـم لقلـبـك سـعـى في ضيـاعـه

هذا الكلام الليّ مـن القلـب .. مطبـوع
إقـرا كلام القـلـب وشوف إنطبـاعـه

وإسمع ترى الجـوّال ماهـوب مقطـوع
شـغّـال له أربع وعشـريـن سـاعه ...

/
\

لله دركـ اخوي على هالقصيده الرائعه

وعسانا ماننحرم من جديدك

احترامي وتقديري لكـ

اقتباس: المشاركة الأصلية كتبت بواسطة سحايب صيف    / \ لله دركـ اخوي على هالقصيده الرائعه وعسانا ماننحرم من جديدك احترامي وتقديري لكـ

ولك انتي سحايب كل الاحترام والتقدير

وشاكر لك مرورك

أخي العزيز:

الرقم الصعب

أبيا راااااااااائعة

وفي غاية الروعة

تقبل مروري

ولكـ الشكر والتقدير

اقتباس: المشاركة الأصلية كتبت بواسطة عاشق مطير الأول    أخي العزيز: الرقم الصعب أبيا راااااااااائعة وفي غاية الروعة تقبل مروري ولكـ الشكر والتقدير

عاشق مطير

حياك اخوي

حضورك هو الاروع

والف شكر ع المرور

مشكوووووووووووووووووووووووووووووووور