والجفـا يـاهـل القـلـوب الهـواويـه/// حطـم احــلام المحبـيـن وانهـاهـا

عبور نحو الجمال ....
قوة في التراكيب....
عذوبه في المفردة....
مع شاعر (( الالفيه))
رحلة جميله مع الشعر ... ومع الشاعر // مدغم ابو شيبه


ياوجـود الـلـي عيـونـه شقـاويّـه
مـرّهـا حـلـو المـنـام وتـعـداهـا

كـن بيـن جفونـهـا جـمـرةٍ حـيّـه
مايطفيـهـا سـهـرهـا ولا مـاهــا

بيّتـه ليـل الشـتـا فـابـو حـدريّـه
واحتـداه و حـد نفسـه علـى أقصاهـا

مشكلـة بعـض الـصـدور الجنوبـيّـه
لـو تجيهـا دمعـة الطـيـر تمـلاهـا

العـوامـل والـضـروف الطبيـعـيّـه
غيّـرت مـجـرا زمنـهـا ومجـراهـا

والجفـا يـاهـل القـلـوب الهـواويـه
حطـم احــلام المحبـيـن وانهـاهـا

ياوجـود اللـي عـشـق لــه (....!!)
فـي صـلات الرحـم ماهـوب ويـاهـا

مـن تحبّـه لـو تحبّـه علـى النـيّـه
برّكـت بأقصـى ضلـوعـه مطايـاهـا

ذوقتـنـي هجـرهـا ثـانـي ضحـيّـه
و اصطلـت روحـي علـى حـر فرقاهـا

طيّـرت مـن غصـن الاشـواق قمريّـه
ورهنتـنـي فــي هـواهـا ولامـاهـا

حايـلٍ مـن دونهـا حــول وشـويّـه
مـيـر مالله حـايــلٍ دون ذكـراهــا

كـل حاجـه باقـيـه مـثـل ماهـيّـه
ماسـرا معهـا عـلـى درب مسـراهـا

كـود عضـوٍ (فـي جهتـيّ الشماليّـه)
فـاع مـن عـوج الحنايـا وخـاواهـا

ودمـعـةٍ نطّحتـهـا راحــة ايـديّـه
( افففف ) ياماحرّها و ( احححح ) مقساها

حوّلتـهـا يــوم قـالـت وداعـيّــه
و استباحـت سترهـا فـوق ماطـاهـا

حيلـتـي لاهـبـت الـنـود عصـريّـه
قمـت مـع كـل الجـهـات آتحـراهـا

وأمسـت الفرحـه يتيـمـه ومنسـيّـه
فـي عيـون حرقـة الوجـد تصـلاهـا

عـن خدينـات التـرف نفسـي امعيّـه
لـو تجينـي مثلهـا كنـهـا ايـاهـا !!

دكّـت ضـيـوف المعـازيـب رجلـيّـه
مابقـى الاّ ضيـفـةٍ فــوق مركـاهـا

سيـرةٍ مـن وحـي عاميـن هجـريّـه
ودّي أنـسـاهـا ولا ودّي أنـسـاهــا

المـعـالـم والـرســوم الطـلالـيّـه
مايحـفـظ أمـجـادهـا الا بقـايـاهـا

ذكـريـاتٍ تعـبـر العـمـر طـرقـيّـه
وذكريـاتٍ فــي وطنـهـا ومربـاهـا

وصـورةٍ فـي متحـف البـال مطويّـه
كــل يــوم آفـلّـهـا وآتهـجـاهـا

مـن لهـا قــدر أوّلـويّـه وأهمـيّـه
ماشعـرت بغـربـة الــروح لـولاهـا

والـذي نفسـي بـيـده إنّـهـا لـيّـه
أقـرب مـن كفوفهـا عـنـد حنـاهـا

لـو جفتـنـي والعـيـون الشقـاويّـه
مـرّهـا حـلـو المـنـام وتـعـداهـا
..,

والجفـا يـاهـل القـلـوب الهـواويـه
حطـم احــلام المحبـيـن وانهـاهـا

ياوجـود اللـي عـشـق لــه (....!!)
فـي صـلات الرحـم ماهـوب ويـاهـا

لله درك يامدغم

قصيده جميله جدا وأعجبني طاروقها ..

شاعر من الدرجه الاولى ويطوع المفردات بشكل جميل ..

هذا كيف يطلع من شاعر المليون ؟؟

صح لسانك يا مدغم

ولاهنتي ياشموخ تميزتي في الاختيار كما أردتي ...

//
\\
*
شاعري

الجمال اكتمل بحضوركـ العذب
ماننحرمـ منهـ


لك شكريـ وتقديريـ

ودمت بسعادهـ
/
\
شموخ
..,

حيلـتـي لاهـبـت الـنـود عصـريّـه

قمـت مـع كـل الجـهـات آتحـراهـا

وأمسـت الفرحـه يتيـمـه ومنسـيّـه
فـي عيـون حرقـة الوجـد تصـلاهـا





اختي شموخ انثى
لاهنتي على هالقصيده
ابداع وشاعرية

سلمتي ودمتي بخير وسلامه


تقبلي مروري وتحياتي

//
\\
*
الابداعـ حضوركــــ
وتواصلكـ
لاتحرمنى هالتواجد
لاهنت
..,

شمــــــــــــــــوخـ انـــثـــــى

قصيده في قمة الروعهـ

سلم لنا ذوقك الرفيعـ

تسلم هـ الايادي على طرحك الرائع

ولا عدمنا جديدك

تقبليـ مروريـ

//
\\
*
ياهلا وغلا



يكتمل الابداع بـ حضوركـ



ماننحرم هـ الطله الحلووه
..,