اقـــســى قـصــيــــــدة حـــــــــــــب

لاجيت ابنسى واتراجع واسامحك = صاحن جروحي واشتكن لي طعونك
كلك خيانه قول وشلون ابمنحك = وش موقفك من شخص دايم يخونك
اكبر خطا لو جيت يمك اصالحك =اوّل تحوّل لاتغرّك إلحونك
اللي تقوله صح لو كنت جارحك =(مير) انت غارق للاسف في ظنونك
وصفك نسيته بس باقي ملامحك = بنهيك وانهي بالنهاية جنونك
ماتستحق (امد) كفي واصافحك =مثلك غلط عمري وابحيا بدونك
لعبت دورك شاهدات(ن) مسارحك =خدعتني واظهرت خافي فنونك
كنت اعتقد قلبي هو ابرز مطامحك = اللي يبيع الناس لجله يصونك
تعبت اسوق الشوق يمك واصارحك = اخلصت لك بالحب شوفت عيونك
لكن خسارة صرت غاية مصالحك = ياليتني ماجيت لحظة بكونك
بالامس كنت بنشوت الحب امازحك = اخيل برقك واتحرى امزونك
واليوم من صفحة حياتي ابمسحك = هديت صرحك ثم طاحت اركونك
ولابي عيوني لو تصورت تلمحك =اعلنت موتك وانسجن لي كفونك
وان جيت تطلب ترتجيني اسامحك = بهديك طعنة من بقايا طعونك

قصيدة رائعة

قرأتها كثيرا وأطربتني

اشكر أكثر

ونتحرى منك الجديد

الله يالبحر الهادئ

فعلاً مبدع قصيد

وهالبيت لحاله

اقتباس: المشاركة الأصلية كتبت بواسطة البحر الهادئ    ماتستحق (امد) كفي واصافحك =مثلك غلط عمري وابحيا بدونك

أجزم أنه يساوي قصيدة مايجيبها إلا موجك العالي

مشكوووووووووووووووور بلايين

وتقبل تحياتي

صــــح لســـانك

قصيده في قمة الروعه

مهما اقول لن اوفيها حقها

الف الف شكر لك يالغالي

ولاتحرمنا من هالابداع