في ظل العولمه والانفتاحيه .. .. قياده المرأه !!

السلام عليكم ورحمه الله وبركاته

تكاثرت هالايام الاصوات الي تطالب بسواقه المراه للسياره ..

الاغلبيه تقف ضد ..

والاقليه يقفون مع ..

الي مع الضد يقولون انتم يالي تبون المراه تسوق علمانين ..

والي مع سواقه المراه يقولون هذا المنطق والتطور ومن هالكلام ..

بس ما نبي ننسى ..

العادات والتقاليد الي تعيش فيها بلادنا الرشيده .. !!

والامور الشرعيه طبعن ف مثل هيك امور .. !!

ماودي اطول عليكم

فكره الموضوع واضحه على حسب اعتقادي ..

لكن ..!!

ابي من اي عضو او عضوه .. يرد ويحب يطرح وجهه نظره تكون

فكره طرحه واقعيه وتحل للمشكله من وجهه نظره

وحبذا لو عطاها حبتين فلسفه من عنده عشان تبين للطرف الاخر وجهه نظره بالكامل

.
.

والسلام ختام ..

قيادة المرأة سياتي يوم و تكون حقيقة ؛

لكن لنعرف القرار السليم لابد ان يكون التقويم من جميع الجوانب ؛

البعض يقول ( لا يوجد مايحرمها في الدين ) ؛ و هذا كحكم شرعي فعلا غير موجود ؛؛

لكن

التدخين محرم شرعا ؛ وليست العله في اشعال السيجارة ثم ( تدخينها ) بل في اثارها الاخرى ( الصحيه و الاجتماعيه )

اذن يجب ان ننظر لقيادة المراة من الجوانب الاخرى

فلو نظرنا الى الجانب الاجتماعي فستكون المشكله كبيرة فهل كل ولي امر قادر على ضبط سلوك ابنته و هي خلف عجلة القيادة ؟! ( يارجال نصفهم ماضبط عياله و هم يسوقون و بعضهم مايفحط لين يشوف ابوه )

ايضا فيه عامل اخر ؛ مهم جدا ؛؛؛ خصوصا في المدن الكبيرة و هي الزحمه اللي صار اهالي الرياض مثلا يطلبون النقل خارج مدينتهم بسبب ( الشيب اللي طلع من روسهم من الحوادث و الزحمات )

ايضا راح تكثر الطلعات ( سيارات ورديه و زخارف ماكانت على البال ) و المستفيد اهل محلات الزينه ( لا يستانسون لان كل المحلات تبي تغير نشاطها الى محلات زينه )

كل هذا ونحن لم نتطرق للمفاسد الاخلاقيه التي يمكن ان تحدث ؛ فقد يزيد الاغتصاب و الخطف خصوصا في تواجد ما يسمى ( حقوق الانسان ) و التي تضيع معها الحقوق و الضوابط الشرعيه

ايضا ستساهم في التفكك الاسري من حيث ان راعي البيت ( اب او ابن او اخ ) قد لا يتواجد كثيرا بحكم ان حوائج البيت مقضيه بتوفر من يتولى ذلك ( و لعلمكم سيزيد الغلاء كثيرا خصوصا في الخباز )

و من ايجابياتها ( التخلص من المدعو السواق ) و هو الكثير جدا في العاصمة الرياض لكنه ( مشكله المشاكل ) فاحضار رجل غريب للبيت هو امر ليس بالسهل و لكن ( تساهل فيه الكثيرين )

ايضا من فوائد قيادة المراة انجازها لكثير من الامور و التي تستلزم قيادتها كحالات المرض و التي تتطلب سرعه عاليه في نقل المريض او عدم وجود من ينقله في نفس المكان

ايضا في حال حدوث اي مشكله لقائد المركبه اثناء الطريق او في البر مثلا

لذلك اعتقد ان قيادة المرأة لا يجب ان يسمح فمفاسدها اكثر من فوائدها ؛ لكن للحصول على اكثر قدر من الفائدة الممكنه فاني اعتقد انه يجب ان تتعلم المراة القيادة لتواجه الضروف عند الحاجة ( لكن لا يجب ان يسمح لها كنظام بذلك )

اختي حلا تمير

طرح جميل و رائع و اعجبتني العبارة الاخيرة ( الحل من وجهة النظر الواقعية و ذكر الاسباب ) لكي لا نكون ( مع مع - ضد ضد )

ننتظر منك المزيد دائما

تحياتي

//
\\
*

الله يستر والله
وان شاء الله مايجى هذا اليومـ

بصراحهـ

انا ضد قيادهـ المرأة للسيارهـ

لان اضرارها اكثر من منافعها بكثير جدآآآ

لو ساقتـ المرأة وربي العظيم
نقول على الدنيا السلام
يكفى الانـ اللي نشوفهـ من الفساد والتحرش والى اخرهـ

كيف عاد لو ساقوآآآ




لكنـ اوافقـ أخي توأم الجود بهذا الرأي

يجب ان تتعلم المراة القيادة لتواجه الضروف عند الحاجة ( لكن لا يجب ان يسمح لها كنظام بذلك )


حلا تمير
يعطيكـ الف عافيهـ
احترامي لكـ
لاهنتيـ


/
\
..,

مشكله شعبنا انه بدا ينفلت اكثر و اكثر بالسنوات الاخيرهـ و لا قدر يضبط نفسه

لا ابو يهاوش ابنه على كل خطيئه و لا ام تعاتب بنتها على كل رذيله !

( طبعان الاغلبيه ، مو الكل

مايحتاج الصوره تتكلم



يعطيك العافيه يا حلا تمير طرح جيد وجميل

مشكورين يأخواني وأخواتي على التفاعل مع الموضوع
جزاكم الله خير

والله ان البنـت والله لـو تـسوق بـفـنـه ............ ان تصـيـر بمملكـتـنـا ثـــورة الشـبـاني

وان تشـن الحـرب شنه مـا وراها شـنه ............ وان يصـير الـزيت واللي يطلبـن مجانـي

لا تقيـس الــدار هــاذي مع ربوع فيـنا ............ ولا تـقـارن هالشـبـاب بـواحـد لبـنـانـي

أبـــك ذولا مـجـرمـيـن وعـالم مـنـجـنه ............ عشقهـم لحـم الجمـال وطبخـة الضبانـي

الهـلالي مـثل شكلي لـو يـجـن ينخـنه ............ فـي عـطـال القـيـر والا قفـلـة البيبـانـي

في طـريـق مظـلـم مــا للمـوبـايـل رنه ............ مقـطـعـه مـا فيـه حولـه مرمـرة سكـاني

وش يسوي يا جماعـه ؟!. الله اعلم انه ............ يفـتـح المصحـف ويقرا سورة الرحمانـي!

مشكووووووووووووووووووووووووور ياتميراوي الرياض

حياك اختي حلا تمير معنا

وسعيدين بمواضيعك معنا ^_^

اعتقد ان موضوعك هذا يهتم بمعرفة وجهات النظر لا اقل ولا اكثر لان مهما ابدينا رأينا فهو غير مهم ولن يغير شيء

لدي سؤال اطرحه ع الاعضاء

مالفرق بين قيادة المرأة للسيارة بنفسها او ركوبها مع سائق تحت كفالتها؟؟؟

الله يعطيك ألف عافية

مشكووووووووووووووووووووووووور ياتميراوي الرياض