حسبي عليكم من عيال عاقين ؟؟

قصيدة الشايب اللي تركوه عياله

هذه قصة مؤثرة لأحد كبار السن

تعب على تربية ابنائه ورباهم

ولما كبروا واصحبوا رجالا

تركوه ولم يلتفتوا له ولم يراعوا حاجاته وقت كبر سنه وضعفه

فقال هذه القصيدة يعتب عليهم على قبيح فعلهم

ودعا عليهم في آخر القصيدة بألا تحمل نساؤهم وأن ينقطع ذكرهم

ويقال ان دعوته قد استجيبت وانقطع نسلهم وذكرهم

وإليكم القصيدة

قال الذي يقرا بليا مكاتيب ==== ياللي تقرون العمى من عناكم

يا عيالي اللي تشرفون المراقيب ==== تريضوا لي واقصروا من خطاكم

خوذوا كلام الصدق ما به تكاذيب ==== مثل السند مضموم للي وراكم

ياعيال لا صرتوا ضيوف ومعازيب ==== ترى الكلام الزين ملحة قراكم

وتروا السبابه من كبار العذاريب ==== وهرج البلايس ما يطول لحاكم

المذهب الطيب فهو مذهب الطيب ==== والمذهب الخايب يبور نساكم

يا عيال ما سرحتكم باللواهيب ==== يا عيال ما عمر المعزب ولاكم

يا ما توليت القبايل تقل ذيب ==== من خوف لا ينقص عليكم عشاكم

وياماشـريت السمن من عـرض ماجـيب ==== يفز قلبي يوم يبكي حداكـم

ياما قطعت من الفيافي العباعيب ==== ندور من صيد البراري غذاكم

يا عيال دوكم لحيتي كلها شيب ==== هذا زمان قعودنا في ذراكم

قمت اتوكا فوق عوج المصاليب ==== قصرت خطانا يوم طالت خطاكم

عطوني القرضة عليكم مطاليب ==== عطوني القرضة جزى من جزاكم

لابد يومٍ عاويٍ دوني الذيب ==== بالقبر ما افرق طيبكم من رداكم

ما ني بفاضحكم بوسط الاجانيب ==== باعمالكم يدرون كل اقرباكم

لو كان تدرون الردى والمعاييب ==== صرتوا مع المخلوق مثل خوياكم

خوالكم بالطيب تروي المغاليب ==== ولو تتبعون الجد محدٍ شناكم

وش علمكم يا تاركين المواجيب ==== حسبي عليكم هالردى وين جاكم

يالله عسى اعماركم شمسها تغيب ==== يعتم قمركم ثم تظلم سماكم

يا علكم في حاميات اللواهيب ==== ياللي على الوالد خبيث ٍ لغاكم

شفت الجفا والحيف والغلب والريب ==== بضلوعكم لا بيض الله قراكم

اطلب عسى نساكم ما تحمل ولا تجيب ==== ولا احد ٍ من الوغدان يمشي وراكم

اخسـوا خسيـتوا يا كبار اللغابيب ==== اهبوا هبيتوا يقطع الله نماكم

منقووووووووووول

//
\\
*

لاحول ولاقوة الا بالله

تسلمين ياقوتـ


لاخلا ولاعدم

..,

قـــــــوت القلــــوب
سلمتي
والشعر رساله
وان شاء الله تصل الرساله لجميع المجتمعات
احساس غيور
لاهنت


تقبلي مرور وتحيات اخوك
فـــــــــ تميم ــــــــارس

لاحول ولا قوة إلا بالله

ما سووا فيه يسوى بهم

وربك يمهل ولا يهمل ..

شكرا يا قوت القلوب ..