العودة   منتدى مدينة تمير > الملتقى الادبي > بحرالحكايا
 

بحرالحكايا يهتم بالقصص و الروايات العربية و الاجنبية

 
 
أدوات الموضوع
قديم 19 / 04 / 2008, 05 : 01 PM   #1
تميراوي برونزي


الصورة الرمزية al-badr
al-badr غير متواجد حالياً

بيانات اضافيه [ + ]
 رقم العضوية : 4080
 تاريخ التسجيل :  16 / 12 / 2007
 العمر : 47
الوظيفة :
الهويات :
عدد الالبومات :
 أخر زيارة : 19 / 05 / 2014 (39 : 11 AM)
 المشاركات : 1,761 [ + ]
 التقييم :  1326544
افتراضي .:. قصه حب // مرحوم ياقلبٍ قضى ضامي الشوق .:.




:::قصه حب // مرحوم ياقلبٍ قضى ضامي الشوق :::


ذي قصه حب حقيقيه حصلت في المنطقه الجنوبيه في ربوع مملكتنا الحبيبه...

وهذا قصه حب مثيره وحزينه واثارت الكثير من المشاكل والجدل والاعجاب ...

بطل القصه .. ولد شباب جميل المظهر (وسيم جدا ) وشاعر وراعي وظيفه راقيه جدا ومرتبه مرموقه وراعي تجاره ايضا ... ومزوحي جدا لدرجه انه مشهور في قريته بالمزح مع كل شباب المنطقه ...

يعني الولد الف مليون بنت تتمناه ....
وكان يوجد في نفس القريه بنت جميله جدا ومشهوره في المنطقه ككل بجمالها واخلاقها ...
وقد تقدم لها الف خاطب ولكن ... ما ياخذ الزين الا الازين ...

وهنا سوف ارمز لبطل القصه باسم ( خالد)
والبنت سوف ارمز لها باسم ( حنان )
مع ملاحظه ان الاسماء غير حقيقيه ......

القصه ان (خالد) كان يحب (حنان) بنت جيرانهم من يوم كانو صغار ... وكان اهل (خالد) و(حنان) يعرفون الحب اللي بينهم من زمان وكانو ينتظرونهم حتى يكبرو ليتزوجون من بعضهم ... لدرجه ان بعض اقارب (حنان) لم يفكرو ولا خطر على بالهم انهم يروحو يوم من الايام يخطبو لـ ولدهم عند اهل (حنان)..
لانهم يعرفون انها محجوزه لـ(خالد)...

الزبده جاء اليوم الذي الكل ينتظر فيه اعلان الخطوبه للحبيبين (خالد وحنان)
وبالفعل تمت الخطوبه وقررو موعد الزواج في صيفيه ذاك العام ....

دارت الايام وقرب موعد الزواج ... وكان (خالد) يروح بعض الاحيان لزيارة خطيبته حنان والسلام عليها وعلى اهلها...

الزبده انه راح عندهم مره من المرات وكان يقصد انه يسلم عليهم فقط ويمشي لانه كان معزوم عند ناس من زملائه .. المهم وهو جالس مع حنان وامها قال لهم يالله بعد اذنكم انا بروح اتعشى عند زميلي (فهد)
ملاحظه \\ (( يوجد مشاكل بين عائله فهد وعائلة حنان ))

المهم قامت ام حنان وقالت لــ خالد والله ما تروح عندهم ولا تعتب بابهم..
قال خالد ياعمه ليش هذولي زملائي وعازميني على العشاء وانا ضيف عندهم وقد حسبو حسابي في العشاء وتجهزو ...

قالت ام حنان والله لو تروح اني لازعل عليك و و و ...!!؟
قال خالد يا عمه مالها داعي تدخلوني في مشاكلكم انا مالي دخل انا جاي من السفر وجيت سلمت عليكم وفهد زميلي عازمني ولازم اروح له والبي عزيمته ...
قالت ام حنان والله لو رحت عندهم ما عاد نعترف فيك ولا نعتبرك ولدنا و و و ...!

المهم كبرت المشكله وحاول خالد انه يتفادي الهوشه وزعل ام حنان عليه ... وفي الاخير قال خلاص ما نيب رايح ... قالها من باب انها بتنسى ولا راح تدري هو راح والا لا ...

المهم طلع من عندهم وراح عند زميله فهد وتعشى معه وسمرو سوى ...
واثارين ام حنان جاها خبر انه راح خالد عند فهد وضرب بكلامها عرض الحائط ...

المهم قام خالد يوم الخميس الظهر على اساس انه بيروح يتغدى عند اهل خطيبته حنان عشان هو اليوم الثاني بيسافر الى الدمام (مكان وظيفته )

ويوم راح عند اهل حنان وطق الجرس ... طلعت ام حنان وقالت له انقلع وروح من هنا ولا عاد تجي عندنا ...!! ليش تضرب بكلامي عرض الحائط وليش تروح عند اهل فهد وليش وليش ...!؟؟؟ المهم حاول خالد يحل الوضوع وراح سلم على راس عمته وحاول انه يرضيها ... وبرضو حنان جلست تصيح على امها وتقول لها مالك داعي خلاص اسكتي وو و و .. ... ولكن رأس الام قاسي ...

المهم خالد طفح كيله وغضب .. وكان خالد مشهور في الديره انه راعي علوم قبايل وراعي حنكه ( يعني ياخذ ويعطي مع شيبان الديره ويعرف علوم القبايل كلها ... يعني اذا جاء يتكلم في المجلس ..الكل ينصت ويستمع له حتى كبار الشيبان ... يعني اللي يسمع كلامه اذا جاء يتكلم في مجلس يقول هذا عقله وكلامه كلام واحد كبير )

المهم ان خالد ما قدر يتحمل ام حنان .. لانها تلفظت عليه وكانت قاسيه معاه جدا ...!!؟
راح خالد الى بيتهم وكان حزين جدا ومتأثر من اللي جالس يصير

وللمعلوميه خالد ابوه وامه متوفيين .. يعني ماعنده اهل في الديره وكان اذا طلع الديره عشان يزور خطيبته حنان كان يجلس لحاله في بيتهم القديم ..

المهم انه احتار وش يسوي وراح عند عمه الوحيد اللي هو اخو ابوه وكلمه عن السالفه وشرح له الوضع ... وتفاجأ ان عمه برضو عنده مشكله مع اهل حنان ... وقال له عمه انا ما اقدر اجي معك عندهم ....!!

يعني تقفلت السبل في وجه خالد ...!

المهم يوم جاء يوم الجمعه الصباح قال خالد خلني اروح عند اهل خطيبتي يمكن انهم رضيو وخلاص انتهت المشكله وعلى قولت المثل فورت ببسي وانتهت ... ولكن تفاجأ انه عمتة ام حنان لازالت متمسكه برأيها ....!!!

وقال لها خالد ياعمه ما يصير تخلوني اسافر اليوم وانا زعلان منكم خلاص انا اسف ووالله ماعاد اكررها ( ملاحظه ان خالد حنى راسه لام حنان اكثر من مره رغم انه يعتبر من افضل الشباب في المنطقه وفي الديره والكل يحترمه ويقدره ويضرب له الف حساب ورغم انه يعتبر الى حد الحين ما غلط في شي اذا جينا للحق ... ) المهم قامت ام حنان تقول اصلا حنا ما نبغاك ولا تفكر يوم انك شاعر وراعي تجاره ووظيفه حلوه انك تلعب بنا وتمشي كلامك علينا وقامت تغلط وتهاجمه .. لدرجه انها قامت تغلط على ابوه الميت وتذكره بحاجات صلحها ابوه من زمان وقامت تقول وتقول ... يعني على بلاطه طفح الكيل من جد ....

المهم ان خالد وصل لمرحله ما عاد يقدر يتحمل ... وانت تعرفون قهر الرجال .. كل شي يهون الا قهر الرجال ....

قام خالد وقال لام حنان بنتك حنان تحرم علي ما دام راسي يشم الهوى وتراها طالق بالثلاث ... واللي اوله كذا ينعاف تاليه ...!!!!!

ورجع لبيتهم وكان الوقت حول الساعه 10 الظهر من يوم الجمعه .. وكانت رحله خالد لمدينه الدمام الساعه 2 الظهر...

المهم ان خالد تأثر كثير وحس بندم للي سواه بس خلاص ما عاد ينفع الندم
وبلى وجاه وش تبونه يسوي ...

المهم راح خالد يصلي الجمعه ولا كان احد يدري بالسالفه حتى عم خالد ما كان يدري ....!

وبعد ما خلصت صلاة الجمعه قام خالد وقال للجماعه الله لا يهينكم اذا صليتو السنه ابغاكم في كلمة راس برى المسجد ... وكان المسجد فيه ساحه في بعض الاحيان يتجمعون فيها الجماعه اذا كان عندهم شور ..

ويوم طلعو الجماعه واجتمعو في الساحه والكل يقول وش السالفه ... قام خالد وقال يا جماعه صلو على النبي .... ويعطيهم السالفه من طقطق الى سلام عليكم ... وقال انا ما جيت ابيكم تصلحو بيننا ولا ابي منكم شي بس ابغى اوضح لكم وش سالفة الطلاق اللي حصلت ولا تفكروني طلقت حنان من عيب فيها والا شي بالعكس البنت ما فيها شي يعيبها ولا فيها نقص واذا كان فيه نقص والله اني اعتبره في انا ولا فيها .. وقال عشان اثبت لكم ان حنان مافيها عيب (( والله اللي رفع السماء بلا عمد انه يحرم علي الزواج من بعد حنان ))....!!!!!


المهم طلع من المسجد وتجمعو عليه كبار الجماعه وحاول يهدو الوضع بس خلاص ... بعد ما وقع الفاس في الراس .. المهم رجع بيتهم ولحقوه كبار شيبان الجماع الى بيته وحاولو ... ولكن خلااااااااااص.

المهم ان خالد لقط عفشه وشناطه وسافر الى المدينه اللي هو متوظف فيها

وجلست هذي السالفه لمده سنه كامله الكل يسولف فيها حتى من خارج المنطقه

والكل عتب على ام حنان لدرجه انه حصل مشاكل كثير مع اهل حنان ولا عاد احد راح خطب عندهم والكل كره ام حنان حتى اخوانها وابوها واغلب اقاربها ..

طبعا خالد لا زال الى اليوم غير متزوج رغم ان سنه كبر وصار عمره حول 36 سنه .. ولا عاد طلع الديره من بعد ذاك اليوم ... اما حنان فتزوجت واحد اللهم لا شماته بصراحه ما يستاهل فيها وصار عليها بنتين وولد .. ويقولو ان حنان يوم جاء الولد كانت تبغى تسميه بنفس اسم حبيبها الاول خالد بس من دون لا تقول انه باسم حبيبها الاول ... بس زوجها الظاهر اعنه عرف ورفض ذلك ..

اما خالد فـ الى الحين يحب حنان واذا سألناه عنها يدعيلها ويفرح لها اذا جالها مولود او شي ...



القصه حقيقيه ميه في الميه ..


(( مرحوم ياقلبٍ قضى ضامي الشوق عسى المطر يسقيك ويمل الارماق ))

منقول


 

قديم 19 / 04 / 2008, 14 : 05 PM   #2
تميراوي فضي


الصورة الرمزية قمر
قمر غير متواجد حالياً

بيانات اضافيه [ + ]
 رقم العضوية : 3529
 تاريخ التسجيل :  26 / 08 / 2007
الوظيفة :
الهويات :
عدد الالبومات :
 أخر زيارة : 29 / 11 / 2010 (11 : 04 PM)
 المشاركات : 3,990 [ + ]
 التقييم :  1322146
 MMS ~
MMS ~
افتراضي



(( مرحوم ياقلبٍ قضى ضامي الشوق عسى المطر يسقيك ويمل الارماق ))

رووووووووووووووووووعه القصة بكل مافيها

البدر .. البدر .. البدر ..


ابداع لا يتوقف


لك مني كل الشكر والتقدير :)


 
 توقيع : قمر

ثمَّة أٌمْنِيآتْ لآ تمُوتْ ، تَظَلُّ مُتشبثَّة بِ أطرَافُ أصابِعُنَا ..


قديم 19 / 04 / 2008, 10 : 06 PM   #3
تميراوي برونزي


الصورة الرمزية al-badr
al-badr غير متواجد حالياً

بيانات اضافيه [ + ]
 رقم العضوية : 4080
 تاريخ التسجيل :  16 / 12 / 2007
 العمر : 47
الوظيفة :
الهويات :
عدد الالبومات :
 أخر زيارة : 19 / 05 / 2014 (39 : 11 AM)
 المشاركات : 1,761 [ + ]
 التقييم :  1326544
افتراضي



اقتباس:
المشاركة الأصلية كتبت بواسطة قمر حساس
  
(( مرحوم ياقلبٍ قضى ضامي الشوق عسى المطر يسقيك ويمل الارماق ))
رووووووووووووووووووعه القصة بكل مافيها
البدر .. البدر .. البدر ..
ابداع لا يتوقف
لك مني كل الشكر والتقدير :)


مشكوره على مرورك


وتقبلي تحياتي


 

قديم 19 / 04 / 2008, 27 : 06 PM   #4
{.. مجرد عـــــــــابره


الصورة الرمزية شموخ أنثى .ღ.}
شموخ أنثى .ღ.} غير متواجد حالياً

بيانات اضافيه [ + ]
 رقم العضوية : 3238
 تاريخ التسجيل :  05 / 07 / 2007
الوظيفة :
الهويات :
عدد الالبومات :
 أخر زيارة : 06 / 01 / 2013 (31 : 03 PM)
 المشاركات : 19,139 [ + ]
 التقييم :  5866153
افتراضي



//
\\
*

يوووووووووهـ ليتني ماقريتها
رفعت ضغطى

حرام يفترقون ويروح الحب بسبب كلام لايودى ولايجيب

من جد قهر

وش ذنب حنان وخالد تسرعـ
ماذبحنا الا قهر الرجالـ
عارفين ان الحريمـ ناقصات عقل ودينـ
المفروض ماياخذ بكلامهاآ
ماقول غير


مرحوم ياقلبٍ قضى ضامي الشوق عسى المطر يسقيك ويمل الارماق



البدر ابداعـــ بالاختيار
ماننحرم منكـ

..,



 
 توقيع : شموخ أنثى .ღ.}

/
'
نقرتين لعرض الصورة في صفحة مستقلة


خلقت من صلبه و ظهره ..ومن يومها ورأسي فوق
اللهم اغفر لوالدي وإجعل قبره روضة من رياض الجنة
اللهم اغسله بالماء والثلج والبرد


قديم 13 / 11 / 2008, 33 : 01 PM   #5
تميراوي فعال


الصورة الرمزية (عاشق الخيل)
(عاشق الخيل) غير متواجد حالياً

بيانات اضافيه [ + ]
 رقم العضوية : 4769
 تاريخ التسجيل :  07 / 11 / 2008
الوظيفة :
الهويات :
عدد الالبومات :
 أخر زيارة : 30 / 03 / 2017 (32 : 02 PM)
 المشاركات : 415 [ + ]
 التقييم :  10
افتراضي



شـكــ وبارك الله فيك ـــرا لك ... لك مني أجمل تحية .


 

قديم 21 / 11 / 2008, 20 : 10 PM   #6
تميراوي فعال


الصورة الرمزية الطيري
الطيري غير متواجد حالياً

بيانات اضافيه [ + ]
 رقم العضوية : 4718
 تاريخ التسجيل :  03 / 11 / 2008
الوظيفة :
الهويات :
عدد الالبومات :
 أخر زيارة : 17 / 10 / 2014 (33 : 10 PM)
 المشاركات : 377 [ + ]
 التقييم :  57790913
افتراضي



قله يادليم هلا0000000000000000000000000


 
 توقيع : الطيري

ان مرت الايام فلم تروني فهذه مشاركاتي فتذكروني وان غبت فتره ولم تروني اكون وقتها بحاجه للدعاء


قديم 17 / 12 / 2008, 11 : 10 PM   #7
ضيف تمير


الصورة الرمزية التميمي 506
التميمي 506 غير متواجد حالياً

بيانات اضافيه [ + ]
 رقم العضوية : 5048
 تاريخ التسجيل :  16 / 12 / 2008
 العمر : 32
الوظيفة :
الهويات :
عدد الالبومات :
 أخر زيارة : 19 / 12 / 2008 (39 : 11 AM)
 المشاركات : 16 [ + ]
 التقييم :  10
Clapping535



مشكووووووووووووووووور على القصه ياخوي


 

قديم 26 / 12 / 2008, 31 : 06 PM   #8
ضيف تمير


الصورة الرمزية الراقي 506
الراقي 506 غير متواجد حالياً

بيانات اضافيه [ + ]
 رقم العضوية : 5125
 تاريخ التسجيل :  26 / 12 / 2008
 العمر : 36
الوظيفة :
الهويات :
عدد الالبومات :
 أخر زيارة : 26 / 12 / 2008 (56 : 06 PM)
 المشاركات : 3 [ + ]
 التقييم :  10
افتراضي



شـكــ وبارك الله فيك ـــرا لك ... لك مني أجمل تحية .


 

قديم 03 / 01 / 2009, 23 : 02 PM   #9
تميراوي


الصورة الرمزية بـ نـ در
بـ نـ در غير متواجد حالياً

بيانات اضافيه [ + ]
 رقم العضوية : 5169
 تاريخ التسجيل :  03 / 01 / 2009
الوظيفة :
الهويات :
عدد الالبومات :
 أخر زيارة : 07 / 01 / 2010 (19 : 02 PM)
 المشاركات : 51 [ + ]
 التقييم :  10
افتراضي



شـكــ وبارك الله فيك ـــرا لك ... لك مني أجمل تحية .


 

قديم 22 / 08 / 2009, 51 : 02 AM   #10
ضيف تمير


الصورة الرمزية تفحتين
تفحتين غير متواجد حالياً

بيانات اضافيه [ + ]
 رقم العضوية : 6279
 تاريخ التسجيل :  28 / 06 / 2009
الوظيفة :
الهويات :
عدد الالبومات :
 أخر زيارة : 27 / 12 / 2009 (10 : 01 AM)
 المشاركات : 2 [ + ]
 التقييم :  10
افتراضي رد: .:. قصه حب // مرحوم ياقلبٍ قضى ضامي الشوق .:.



الله يعطيك العافيه ياليت تجيب مثل هذي القصص مشكككككككككككككككور


 

 

مواقع النشر (المفضلة)

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 27 : 06 PM.


تصميم وتطوير سفن ستارز لخدمات الاستضافة والتصميم