بداخلي صوت يقول لمشهد التجريح كافي .... يومه يقول لخفوقي ليه حبيت وهويت ؟ !

للزمان اللي تعود يبخل وماهوب وافي

للأماني اللي عرفتني من كثر ماني بغيت

للهموم اللي ارهقتني في مجيي وانصرافي

للعذاب اللي بلاني كلما نمت وصحيت

للجروح اللي غزتني وبيحت ماكان خافي

للظنون اللي لعبت بي كل مارحت ولفيت

للغموض اللي اكتنفني والذهن ماهوب صافي

للطريق اللي وطيت اشواك دربه ماشكيت

لاغترابي اللي خذاني لابعد حدود المنافي

للسراب اللي اشوفه واطرده لين ابتليت


جيتك

وحسيت ان الأمْر خالطه اختلافي


جيتك


وياليتني ردتني خطاي وبقيت


لهفتي ماتت ومات بموتها صوت ارتجافي


والخفوق الله يكافي لابكى جرحي بكيت


بعد حب سنين شلته كله اسرار وخوافي

بعدما اعطيتك عيونٍ مالحد غيرك عطيت

آهـ .. ماأقساه واقسى احساسي اللي كان دافي

ومااقسى وقتي اللي قد حرم عيني المبيت

كم // وكم كنت اتمنى ترجع اوجاعي عوافي

بعدما ضاق الزمان وغاربي جرحي المميت

الهدب باسباب همي شاخصن(ن) ماهوب غافي

والطريق اللي غفرلي ماغفر يومي خطيت

خايفة مستقبلي المجهول لو يصبح عجافي

وخايفة لوقيل بكرة منك يابنت (اكتفيت)

خايفة جرح العيوف وخايفة هم يشافي

وخايفة من شي يحصل في غيابي مادريت

كنت احس البرد سيف والقدم دامي وحافي

جد انا اللي ارخصت نفسي يومي بجرحي رضيت

بداخلي صوت يقول لمشهد التجريح كافي

يومه يقول لخفوقي ليه حبيت وهويت ؟ !

كان ودي انك تثمن رحلة الشوق وتكافي

وكان ودي انك تحس بخافق عيا يبيت

مابقالي غير جرحٍ موحش وليل و قوافي

راحت سنيني حسايف مانفعني قول (ليت)





دمتم بخير

تسسسسسسلمين على قصيدة نوض سدير

الله يعاااافيك

قصيده راااائعه وصوت جميل

المستشار


يعطيك ربي العافيه على هالمرور والتواصل العذب



الله لا يحرمنا من مرورك وتواصلك


احترامي لك يالطيب

يــسسسسسسسسسسسسسسسسسسسسسسسسسسسسسســلــمــو

يسلم عمركـ اخوي عاشق

وشكرا لتواصلك

احترامي

يعطيك ربي العافيه قصيده رئعه....

قصيده رائعه ..
مشكوره يالغلا ويعطيك الف عافيه ..

لهفة حنين

مشكوره عزيزتي على حضورك وتواصلكـ الطيب

دمتِ بخير وعافيه

ريم الغلااااا

الروعه اكتملت بمروركـ يالغاليه

وعساني مانحرم من تواصلك وحضورك الطاهر

احترامي لكـ

لله درك على جمال هذا الأختيار
وعسانا ماننحرم من جديدك
احترامي لكي يالغاليه