التاكسي (سيارهـ الاجرهـ)

//
\\
*
السلام عليكم ورحمة الله وبركاته

بالبدائهـ انا كتبت هذا الموضوع لان صار لي هالموقف

وقلت بطرح لكم الموضوع واسمع اراءكم فيهـ
.

ادخل بالموضوع على طول

كل يوم لازم نشوف سياره تسمى التاكسي حتى لو كان عندك سياره او تنتظر احد

لازم يوقف قدامك حتى لو ماشرت له طبعا مانلومهم كلن يسعى ورا رزقه واللي ابي

اتطرق له هنا سائق التاكسي وليست السياره هل انت من اللذين لا يمانعون بركوب

سيارة التاكسي والسائق سعودي؟؟؟

الكثير منا يتهرب من السائق السعودي لماذاا؟؟؟

هل لانه من نفسه الجنسيه؟؟

او لعدم ثقتنا بالسائق السعودي؟؟

او انك تستحي من السائق السعودي؟؟

او مانبي له الخير ويكون الاجنبي اولى بفلوسنا؟؟

انا بذكر موقف صار لي

كنا نبي نطلع بسيارة تاكسي يوم وقفت سيارتين الاولى كان سواقها سعودي

والثاني كان سواقها باكستاني

من غير مبررات رفضت الركوب مع السعودي وكأنه عار اني اركب معه او انه حيا

بصراحه مدري ليه رفضت بس مع اصرار اختي وافقت وماذا حصل ؟؟

لاشي اوصلنا للمكان الذي نريد من غير مشاكل تذكر وماكان خوفي له مبرر اصلن

وراح اقولكم موقف ثاني لصديقتي ركبت هي وامها مع سائق سعودي وما كانوا

يدورن انه سعودي تدرون ليه لانه اضطر يتنكر ويسوي نفسه هندي عشان العالم

تركب معه حتى باللهجه يحكي كأنه هندي طبعا راح تقولون كيف عرفوا انه سعودي

لان يوم حاسبوا كان باقي لهم فلوس ومشوا وخلوه طبعا هنا السائق نادى الام وقال

ياخاله باقي فلوسك هنا الام انصدمت ماتوقعت انه سعودي لدرجه انها ماتلفت وقالت

الباقي خذه لك

ليه نخلي عيالنا يتنكرون عشان يدورن على رزقهم ؟

هل كل اجنبي فيه الخير عشان نترك عيال ديرتنا صحيح الكل فيه حقه

بس اغلب عيالنا ان شاء الله فيهم الخير

على الاقل لو سولت له نفسه وذكرناهـ في ربه وعرضه

اتوقع راح تاخذه الحميه ويرتد ليه نخلي الاجانب يكونون اولى من عيالنا

في اخذ فلوسنا

هل تربيتنا هي السبب ؟؟

او المجتمع؟؟

او ان شغلته عيب وهو جالس يسوي شي مانرضاه؟؟

ابي اعرف السبب ليه كذا نظرتنا لعيالنا؟؟

احترامي لكم
..,

تسلمين اختي شموخ على موضوعك المميز كالعاده التي تتميزها بها شمووخ انثى

اول شي التاكسي لاني ابتكلم في موضوعك ولان اخر ج عن الحوار وهو الركوب معه بدون محرم ....


السعودي يا الغالية لانه نفس عادتنا وتقالدينا

يعني تستحي تكاسره او تستحي تسولف معه


يعصب دايم اذ حده احد يعني حنا طبعنا امحق شوي مدري ليش ..

ولاكن يجب ان نعطي المواطن السعودي الثقة الكاملة لاجل هو ابن بلدنا ويخاف على ابناء وبنات المسلمين اكثر من الاجنبي

وكثير ما نسمع السائقين والخطف وغيرها من الامور الغير شرعية ...


وصحيح بعض الحريم تبي تقرقر وتسولف في السيارة عادي قدام الاجنبي اكيد

ام قدام السعودي ما تقدر يمكن عيب ...

المهم يجب ان نضع الثقة في ابناء وطننا كالمجتمعات الاخرى


تسلمين يا شموخ على موضوعك

وعندي الموضوع نفسه بزيادة الحرمه تركب بدون محرم

او محرمها عمره 11 سنة هل هذا محرم او 13 سنة ...

ويسمى هذا خلو الي انهى عنه رسول الله صلى الله عليه وسلم

هذا مالدي ولي رجعة اخر

تقبلي تحياتي

أشكرك أختي الغاليه هنوف القصيد على طرحك المميز دائما ً

وبخصوص موضوعك أتوقع أنه ليس هناك فرق بين الأثنين

كلاهما بيوصلوني للمكان الذي أريده

وربما الشاب السعودي بيكون أفضل من الأجنبي من ناحية معرفته بالأماكن

ولكن بعض النساء تفضل الأجنبي لأسباب أخرى منها


لا تقدر على مكاسرته من الحياء طبعا ً

لا تقدر تتكلم مع أخويتها على كيفها (( تهثر ))

حتى في الجوال ماتاخذ راحتها لأنه يعرف نفس اللهجه

وأنا أفضل السعودي على الأجنبي



وعلى ما أظني يا عبدالله بن عبدالعزيز

وتعقيبا ً على كلامك

اقتباس: وعندي الموضوع نفسه بزيادة الحرمه تركب بدون محرم او محرمها عمره 11 سنة هل هذا محرم او 13 سنة ... ويسمى هذا خلو الي انهى عنه رسول الله صلى الله عليه وسلم

أنها لو كانت مع أجنبي أو سعودي كلها خلوه

أم أن الأجنبي ليس برجل (يمكن)





هذا ماحبيت أن أضيفه .


لك أعذب التحاااايا يالغلا

هلا بك اختي شموخ

موضوعك مهم جداا

لكن اهلي من النوع اللي ممنووووع منعا باااتا الركوب مع تاكسي,,مانركبه الا اذا في حالة وحده وهي لما نسافر عشان يوصلنا من المطار للبيت اذا مافيه احد يستقبلنا ويفضل ابوي يكون سعودي عشان يسولف معاه ^_^ ويرتاح له اكثر ومثل مايقول ولدنا وعارفينه احسن من اللي ماندري وش يكون

لو فرضا لو احتجنا لحدوث شي لاقدر الله راح نركب مع سعودي أأمن وأريح


أشكرك شموخ ع الموضوع

اقتباس: وعلى ما أظني يا عبدالله بن عبدالعزيز وتعقيبا ً على كلامك اقتباس وعندي الموضوع نفسه بزيادة الحرمه تركب بدون محرم او محرمها عمره 11 سنة هل هذا محرم او 13 سنة ... ويسمى هذا خلو الي انهى عنه رسول الله صلى الله عليه وسلم أنها لو كانت مع أجنبي أو سعودي كلها خلوه أم أن الأجنبي ليس برجل (يمكن)

هلا اخوي العضيد وتدري احسن مافي الحوار عندنا

ان كل واحد يدور شي على الثاني هههه وميزة حلوة تعجبني

حبيبي انا ماحدد الخلوه مع سعودي واجنبي وارجع لردي زين

اذ شفت اني اقول السعودي يركب بمحرم والاجنبي لا

اعطني الرد


لا تتعجل في الحوار لان هو محك حقيقي لقلم الشخص

لا ازيد من كلامي واشكرك على مداخلتك الرائعة وهي نفس كلامي يا الغالي

شموخ بس تعقيبي لو تسمحين لاجل اوضح لاخوي العضيد فقط ..

تقبل تحياتي

أشكرك أختي شموخ انثى على موضوعك المميز والرااائع والصراحة هالمشكله يعاني منها سواقين الاجره السعوديين لان الاجنبي ضيق عليهم .

قبل كل شي لازم نعرف ان السائق مهما كانت جنسيته هو في الاخير (رجل) .
اما موضوع ارتياح الناس للاجنبي خصوصا النساء لعدة اسباب منها ما ذكره اخواني عبدالله والعضيد ان الحريم تاخذ راحتها في الحكي والسواليف مع الاجنبي لانه ما يفهم اللهجه زين عكس السعودي .
ايضا لا تنسون ان الاجنبي يحسب الف حساب لاي شي غير اخلاقي , وهذا يبعث الطمائنينه والارتياح عكس السعودي .

الاجنبي السواق في الاخير عامل وافد تنفخ عليه ترفع صوتك عااااادي تكسر سعره مافيه مشكله , لكن ابن امك تكلم مع سائق سعودي ! تلقى العجرى تحت المرتبه .

السائق السعودي او السعوديين بشكل عااام مثل ما قال اخونا عبدالله بن عبدالعزيز فيهم العصبيه الزايده حبتين يعني لو مشوارك يزود كيلو شانت نفسه !

ما ودي اطول في الموضوع حتى افسح المجال للاخوة للمشاركه ولي عودة لسرد بعض المواقف .

كل الشكر لك اختي

موضوع جيد وطرح مفيد منك تشكرين عليه غاليتي

بنسبه لي انا مافيه فرق بينهم

فـــ كلهم الرجال وخالقهم واحد كــان سعودي ولا اجنبي و كلاً فيه حقه من الخير والشر

والحامي رب العالمين

فــ الوحده منا اذا حطت بنفسها تركب مع التاكسي لازم تحصن نفسها قبل الخروج

اما بخصوص السريه من ناحيت الكلااااااااام والهذره الزايده فـــ المفروض انا نحاول نمسك انفسنا مع الاجناب ونقلل من الكلام مهما كانت جنسية السائق فــ الشيطان حريص ومايعرف الجنسيات ولا ننسى ان صوت المراءه عوره ...



شششششششششموخ


اشكر لك جمال طرحك ونقائه


احترامي لك ولقمك المميز

يعطيك العافية أختي شموخ على

المـــــــوضـــــــوع

تقبلي خالـــــــص تحـــــــياتي



الكاسر20

//
\\
*

اقتباس: تسلمين اختي شموخ على موضوعك المميز كالعاده التي تتميزها بها شمووخ انثى اول شي التاكسي لاني ابتكلم في موضوعك ولان اخر ج عن الحوار وهو الركوب معه بدون محرم .... السعودي يا الغالية لانه نفس عادتنا وتقالدينا يعني تستحي تكاسره او تستحي تسولف معه يعصب دايم اذ حده احد يعني حنا طبعنا امحق شوي مدري ليش .. ولاكن يجب ان نعطي المواطن السعودي الثقة الكاملة لاجل هو ابن بلدنا ويخاف على ابناء وبنات المسلمين اكثر من الاجنبي وكثير ما نسمع السائقين والخطف وغيرها من الامور الغير شرعية ... وصحيح بعض الحريم تبي تقرقر وتسولف في السيارة عادي قدام الاجنبي اكيد ام قدام السعودي ما تقدر يمكن عيب ... المهم يجب ان نضع الثقة في ابناء وطننا كالمجتمعات الاخرى تسلمين يا شموخ على موضوعك وعندي الموضوع نفسه بزيادة الحرمه تركب بدون محرم او محرمها عمره 11 سنة هل هذا محرم او 13 سنة ... ويسمى هذا خلو الي انهى عنه رسول الله صلى الله عليه وسلم هذا مالدي ولي رجعة اخر تقبلي تحياتي

حياكـ ابو عبدالعزيز
اسعدني تشريفكـ وتعليقكـ على الموضوع
تبي الجد
اكيد الحرمهـ تبي تقرقر ماتصبر لازم تحش
والسعودي بيفهم
وتبي اجنبي عشان تحش بكيفها وتلفلفهـ يمين ويسار على كيفها
ولا يدري منهي بنتهـ
اما قصة ابو 12 سنه محرم لو يكرفسهـ ماحد درى عنهـ ولاعنـ اللي معهـ
بس الحاااميـ الله
لاسعوديـ ولااجنبيـ
تسلم اخويـ على المرور
ولاهنتـ
..,

تسلمين اختي شمووخ اول شي على رحابة صدرك

ثاني شي على تعليقك وتايدك في بعض كلامي


اختي الغالية ليش حنا نروح لا شياء ثانية ابسالك ؟؟

صحيح ومعروف ان الحامي الله مافيه اشكال يعني هذا عقيدتنا وحنا عارفين هذى الشي ...

اختي لو تركبين مع راعي تاكسي سكران تقول اختك سكران تقولي الحامي الله اركبي ... دقيقة انا اقول وكما هو معروف الله قادر على كل شي والحامي الله مرة اخرى

بس لا تلقوا ايديكم الى التهلكة ...

مسالة كلامي والذي سوف اصل اليه الحرمة لازم معها محرم عاقل بالغ

مسالة على قولتك ابو 12 رفسة وخلصنا ... وهذى شي موسف اراه في مملكتنا الحبيبة ... يا ما اعراض ناس راحت بسبب الركوب بدون محرم ...

وتسلمين مرة اخرى على ردك وتقبلي مداخلتي بصدر رحب

بس الله يهديكن انا عارف انكم تحبون القرقره واذ جيتوا من السوف فليتوا كل الخلاقين الي معكم هههه وفي اخر شي يووو ضيق ... ههه

امزح والله بس تخبرون انتم انكم راعين سواليف ووسعة صدر ولا تبين الصراحة ولا تزعلين لو ما عندكم شغل كان لفيتوا الثمامة وجلستوا وشاهي وحب ههه

تقبلي مروري الخفيف يا الغالية انا اعلم اني زودتها وطلعت عن المسار

بس الحوار مو لازم يكون جد دايم وهذى اعتبريه من الدعايات هه