•••|| طوط طوووطـ .... وانقطع الخط ||•••

•
•
•
طوط طوط طوط .. وأنقطع الخط
طيب وكريم ،، بار بوالديه (( طالع بوسه ع الراس وداخل بوسه ع الراس ))
يصوم رمضان .. كلن يمدح فيه ،،، بس مايصلي
طوط طوط طوط .. وأنقطع الخط
•
•
•
يحبها وتحبه ،، قال لها أحبك قالت له وانا بعد يا عمري
قال لها ماابغي غيرك .. قالت له وانا بعد يا نظر عيني
سهروا الليل .. وخلصوا كلام الحب ،،آخرتها تزوج غيرها
طوط طوط طوط .. وأنقطع الخط
•
•
•
أم حنونه ،، استحملت ولدها/بنتها لمدة تسع أشهر بس
وبعد التسع أشهر ،،، الله يخلي ميري !!
طوط طوط طوط .. وأنقطع الخط
•
•
•
عاشق سفر ،، بالصيف مايخلي محل الا وترك فيه (( تكرمون )) خبطت رجوله
يبتدي المشوار من فرنسا ، امريكا ، لندن ، المانيا ، ايطاليا .. الخ
ويكمل المشوار في بنغلادش ،،عشان يحلل القرض الي خذه عدل !!
طوط طوط طوط .. وأنقطع الخط
•
•
•
حريم بمجلس ،، وي مادريتي أم فلان تزوج عليها رجلها !!
وي مادريتي فلانه متهاوشه مع فلانه !! وي مادريتي فلان طلق فلانه !!
وي مادريتي .. الخ ،،، ولما يسألونها عن نفسها تقول السموحه
انا بروح بو العيال ينتظرني فالبيت ؟
طوط طوط طوط .. وأنقطع الخط
•
•
•
أم ضحت ،، طلقها رجلها وهي بعز شبابها !!
رفضت كل الخاطبين من بعده حتى تكرس جهدها و حياتها لأبنائها !!
ضحت .. ربت .. تعبت ،، وآخرتها ماكان جزاها الا النكران منهم !!
طوط طوط طوط .. وأنقطع الخط
•
•
•
عاشق ترقيم ،، شاف بنت لحقها ورقمها !!
رجع بعد كم يوم شاف بنت احلى و رجع رقم !!
وبعد ثانيه رجع شاف بنت مو حلوه بس صار بخاطره يرقمها ..
مره من المرات واحد من الشباب رقم اخته ،،،
فما كان منه الا ان ( يدبغه ) دبغةٍ سنعه وهو يقول
ماتستحي يا (*******) و يا (*******)
ويا (*******) ويا (*******)
ويا (*******) ترقم !!!!!!!
طوط طوط طوط ..وأنقطع الخط
•
•
•
كثيره هي الخطوط المقطوعه ،،،
ولكن برايكم ماهي اسباب قطع تلك الخطوط ..
تعتقدون ان الارسال ضعيف !!..

الطيبه والحب والرحمه والبر والحنان خطوط مقطوعه

والأسباب غير معروفه


يعطيك العافيه ياشموخ على هذا الطرح المتميز

دمتي ودام عطائك

أختي الغالية

شـــــمــوخ انثى

طوط طوط طوط أسف كان عندي كلام كثير بغى أقوله لكن أنقطع الخط.........
أختاه وفقنا الله وإياكِ لما يحب ويرضى ولما فيه الخير والصلاح على هذا الجهد والعطاء المتواصل

كما أسأل الله أن يجزاكِ عنا خير الجزاااااء




..........

شر البلية مايضحك.......
ابدعتي اختي الغالية
اشكرك الف شكر على هذي الوقفات الواقعية
والمؤلمة والمضحة في نفس الوقت
هذا هو الواقع للأسف بس بصراحة مادري ليه كذا
ممكن الأرسال ضعيف

لا اعتقد ان الارساال موب ضعيف

لكن هناك ضعف في الايمان

ضعف في الاماانه

ضعف في المسؤوليه

عدم ادراك الانساان الى معنى الانساانيه

شمووخ

موضووع حسااس يستحق الوقووف والتدبر فيه

يعطيك العافيه اختي ، موضوع قمه

اقتباس: المشاركة الأصلية كتبت بواسطة قوت القلوب    الطيبه والحب والرحمه والبر والحنان خطوط مقطوعه والأسباب غير معروفه يعطيك العافيه ياشموخ على هذا الطرح المتميز دمتي ودام عطائك

//
\\
*
الله يعافيكـ

وشاكرهـ لك تواجدك الجميلــ
لاحرمني الله منكـ
..,

اقتباس: المشاركة الأصلية كتبت بواسطة مرعب النفوس    أختي الغالية شـــــمــوخ انثى طوط طوط طوط أسف كان عندي كلام كثير بغى أقوله لكن أنقطع الخط......... أختاه وفقنا الله وإياكِ لما يحب ويرضى ولما فيه الخير والصلاح على هذا الجهد والعطاء المتواصل كما أسأل الله أن يجزاكِ عنا خير الجزاااااء ..........

//
\\
*
الله يعافيكـ

وشاكرهـ لك تواجدك الجميلــ

لاهنت
..,

اقتباس: المشاركة الأصلية كتبت بواسطة تميراوي الرياض    شر البلية مايضحك....... ابدعتي اختي الغالية اشكرك الف شكر على هذي الوقفات الواقعية والمؤلمة والمضحة في نفس الوقت هذا هو الواقع للأسف بس بصراحة مادري ليه كذا ممكن الأرسال ضعيف

//
\\
*
الله يعافيكـ

ولكـ
كلــ الشكر على المرور الجميلــ الذي نور صفحتيـ

لاهنت


..,

اقتباس: المشاركة الأصلية كتبت بواسطة المستشــــار    لا اعتقد ان الارساال موب ضعيف لكن هناك ضعف في الايمان ضعف في الاماانه ضعف في المسؤوليه عدم ادراك الانساان الى معنى الانساانيه شمووخ موضووع حسااس يستحق الوقووف والتدبر فيه يعطيك العافيه اختي ، موضوع قمه

//
\\
*
الله يعافيكـ

وأعجبتيني كثيراً الاضافه الجميلهـ

لك كل الشكر على المرور
نورت متصفحيـ
لاهنت

..,