كيــف تصطـاديــن المعـرس دون اللجـوء إلــى الـخطـابة.......

كيــف تصطادين المعرس دون الجوء إلى الخطابة أو الأساليب السقيمة من المغازلات والترقيم والتلميح اللي ماله سنع والترزز بالأسواق........ إلخ

أهم شي..؟ نيشني على العجوز اللي (حاطة عينك على ولدها ) ثم اعملي مايلي:

1_ خليك مع امك ولاتروحين مع البنات وتتهيبلين اصبري عنهم كم شهر لين تتم العمليـة..

2_ امشي وأنتي حاطة راسك بين كتوفك ولا ترفعينة أبد حتى لو عورك خلي (الفكس) دائما في متناول يديك..

3_ كلمت خالة خليها دايما على لسانك خاصتا لأم المعرس عشان تحس بنوع من التميز عن باقي العجايز..

( ملاااااااااحظـة): لامانع تنادين عجوز ثانية بخالة عشان اذا مانجحت الخطة مع العجوز نمبر ون تنجح مع نمبر تو << الإحتياط واجب وأنا اختك

4_ اذا بدت امك تتكلم انغزيها بكوعك عشان تدخلك فالسالفة حتى لو مالك داعي تطبيقا للمثل (كثر الدق يفك اللحام)<<<< دارية المثل مالة داعي

5_ اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كأنك
امهم عشان العجوز تاخذ فكرة إنك حريصة على ذريتــك..

6_ كل ماأكلت امك أكلة زينة خليها تقولك نفس الأكلة اللي تسويها بنتي حتى لو الأكل من مطعم صيني أومكسيكي..

7- اذا جيتي بتمدين ايديك توجعي وخلي امك تقول: قايلتلك وأنا امك ماله داعي تنظفين جدران البيت الخارجية<<أقول نظفي غرفتك اول اللي تقول ثايرة فيهاقنبلة ذرية.

8_ اذا تكلموا أهلك عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها
<<< بس لا تكتمي نفسك حيييل اخاف تروحين فيها وأصير قتلت نفسن بغير حق

9_ مهما كان موضوع الحوار حماسي لاتبدين رايك خليك مثل البكما لأن اللقافة تجيب اجل الخطة

10_ شعرك افرديه ولاتجعدينه مهما كانت الموضة لأن العجايز مايدورون الا اللي شعورهم ناعمة

11_ اذا أدلت العجوز (ام المعرس المتوهق) بأي راي سواءا الراي سياسي أو وطني أواقتصادي وافقي عليه حتى لوإنه ماسخ وماله داعي..مثــال:
تقول العجوز بوش متقهوي عندنا البارح
قوليلها: وليه ماعلمتيني ياخالة أجي أساعدك..؟

12- في العروس اضغطي على نفسك واقضبي أرضك ولاترقصين واعتبري الرفص عيب وشق جيب <<< عاد أنا اذا ماقطعت الرقص ولاماأرتاح

13_اذا جا طاري السوق واهو لازم يجي الطاري لأنه ملح الجلسة عند الحريم خلي امك تقول:
بناتي ما يحبون يطلعون السوق ابوهم يجيب لهم اغراضهم..

الحيـــــــــــــــــــــــن العجـــــــــــــــوز بتكـــــــــــــون وقعـــــــــــت فالفــــــــــــــــخ


نروح للمعرس الحين...
1_ اهجدي في بيت اهلك ولا عاد تطلعين واذا جا المعرس بيشوفك خلي أبوك يقول والله ودي تشوف البنت
بدون ماتدري عشان تاخذ راحتك وأنا عمك وبعد تشوفها عالطبيعه وماتقول غشيتوني
<<<ايه هين يالشايب والله لو بيدك إن تحط مكانها باسكال مشعلاني

2_ قبل يجي اليوم اللي بيشوفك فيه بحوالي ياسبوع او أكثر(حسب شين الوجة) طامري من صالون لصالون(صبغ بديكيرمنيكير تنظيف بشره إلخ ..)

3_ إذا جا المعرس خلي اخوك يوقف جبنة عشان مايطول بالتبحلق ويبان المخفي وذلك تطبيق لنظرية (اللمحة ذبحة)

4_ في نهاية المشهد خلي ابوك يقول: معليش وانا عمك ترى البنت شوي محيوسة << ماعلية يالشايب تنصب عالمسكين..

وبهاللحظة الولد بينط على راس ابوك وبيحب راسة ويبوسة لين يشفط مخة ويقول متى العرس ياعم؟؟؟؟؟؟

تـــــــــحـــــــذيـــــــــــر مهـــــــــــم:::


ابتعدي عن امهات العيال المتعلمات راعيات الشنط نفس لون الجزمة هذول يبيلهم خطط بعيدة المدى........


وبس ....

ههههههههههههههههههههههههههههههه
مره حلووووووووه
يسلمووووووووووووووو خيتووووووووو

هههههههههه

طررررررررريقه حلووووووووه

تسسسسسلمين وماتقصرين

اقتباس: المشاركة الأصلية كتبت بواسطة دودووو    ههههههههههههههههههههههههههههههه مره حلووووووووه يسلمووووووووووووووو خيتووووووووو

الحلوووووووووووو للحلوين
هلابك نورتينااااااااا

اقتباس: المشاركة الأصلية كتبت بواسطة المستشــــار    هههههههههه طررررررررريقه حلووووووووه تسسسسسلمين وماتقصرين

الله يسلمك يالطيب
ودمت بخيييييييييير

هههههههههههههههههههههههههههههههه


الله يعافيك يالراقيه ويوسع صدرك مثل ماوسعتي صدورنا ..

دمتي بخير ..

ههههههههههههههههههههههههههههههه
مره حلووووووووه

اقتباس: المشاركة الأصلية كتبت بواسطة ريم الغلا    هههههههههههههههههههههههههههههههه الله يعافيك يالراقيه ويوسع صدرك مثل ماوسعتي صدورنا .. دمتي بخير ..

ويعافيك ربي يالغلا
وتسلم هالضحكه يارب

اقتباس: المشاركة الأصلية كتبت بواسطة لهفة حنين    ههههههههههههههههههههههههههههههه مره حلووووووووه

ان شاء الله هالضحكه اليوم ودوووم يارب
ونورتي موضوعي يالطيبه

هههههههههه ومشكووور اختي الراقية