قصيدة اخ باخته روعة بصراحه

السلام عليكم ورحمة الله وبركاته


هذا واحد كان يحب اخته وعلاقتهم قويه مع بعض

متعود على ضحكتها وفرفشتها وخفة دمها

بعد ماتزوجت اخته وراحت مع زوجها

اخوها سافر واتصل عليها بعد فترة

ولاحظ اخته ماتضحك كأنها حزينة وصوتها مو طبيعي

وكل ما يسألها وش فيك تقوله مافي شي

عرف ان زوج اخته يهين اخته

ويسيئ معاملتها فكتب هذي القصيدة :



لاتنثرين الدمـع قولـي لـي وش فيـك
تخالطت عبرات صوتـك وانـا اسمـع

تقطع خطوط الجو والصـوت مغريـك
ودمعك غدى نيـران بالجـوف واقشـع

ووقف شعر راسـي ودكـن دواكيـك
وضرب اخماس اسداس بالشك واجمـع

ويبسن عروق القلب وصـارن مهاليـك
مغيـر اغـص بخافـي الريـق وابلـع

وشلـون مابـه شـي يرحـم اهاليـك
تدريـن بغيـر الصـدق لايمكـن اقنـع

انا عهـدت الضحـك يعشـق اشافيـك
وعيـون ماخلقـت علـشـان تـدمـع

سلامـة الـي كـل ابوهـم عزاويـك
وليـا انتخـوا بالحيـز نيـران واشنـع

وليا وضح صوتـك باذانـي عزاويـك
(حيزا حيزا !)ساعـة الصفـر ترجـع

تكفـخ حرار(ن)ماسبقـوهـا ممالـيـك
وترسي جبال(ن)مانـوت يـوم تخضـع

وتـارد فهود(ن)ماتهـاب الشرابـيـك
وتهـوي نجوم(ن)لارمـت جـال تفنـع

من اقصى الجزيرة اعصار توحي اذانيك
مـن هيبتـه يرتـج حفـره ويـركـع

ومن اقصى الحساء بركان تونس اياديك
مـن هيبتـه صميـدع القلـب يـربـع

لا والله الا اجيك وشلـون مـا اجيـك
شفني عليه اقرب من الموت واسـرع

اللي ازعلك يمكـن نسـى انـي اخيـك
ولا تخيـل لاتغربـت مــا ارجــع

لاتنثريـن الدمـع حـيَّـن محاكـيـك
والله تخضع اشناب مـن شـان مدمـع

تكفـخ حرار(ن)ماسبقـوهـا ممالـيـك
وترسي جبال(ن)مانـوت يـوم تخضـع


قصيدهـ جميله يا قناص

تذوقت فأحسنت النقـــل يا الغـــالـــي

دمت بخيــــــر

//
\\
*


لا والله الا اجيك وشلـون مـا اجيـك
شفني عليه اقرب من الموت واسـرع

اللي ازعلك يمكـن نسـى انـي اخيـك
ولا تخيـل لاتغربـت مــا ارجــع

الله الله

قصصيدهـــــــــــــــــ رائعهـ
ماعدمناكـ ياربـ



شموخ
..,

ذيب النشاما

الف شكر علي المرور

تحياتي وتقديري

سلامـة الـي كـل ابوهـم عزاويـك
وليـا انتخـوا بالحيـز نيـران واشنـع

وليا وضح صوتـك باذانـي عزاويـك
(حيزا حيزا !)ساعـة الصفـر ترجـع


/

روووووووووعـــه بروعة حضورك يالقرم

دمت ودام جمال احساسك وذوقك

احترامي وتقديري

لاتنثرين الدمـع قولـي لـي وش فيـك
تخالطت عبرات صوتـك وانـا اسمـع

تقطع خطوط الجو والصـوت مغريـك
ودمعك غدى نيـران بالجـوف واقشـع

قصيده رائعه
مشكورأخوي قناص

الله عليك اخوي قنـــاص قصيدة رائعه واختيار موفق بانتظار جديد

يعطيك الف عافيه ياليت كل اخ يحس في اخته مثله كان الدنيا بسلام ويارب يحفظهم لبعض طول العمرررررررررررر

شموخ انثي

سحايب صيف

قوت القلوب

الف شكر علي مروركم الجميل

الذي عطر متصفحي

تحياتي

قناص

حياك والقلب وياك

فعلاً القصيده فى قمه الروعه والجمال

أطال الله فى عمرك ياقناص

دمت لنا بالف خير وعافيه

ابو العنود